देशवासियांना पॉर्न दाखवून रशियाविरोधात युद्ध लढणार; जेलेन्स्की यांची नवीन ट्रिक; जगही बुचकाळ्यात
युक्रेन रशियाविरोधातील युद्धासाठी नवीन रणनीती आखत आहे. युद्धनिधी गोळा करण्याकरिता पॉर्नोग्राफीला कायदेशीर मान्यता देण्याचा प्रस्ताव विचाराधीन आहे. खासदारांच्या अंदाजानुसार, यातून सरकारला २५ दशलक्ष डॉलरचा महसूल मिळू शकतो, ज्यातून ३० हजार ड्रोन खरेदी करता येतील. सध्या बेकायदेशीर असलेल्या या उद्योगाला कायदेशीर करून टॅक्सद्वारे युद्धाला आर्थिक बळ देण्याचा हा प्रयत्न आहे.
रशियाच्या विरोधात युद्ध लढताना यूक्रेन आता नवीन ट्रिक लढवणार आहे. यूक्रेनमध्ये पोर्नोग्राफी कायद्याला कायद्याने वैधता देण्याचा प्रस्ताव आला आहे. यूक्रेनचे खासदार यारोस्लाव जेलेजयनियाक यांचा पाठिंबा असलेलं एक विधेयक एडल्ट एंटरटेन्मेंट इंडस्ट्रीला कायदेशीर अर्थव्यवस्थेचा भाग बनवण्याचा प्रयत्न करत आहे. जेलेजनियाक हे यूक्रेनी संसदेच्या वित्त समितीचे अध्यक्ष आहे.
वॉल स्ट्रीट जर्नलच्या रिपोर्टनुसार, जेलेजनियाक यांच्या अंदाजानुसार पोर्नोग्राफिक कायदा बनवल्यावर सरकारला टॅक्सच्या रुपात सुमारे 25 मिलियन डॉलर म्हणजे 2.5 कोटी डॉलरचे उत्पन्न होऊ शकते. या रकमेतून युद्धासाठी 30 हजार ड्रोन खरेदी करता येईल. हे ड्रोन युद्धासाठी पुरेशे ठरतील. त्यामुळेच जेलेजनियाक यांनी हा आश्चर्यकारक प्रस्ताव संसदेसमोर आणला आहे.
आता कायद्याने बंदी
यूक्रेनमध्ये सध्या पोर्नोग्राफी बनवणं, व्हिडीओ ठेवणं किंवा ते व्हायरल करणं कायद्याने बंदी आहे. त्यासाठी सात वर्षाची शिक्षा आहे. मात्र, असं असलं तरी यूक्रेनमधील एडल्ट कंटेट इंडस्ट्री वाढतच आहे. याला काही भ्रष्टाचारी पोलिसांचं पाठबळ असल्याचं एका रिपोर्टचा दावा आहे.
आता टॅक्स अधिकाऱ्यांनी एडल्ट कंटेट क्रिएटर्सकडून टॅक्स वसूल करण्याचा प्रयत्न सुरू आहे. मात्र, आता या निमित्ताने एक विचित्र परिस्थिती निर्माण झाली आहे. जे क्रिएटर्स आपली कमाई घोषित करत आहेत, ते लोक स्वत: अशा प्रकारच्या गोष्टीची माहिती अधिकाऱ्यांपर्यंत पोहोचू शकतात. अर्थात हा कायद्याने गुन्हा आहे. जेलेजनियाक यांनी याला ट्रेजिकॉमिक स्थिती म्हटलं आहे. त्यांच्या मते, या परिस्थितीमुळे महिला दुहेरी संकटात सापडल्या आहेत. टॅक्स नाही दिला तर गुन्हेगारी कारवाई होण्याची भीती आहे, तर टॅक्स दिल्यावर पोर्नोग्राफिक कायद्यानुसार कारवाई होण्याचा धोका आहे, असं जेलेजनियाक यांनी म्हटलं आहे.
OnlyFans द्वारे कोट्यवधीची कमाई
ओन्ली फॅन्स या प्लॅटफॉर्मची पॅरंट कंपनी फेनिक्स इंटरनॅशनलच्या आकडेवारीनुसार, 2023मध्ये 7,900 यूक्रेनियीन नागरिकांनी OnlyFans द्वारे 131 मिलियन डॉलरहून अधिक कमाई केल्याचं एका रिपोर्टमध्ये म्हटलंय. टॅक्स अधिकाऱ्यांच्या कारवाईनंतर काही क्रिएटर्सना टॅक्स चोरी आणि अवैध एडल्ट कंटटे बनविण्याच्या आरोपात नोटीस मिळाली आहे. OnlyFans क्रिएटर स्वितलाना ड्वोर्निकोवाच्या दाव्यानुसार, पोलिसांनी त्यांच्या घरी छापा मारून 20 हजार डॉलर रोख रक्कमसोबतच लॅपटॉप आणि हार्ड ड्राइव्ह जप्त केले आहेत. पोलिसांनी केस संपवण्यासाठी लाच मागितली होती. पण आपण लाच देण्यास नकार दिल्याचा दावाही त्यांनी केला आहे.
राष्ट्रपतींच्या वेबसाईटवर प्रकरण
टॅक्स वकील लेसिया मिखालेंको यांनीही यावर प्रतिक्रिया दिली आहे. युद्धाच्या काळात क्रिएटर्सवर खटला चालवणे हा सरकारी संसाधनांचा योग्य वापर नाहीये, असं लेसिया म्हणाल्या. तर ड्वोर्निकोवा यांनी राष्ट्रपती व्लादिमीर जेलेन्स्की यांच्या वेबसाईटवर याचिका दाखल करून आपण इमानदार टॅक्सपेअर असल्याचा दावा केला. आपण सुमारे 9 लाख डॉलर्सचा टॅक्स भरल्याचा दावा त्यांनी केला आहे.
रिपोर्टनुसार, याचिकेवर एका आठवड्याच्या आत 25 हजाराहून अधिक स्वाक्षऱ्या झाल्या आहेत. त्यानंतर जेलेन्स्की यांनी खासदार जेलेजनियाक यांच्या पोर्नोग्राफीचा कायदा बनवण्याच्या प्रस्तावावर विचार करेल. हे विधेयक जुलैमध्ये पहिल्या रिडिंगमध्ये मंजूर झालं आहे. आता दुसऱ्या रिडिंगच्या प्रतिक्षेत आहे.
