Video| …अन् पाकिस्तानची अस्मा झाली भावूक; पंतप्रधान मोदींचे मानले आभार
युक्रेनमध्ये (Ukraine)अडकलेल्या पाकिस्तानी विद्यार्थीनीने पंतप्रधान नरेंद्र मोदी यांचे आभार मानले आहेत. भारत सरकारने केलेल्या मदतीमुळे आपण सुरक्षित ठिकाणी पोहोचल्याचे तिने म्हटले आहे.
युक्रेनमध्ये (Ukraine)अडकलेल्या पाकिस्तानी विद्यार्थीनीने पंतप्रधान नरेंद्र मोदी यांचे आभार मानले आहेत. रशिया (Russia)आणि युक्रेन यांच्यामध्ये युद्ध सुरूच आहे. या युद्धाचा आज चौदावा दिवस आहे. रशिया आणि युक्रेन यांच्यात अचानक युद्ध सुरू झाल्याने ही विद्यार्थीनी युक्रेनची राजधानी कीवमध्ये अडकली होती. भारतीय दुतावासाच्या मदतीने ही विद्यार्थी सुरक्षित ठिकाणी पोहोचल्यामुळे तीने पंतप्रधान नरेंद्र मोदी (Prime Minister Narendra Modi) आणि केंद्र सरकारचे आभार मानले आहेत. अस्मा शफीक असे या विद्यार्थीनीचे नाव आहे. या विद्यार्थीनीने सोशल मीडियावर एक व्हिडीओ पोस्ट करत भारत सरकारचे आभार मानले आहेत. या विद्यार्थीनीने या व्हिडीओमध्ये म्हटले आहे की, मी पाकिस्तानी आहे, युक्रेनमध्ये शिक्षणासाठी आले होते. युद्धात मी कीवमध्ये अडकले. परंतु मला भारतीय दुतावासाने या संकटातून बाहेर काढले. त्यासाठी मी भारत सरकार आणि भारताचे पंतप्रधान नरेंद्र मोदी यांचे आभार मानते.
काय म्हणाली अस्मा?
मी एक पाकिस्तानी विद्यार्थीनी आहे, मी युक्रेमध्ये युद्धात अडकले. कीवमधून बाहेर पडणे शक्य नव्हते. मात्र मला भारतीय दुतावासाची मदत मिळाली. भारतीय दुतावासाच्या मदतीमुळे मी सुरक्षित ठिकाणी पोहोचले. मी आता लवकरच माझ्या मायदेशी परतेल. यासाठी मी पंतप्रधान मोदी आणि भारत सरकारचे आभार मानते असे अस्मा शफीक हीने म्हटले आहे. दरम्यान भारत सरकार भारतीय विद्यार्थ्यांसोबतच नेपाळ आणि पाकिस्तानच्या विद्यार्थ्यांना देखील युक्रेनमधून सुरक्षीत बाहेर पडण्यास मदत करत आहे.
भारताचे ऑपरेशन गंगा
हजारो भारतीय विद्यार्थी युक्रेनमध्ये अडकले होते. या विद्यार्थ्यांना आता भारतात परत आणले जात आहे. त्यासाठी भारत सरकारच्या वतीने ऑपरेशन गंगा नावाची मोहीम चालवली जात आहे. या मोहीमेंतर्गत आतापर्यंत हजारो भारतीय विद्यार्थ्यांना युक्रेनमधून भारतात परत आणले गेले आहे. युक्रेनमध्ये सध्या हवाई वाहतूक बंद असल्यामुळे या विद्यार्थ्यांना बसमधून पोलंडच्या सीमेवर आणले जात आहे व त्यानंतर त्यांना विमानाने भारतात आणले जात आहे.
अस्माचा व्हिडीओ
संबंधित बातम्या
Russia Ukraine War : युक्रेनमधून नागरिकांचे पलायन; मन हेलावून सोडणारी दृष्यं
Russia Ukraine War : रशियाचा युक्रेनमध्ये पुन्हा युद्धविराम
