डोनाल्ड ट्रम्प यांचा तो एक निर्णय, थेट मुस्लिम देशांमध्ये हाहाकार, दबाव आणत..

इराण आणि अमेरिका युद्ध संपण्याच्या अत्यंत जवळ आहे. कोणत्याही क्षणी दोन्ही देशाकडून मोठी घोषणा केली जाऊ शकते. दोन मुद्द्यांमुळे करार होऊ शकत नव्हता, त्यामधूनही मार्ग काढण्यात आल्याचे कळतंय. इराण आणि अमेरिका युद्धाला 3 दिवसांनी तीन महिने पूर्ण होतील. या युद्धाने जग जैरीस आले. ऊर्जेचा तुटवडा असून जागतिक बाजारात कच्च्या तेलाच्या कितमीमध्ये मोठी वाढ होत आहे. जागतिक बाजार अस्थिर झाला. दोन्ही देश युद्धविरामाच्या कराराला अंतिम स्वरूप देण्याचे काम करत आहेत. यादरम्यानच अमेरिकेचे अध्यक्ष डोनाल्ड ट्रम्प यांनी असे काही केले की, संपूर्ण मुस्लिम देशांची झोपच उडाली. मुस्लिम देशांसमोर एक नवीन समस्या निर्माण झाली आहे. डोनाल्ड ट्रम्प यांनी अरब देशांवर दबाव वाढवण्यास सुरूवात केली. इस्त्रायलसोबतचे संबंध सर्वसामान्य करण्याकरिता डोनाल्ड ट्रम्प यांनी दबाव टाकण्यास सुरूवात केली.

डोनाल्ड ट्रम्प यांनी संयुक्त अरब अमिराती, पाकिस्तान, कतार, सौदी अरेबिया, बहरीन, जॉर्डन, तुर्की आणि इजिप्त या देशांच्या नेत्यांसोबत फोनवरून संवाद साधला. या संवादादरम्यान डोनाल्ड ट्रम्प यांनी असे काही म्हटले की, सर्व मुस्लिम देशांना मोठा धक्काच बसला. डोनाल्ड ट्रम्प यांनी स्पष्ट शब्दात म्हटले की, इराण युद्ध संपल्यानंतर अरब आणि मुस्लिम देशांनी इस्रायलसोबत संबंध सामान्य करायचे आहेत.

फक्त हेच नाही तर अब्राहम अकॉर्डमध्ये सामील देखील व्हायचे आहेत. याबाबत बोलताना अमेरिकेच्या अधिकाऱ्यांनी म्हटले की, इराणसोबत होत असलेल्या करारावर चर्चा करणे हा उद्देश होता, या कराराबाबत त्यांनी पाठिंबा दर्शवला आहे. संयुक्त अरब अमिरातीचे अध्यक्ष मोहम्मद बिन झायद या सारख्या अरब नेत्यांनी कराराला पाठिंबा दिला आहे.

सर्वांनीच डोनाल्ड ट्रम्प यांना सांगितले की, या कराराला आमचा पाठिंबा असून आम्ही तुमच्यासोबत आहोत. डोनाल्ड ट्रम्प यांच्या या चर्चेदरम्यान अचानक एक मुद्दा निघाला. अमेरिकी अधिकाऱ्यांच्या मते, ट्रम्प यांनी नेत्यांना सांगितले की ते इस्रायलचे पंतप्रधान बेंजामिन नेतान्याहू यांना फोन करणार आहेत. युद्धविरामानंतर मुस्लिम देशांना इस्त्रायलसोबत संबंध सामान्य ठेवावे लागतील, याकरिता डोनाल्ड ट्रम्प दबाव टाकत आहेत.