दक्षिण कोरियात बाळ जन्माला घाला, लाखो कमवा

सियोल (दक्षिण कोरिया) : भारतात वाढती लोकसंख्या ही गंभीर समस्या आहे. लोकसंख्या वाढीमुळे संसाधनांचा पुरवठा करण्यात अडचणी येतात. त्यामुळे देशात गरिबी, बेरोजगारी सारख्या समस्या वाढतात. मात्र, दक्षिण कोरिया हा देश या विरुद्धच्या परिस्थितीशी झुंजत आहे. दक्षिण कोरियात गेल्या वर्षभरात जन्म दरापेक्षा मृत्यू दराची संख्या जास्त होती. त्यामुळे दक्षिण कोरिया सरकारने ज्या कुटुंबात बाळ जन्माला येईल त्या कुटुंबाला पैसे देण्याची योजना जाहीर केली आहे (South korea government scheme for to increase birth rate).

लोकसंख्या वाढावी यासाठी गेल्या महिन्यात कोरियाचे राष्ट्रपती मून जेई यांनी गेल्या आठवड्यात नव्या योजनेची घोषणा केली होती. या योजनेअंतर्गत 2022 सालापासून जन्मणाऱ्या प्रत्येक बाळाला 20 लाख वॉर्न (दक्षिण कोरियाचे चलन) देण्यात येणार आहेत. याशिवाय सरकार बाळाच्या कुटुंबियांना वर्षभर 3 वॉर्न लाख रुपये प्रती महिने देणार असल्याची माहिती मून जेई यांनी दिली होती. त्याचबरोबर 2025 मध्ये हीच रक्कम 5 लाख वॉर्नपर्यंत केली जाणार आहे.

जन्म दरापेक्षा मृत्य दर अधिक

दक्षिण कोरिया हा जगात सर्वात कमी जन्म दर असलेला देश आहे. या देशात 2020 मध्ये 2,75,800 बाळांचा जन्म झाला. मात्र, हे प्रमाण 2019 च्या तुलनेने 10 टक्क्यांनी कमी झालं आहे. दुसरीकडे 2020 सालात दक्षिण कोरियात 3,07,764 लोकांचा मृत्यू झाला. जन्म दरात सतत होणारी घट ही दक्षिण कोरिया सरकारसाठी चिंतेची बाब आहे. त्यामुळे गृह मंत्रालयाने महत्त्वपूर्ण निर्णय घेण्याचं ठारवलं आहे.

दक्षिण कोरियात जन्मदर कमी झाल्याने तरुणांची संख्या कमी तर वृद्धांची संख्या जास्त झाली आहे. त्यामुळे देशात कामासाठी कामगार मिळणंदेखील कठीण होऊन बसलं आहे. दुसरीकडे वृद्ध नागरिकांना पेंशन सुरु असल्याने सरकारी तिजोरीवर मोठा ताण पडत आहे (South korea government scheme for to increase birth rate).

हेही वाचा : महिलेच्या जागेवर लढण्याचा तृतीयपंथीयाला अधिकार, औरंगाबाद खंडपीठाचा निर्णय