प्रेमासाठी काय पण! अखेर जपानच्या राजकुमारीने प्रियकराशी केले लग्न, 974 कोटींना लाथ; वाचा नेमकं प्रकरण

टोकियो: जपानची राजकुमारी माको (Mako) हिने मंगळवारी अखेर दीर्घ प्रतीक्षेनंतर तिच्या कॉलेजच्या प्रियकराशी लग्न केले. केई कोमुरो (Kei Komuro) हा राजघराणातला नसून सामान्य जनतेतून येतो आणि माको ही जपानच्या राजाची भाची आहे. त्यामुळे लग्न करण्यासाठी अनेक वर्ष विविध अडथळ्यांना त्यांना सामोरं जावं लागलं, ज्यामुळे राजकन्या माकोला पोस्ट-ट्रॉमॅटिक स्ट्रेस डिसऑर्डरचा (Post Traumatic Stress Disorder-PTSD) त्रास झाला होता. (japan princess mako finally marries her boyfriend komuro)

माको आणि केई कोमुरो, दोघेही 30 वर्षांचे असून, यांनी चार वर्षांपूर्वी त्यांच्या साखरपुड्याची घोषणा केली आणि सुरुवातीला जपानने आनंद व्यक्त केला. पण मीडियाने जेव्हा कोमुरोच्या आईचा पैशांच्या घोटाळ्यांमध्ये समावेश असल्याचा बातम्या दिल्या, त्यानंतर त्यांचं लग्न पुढे ढकलण्यात आलं. कोमुरोने 2018 मध्ये जपान सोडला आणि न्यूयॉर्कमध्ये कायद्याच्या शिक्षणासाठी गेला, तो सप्टेंबरमध्ये जपानला परतला.

लग्न कसं झालं?

माको आणि कोमुरोच्या लग्नात फक्त इम्पेरियल हाऊसहोल्ड एजन्सी (IHA) चा एक अधिकारी होता, ज्याने आज सकाळी स्थानिक कार्यालयात कागदपत्रे सादर केली. राजघराण्याच्या विवाहसोहळ्यांतील असंख्य विधी, समारंभ आणि शाही रिसेप्शनसह (Royal Wedding Reception) सगळं वगळण्यात आले.

माकोचा 974 कोटी घ्यायला नकार

जपानी कायद्यानुसार राजघऱ्याणातल्या महिलेनी जर सामान्य नागरिकाशी लग्न केलं, तर त्या महिलेचा सामान्य नागरिकांमध्ये समावेश होतो. अशा महिलेला साधारणत: $1.3 दशलक्ष डॉलर्स (974.35 कोटी रुपये) रक्कम दिली जाते. पण माकोने ही रक्कम घ्यायला नकार दिला. माकोने लग्नात मोती पेस्टल ड्रेस परिधान केला होता. दुपारी माको आणि तिचा नवरा एक पत्रकार परिषद घेणार आहे, पण हे प्रथेला अनुसरून नाही.

पैसा घोटाळा

माको आणि कोमुरो दोघांनी एका पत्रकार परिषदेमध्ये त्यांच्या साखरपुड्याची घोषणा केली होती आणि जपानच्या जनतेने आनंदाने त्याचं स्वागत केलं. पण काही महिन्यांनंतर एका व्यक्तीने दावा केला की, कोमुरोच्या आईने आणि तिच्या आधीच्या प्रियकराने सुमारे $35,000 डॉलर्सचे (26.24 लाख रुपये) कर्ज फेडले नाहीये. IHA ने या घोटाळ्याचं नीट स्पष्टीकरण नाही दिले आणि ही बातमी सर्व माध्यमांमध्ये पसरली. 2021 मध्ये कोमुरोने या प्रकरणावर 24 पानांचे निवेदन जारी केले आणि तो सेटलमेंट देईल, असंही सांगितलं. पब्लिक पॉल्समध्ये असं दिसून आलं की जपानी लोकांची मतं या लग्नाबद्दल विभागलेले होते आणि निषेधही झाला होता.

इतर बातम्या

Bangladesh Voilence: फेसबुक फॉलोवर्स वाढवण्यासाठी बांगलादेश हिंसा भडकली?, नेमकं काय घडलं?

China Covid Updates: धोका वाढला! चीनमधील ‘या’ पर्यटनस्थळावर बंदी

japan princess mako finally marries her boyfriend komuro