Iran War: युद्ध आणखी पेटणार! 3 देशांकडून इराणला इशारा, हल्ले न थांबवल्यास…
Iran War: गेल्या काही दिवसांपासून अमेरिका आणि इस्त्रायल हे इराणवर हल्ला करताना दिसत आहेत. हल्ल्याची सुरुवात ही इस्त्रायलने इराणवर हल्ले करत केली. आता या युद्धात आणखी तीन देशांनी उडी मारली आहे. त्यांनी थेट इराणला इशाला दिला आहे.
इस्रायल, अमेरिका आणि इराण यांच्यातील भडकलेले युद्ध थांबण्याचे नाव घेत नाहीये. हे युद्ध आता अतिशय हिंसक पातळीला पोहोचल्याचे चित्र आहे. इस्त्रायलने अमेरिकेच्या मदतीने केलेल्या हल्ल्याचे प्रतिउत्तर देण्यासाठी इराणने आखाती देशामधील अमेरिकेचे लष्करी तळ उद्धवस्त केले. इराणने अक्षरश: अंधाधुंद हल्ला करण्यास सुरुवात केली होती. आता हा हल्ला पाहून तीन देशांनी इराणला इशारा दिला आहे. त्यांनी हल्ले थांबले नाही तर… आता हे देश कोणते आहेत? आणि त्यांनी नेमका काय इशारा दिला? चला जाणून घेऊया…
कोणते तीन देश?
इराणच्या अंधाधुंद हल्ल्यांमुळे फ्रान्स, जर्मनी आणि ब्रिटनकडून संयुक्त निवेदन जारी करण्यात आले आहे. या तीनही देशांनी हल्ले त्वरीत थांबवण्याचा सल्ला दिला आहे. अन्यथा इराणविरोधात ‘डिफेंसिव अॅक्शन’ घेण्याचा इशारा देण्यात आला आहे. इराणने काही देशांमधील अमेरिकेचे लष्करी तळ उद्धवस्त करण्यासाठी ड्रोन हल्ले केले. हे हल्ले अंधाधुंद असल्यामुळे इतर गोष्टींचेही नुकसान होत असल्याचे म्हटले जात आहे. त्यामुळे आता या युद्धात तीन नव्या देशांनी उडी घेतली आहे.
इराणचा नवा दावा काय आहे?
अमेरिका आणि इस्त्रायलने इराणच्या नतांज न्यूक्लियर सुविधेवर (Natanz Nuclear Facility) हल्ला केला आहे. या हल्लानंतर जगात खळबळ माजली आहे. याचा हल्लामुळे आता रेडिएशनचा धोका निर्माण झाला आहे. अंतरराष्ट्रीय अणु ऊर्जा एजन्सीचे (IAEA) महासंचालक राफेल ग्रॉसी यांनी अमेरिका आणि इस्त्रायलने केलेल्या हल्ल्यानंतर चिंता व्यक्त केली आहे. या घटनेमुळे रेडियोलॉजिकल रिलीज (रेडिएशन लीक) होण्याची शक्यता नाकारता येत नाही, ज्याचे गंभीर परिणाम होऊ शकतात. यामुळे मोठी शहरे रिकामी करण्याची वेळ येऊ शकते. त्यांनी सर्व पक्षांना संयम बाळगण्याचे आणि कूटनीतिक मार्गाने चर्चा करण्याचे आवाहन केले आहे.
गेल्या ४८ तासांतच ४८ प्रमुख इराणी नेते आणि ४० महत्त्वाचे लष्करी कमांडर ठार मारल्याचा दावा करण्यात येत आहे. इराणचे सर्वोच्च नेते आयातुल्ला अली खामेनेई यांच्या मृत्यूनंतर आता इस्त्रालय आणि अमेरिकेने इराणविरुद्ध बंड पुकारले आहे.
