हार्ले डेविड्सनची किंमत वाढवल्यामुळे ट्रम्प भारतावर नाराज
मुंबई : भारताचे पंतप्रधान नरेंद्र मोदी आणि अमेरिकेचे अध्यक्ष ट्रम्प यांच्या गळाभेटीची जगभरात चर्चा झाली. आता याहून अधिक चर्चा होत आहे अमेरिकेची ओळख असलेल्या हार्ले डेविडसन बाईकवरील कर वाढीच्या मुद्द्याची. ट्रम्प यांनी भारताला जगातील सर्वाधिक कर लावणार देश म्हणत हा मूर्खपणाचा व्यापार असल्याचे म्हटले आहे. त्यांनी हे विधान राष्ट्रीय रिपब्लिकन काँग्रेस समितीच्या वार्षिक ‘स्प्रिंग डिनर’मध्ये […]
मुंबई : भारताचे पंतप्रधान नरेंद्र मोदी आणि अमेरिकेचे अध्यक्ष ट्रम्प यांच्या गळाभेटीची जगभरात चर्चा झाली. आता याहून अधिक चर्चा होत आहे अमेरिकेची ओळख असलेल्या हार्ले डेविडसन बाईकवरील कर वाढीच्या मुद्द्याची. ट्रम्प यांनी भारताला जगातील सर्वाधिक कर लावणार देश म्हणत हा मूर्खपणाचा व्यापार असल्याचे म्हटले आहे. त्यांनी हे विधान राष्ट्रीय रिपब्लिकन काँग्रेस समितीच्या वार्षिक ‘स्प्रिंग डिनर’मध्ये केले.
अमेरिकेची आर्थिक डबघाई दूर करण्यासाठी ट्रम्प अनेक नवे निर्णय घेत आहेत. यात जुन्या सरकारच्या निर्णयांना बदलण्यावर त्यांचा अधिक भर आहे. याचाच भाग म्हणून त्यांनी युरोपियन युनियन आणि चीनवर वेळोवेळी टीका केली आहे. मात्र, भारताच्या कर धोरणानंतर ट्रम्प यांनी भारतालाही लक्ष्य करण्यास सुरुवात केली.
(भारताचे पंतप्रधान नरेंद्र मोदी आणि अमेरिकेचे राष्ट्राध्यक्ष ट्रम्प यांची गळाभेटी)
‘भारत कर कमी करुन आमच्यावर उपकार करत नाही’
ट्रम्प यांना भारताकडून मोठ्या कर कपातीची अपेक्षा आहे. मात्र भारताने करात तेवढा मोठा दिलासा न दिल्याने ट्रम्प यांनी मोदींसोबत झालेल्या आपल्या खासगी चर्चेलाच सार्वजनिक केले आहे. मध्यंतरी पंतप्रधान मोदी यांनी ट्रम्प यांना फोन करुन भारत सरकार हार्ले डेविडसनवर लावण्यात येणारा कर 50 टक्क्यांपर्यंत कमी करत असल्याचे सांगितले होते. याचा उल्लेख करत ट्रम्प यांनी भारत कर कमी करुन आमच्यावर उपकार करत नसल्याचे म्हटले. अमेरिकेला सध्या व्यापारात 800 बिलियन डॉलरचा तोटा होत आहे. यामागे इतर देशांमधून आयातीचा वाटा मोठा आहे. यात चीनचा वाटा मोठा आहे. हा तोटा कमी करण्यासाठी अमेरिकेला आपली निर्यात वाढवणे आवश्यक आहे. त्यामुळेच ट्रम्प युरोपियन युनियन, चीनसह आता भारतालाही लक्ष्य करत आहेत.
काय आहे ट्रम्प यांचं म्हणणं?
बाईक खरेदी विक्रीबाबत आपण भारताच्या बाईकवर जास्त कर लावत नाही. मात्र, भारत अमेरिकन बाईकवर 100 टक्क्यांपर्यंत कर लावत असल्याचा आरोप अमेरिकेने केला आहे. भारताच्या करवाढीमुळे हार्ले डेविडसनच्या किमती वाढत आहे आणि त्यामुळेच या बाईकच्या विक्रीत घट होत आहे. याला ट्रम्प यांनी विषम वागणूक म्हटले आहे. खरं म्हणजे या बाईकवर कर लावणारा भारत हा काही एकमेव देश नाही. चीन याच बाईकवर 30 टक्के आणि थायलंड 60 टक्के आयात कर लावतो.
भारताने 2018 च्या अर्थसंकल्पात उदारता दाखवत विदेशातून तयार होऊन येणाऱ्या 800 सीसी इंजन क्षमतेवरील बाईकवर कस्टम ड्युटी 75% वरुन 50% केली. 800 सीसीपेक्षा कमी इंजन बाईकवर 60% कस्टम ड्युटी लावली जात होती. मोदी यांनी ट्रम्प यांना जी कर कपात सांगितली होती ती 800 सीसी इंजन क्षमतेच्या वरील बाईकबाबत होती. कारण हार्ले डेविडसनच्या सर्वाधिक बाईक त्याच श्रेणीत येतात.
पाहा व्हिडीओ:
