Jeffery Epstein: जेफ्री एपस्टीईन इतक्या मोठ्या साम्राज्याचा धनी, मृत्यूपत्रात कुणाच्या नावे केली संपत्ती?
Jeffery Epstein Wealth: जेफ्री एपस्टीनच्या संपत्तीची चर्चा अजूनही कमी झालेली नाही. जगभरात त्याची कुकीर्ति पसरली आहे. 2019 मध्ये तुरुंगातच त्याचा मृत्यू झाला. पण आज त्याच्या एपस्टीन फाईल्सने ब्रिटनच नाही तर अनेक देशातील नेते, उद्योजक धास्तावले आहे.
Jeffery Epstein Inheritor: अमेरिकेचा कुख्यात लैंगिक छळातील गुन्हेगार जेफ्री एपस्टीनच्या संपत्तीतून डझनभर महिला पीडितांना 35 दशलक्ष डॉलरची रक्कम दिली आहे. हे काही पहिल्यांदा घडलं नाही. जेफ्रीच्या संपत्तीतून पीडितेला नुकसान भरपाई देण्यात आलेली आहे. यापूर्वी सुद्धा त्याच्या संपत्तीतून 121 दशलक्ष डॉलर आणि 49 दशलक्ष डॉलरची भरपाई पीडितांना देण्यता आलेली आहे. 2019 मध्ये मृत्यूवेळी एपस्टीनची एकूण संपत्ती 600 दशलक्ष डॉलर इतकी होती. पण त्याने इतकी संपत्ती कशी कमावली हे मात्र गूढच आहे.
लैंगिक छळाचा आरोपी जेफ्री एपस्टी 90 च्या दशकात अमेरिकेच्या मॅनहॅटनच्या एका नदीच्या काठावरील दोन बेडरूमच्या घरात राहत होता. पण पुढील दोन दशकातच त्याने जगातील बड्या आणि प्रभावशाली लोकांशी अगदी जवळीक साधली. विविध राजकीय नेते, शाही कुटुंबातील लोक, जगातील दिग्गज लोक आणि अब्जाधीशांसोबत त्याने मैत्री वाढवली आणि त्या प्रभावातून अनेक कामे केल्याचा दावा केल्या जातो.
इच्छापत्रात कुणाला दिली संपत्ती?
अमेरिकन न्याय विभागानुसार, जेफ्रीने त्याच्या इच्छापत्रात प्रेयसी घिसलेन मॅक्सवेलसाठी 10 दशलक्ष डॉलरची रक्कम दिली आहे. एपस्टीनने त्याच्या इच्छापत्रात त्याचा भाऊ मार्क एपस्टीन आणि त्याचा वैमानिक लॅरी विसोस्की याला 10 दशलक्ष डॉलरची रक्कम देण्याचे निश्चित केले आहे. याशिवाय त्याची दुसरी प्रेयसी कॅरीना शुलियाक हिच्या नावे 50 दशलक्ष डॉलरची संपत्ती जाहीर केली आहे. याशिवाय पॅरिसमधील एक अपार्टमेंट, पाम किनाऱ्यावरील मालमत्ता, मॅनहॅटन येथील टाऊनहाऊस दिले आहे. तर न्यू मॅक्सिकोतील जोरो रेंच, लिटिल सेंट जेम्स बेटावरील मालमत्ता आणि 33 कॅरेटची हिऱ्याची आंगठी ही पण शुलियाक हिच्या नावे केली आहे.
अमेरिकेच्या न्याय विभागानुसार, जेफ्री एपस्टीनकडे न्यूयॉर्क, पाम बीच आणि फ्रान्सची राजधानी पॅरिसमध्ये आलिशान बंगला आहे. त्याच्याकडे दोन खासगी कॅरेबियन बेटे आहेत. याशिवाय त्याच्याकडे 380 दशलक्ष डॉलरची रोख रक्कम आणि मोठी गुंतवणूक होती. त्याच्याकडे एक हेलिकॉप्टर, दोन जेट विमानं पण होती. याशिवाय त्याच्या संपत्तीचा वाद कोर्टातही सुरू आहे. एपस्टिनने त्याची संस्था आणि कंपन्यांची एक अवघड गुंतागुंत केली आहे. काही संपत्तींची विक्री करण्यात आली आहे. तर त्याच्या काही संपत्ती अजूनही विविध वादात अडकलेल्या आहेत. काही संपत्ती आणि मालमत्तांचा शोध सुरू आहे.
