US-Israel Iran News LIVE: अमेरिका आणि इस्रायलच्या हल्ल्यात इराणचे मोठे नुकसान, 48 नेते ठार

सराफा व्यापाऱ्याच्या डोळ्यात चटणी टाकून सोने लुटणारी टोळी बीड पोलिसांनी जेरबंद केली . 21 फेब्रुवारी रोजी दिघोळ आंबा रोडवर एका सराफा व्यापाऱ्याला रस्त्यात अडवून त्यांच्या डोळ्यात तिखट चटणी टाकून चाकूचा धाक दाखवत सोने लुटून पोबारा केला होता.

8 दिवसांच्या कालावधीत तपासाची चक्र फिरवत बीड पोलिसांनी या टोळीला अटक करून लुटण्यात आलेलं सोनं जप्त केलं.

मध्य पूर्वेतील इस्राईल, अमेरिका आणि इराण यांच्यात भडकलेल्या युद्धाचा मोठा फटका मुंबईतील आंतरराष्ट्रीय हवाई वाहतुकीला बसला आहे.  मुंबईहून लंडन, न्यूयॉर्क, शिकागो, टोरंटो, फ्रँकफर्ट आणि पॅरिसला जाणारी रविवार आणि सोमवारची सर्व उड्डाणे रद्द झाली आहेत. दिल्लीहून तेल अवीवला जाणारे विमानही सुरक्षिततेसाठी अर्ध्यातून पुन्हा मुंबईला वळवण्यात आलं.

इस्त्रायलच्या यरुशलमध्ये इराणकडून मिसाईल हल्ले करण्यात आले आहेत. या मिसाईल हल्ल्यात ६ जण जखमी झाल्याची माहिती समोर आली आहे.

अमेरिका आणि इस्रायलने केलेल्या हल्ल्यांमध्ये गेल्या ४८ तासांत इराणचे अतोनात नुकसान झाले आहे. या हल्ल्यांमध्ये इराणचे ४८ प्रमुख नेते आणि ४० प्रमुख लष्करी कमांडर मारले गेल्याचे वृत्त आहे. अमेरिकेचे राष्ट्राध्यक्ष डोनाल्ड ट्रम्प यांनी दिलेल्या माहितीनुसार, इराणच्या नऊ युद्धनौका बुडवण्यात आल्या आहेत. तसेच इराणच्या नौदल मुख्यालयाचेही मोठे नुकसान झाले आहे.

इराण इस्त्रालय युद्धामुळे शहापूरमधील २५ हून अधिक पर्यटक दुबईत अडकले. एका टूर कंपनीसोबत दुबईला गेले होते. दुबईमध्ये विमानसेवा बंद असल्याने पर्यटक अडकल्याची माहिती समोर आली आहे.

डोनाल्ड ट्रम्प यांच्या वक्तव्यावर इराणने प्रत्युत्तर दिले आहे. आम्ही ट्रम्पला मारु इच्छित नाही, असे इराणने म्हटले आहे.

मी आयातुल्ला अली खामेनेई यांना मारलं नसंत तर खामनेईंनी मला मारलं असतं, असा दावा डोनाल्ड ट्रम्प यांनी केला आहे. खामनेईंनी मला दोन वेळा मारण्याचा प्रयत्न केला होता, असेही डोनाल्ड ट्रम्प म्हणाले.

अमेरिका इराण युद्धात होणाऱ्या हल्ल्यामुळे दुबईत जळगाव जिल्ह्यातील ३१ नागरिक अडकले. विमा कंपनीच्या कार्यक्रमासाठी गेलेले ३१ जण युद्धामुळे दुबईत अडकून पडले आहेत. सध्या हवाई हल्ल्यामुळे दुबई येथून विमानसेवा बंद झाल्यामुळे सर्व जण अडकले असून ते हॉटेलात सर्व जण सुखरुप असल्याची माहिती समोर आली आहे .दोन दिवसापासून सततच्या होत असलेल्या हल्ल्यामुळे दुबईतील पर्यटन स्थळ तसेच सार्वजनिक ठिकाण बंद करण्यात आल्याची माहिती देखील नागरिकांनी दिली आहे.

यवतमाळ जिल्हा पोलीस दलात कार्यरत असलेल्या रवी जाधव यांची कन्या जागृती जाधव दुबईत अडकली. ती दुबईला एमबीबीएसचे शिक्षण घेण्यासाठी गेलो होती. जागृती जाधव ही 1 मार्चला फ्लाईटने भारतात येणार होती, मात्र वेळेवर फ्लाईट रद्द झाल्याने ती दुबईत अडकली असून सध्या ती सुरक्षित असल्याची माहिती नातेवाईकांनी दिली आहे.

भारतीय दूतावासाने युद्ध सुरू असलेल्या ठिकामी अडकलेल्या भारतीय नागरिकांसाठी काही सूचना केल्या आहेत. जिथे आहात तिथे सुरक्षित राहण्याचे आवाहन केले आहे.

भारताचे पंतप्रधान नरेंद्र मोदी यांनी हे युद्ध थांबवण्याची मागणी केली असून इस्त्रायलच्या पंतप्रधानांसोबत फोनवर चर्चा देखील केल्याची माहिती मिळत आहे.

युद्धाच्या पार्श्वभूमीवर इराण आणि मध्य पूर्वेतील हवाई वाहतूक पूर्णपणे बंद करण्यात आली आहे. 3 मार्चपर्यंत ही हवाई वाहतूक बंद राहण्याचा एक अंदाज आहे.

सध्या इराण, इस्त्रायल आणि अमेरिकेत मोठे युद्ध सुरू आहे. या युद्धाचा परिणाम शेअर बाजारावर बघायला मिळत आहे. प्रीशेअर मार्केट कोसळल्याचे दिसत आहे.

दुबईमध्ये इराण सतत हल्ले करत आहे. दुबईतील इराणी हल्ल्याचे व्हिडीओ सोशल मीडियावर व्हायरल होत आहेत. दुबई विमानतळावरही मोठा हल्ला करण्यात आला.

इराणचे समर्थक आणि सुरक्षा दलामध्ये मोठी चकमक झाली. काल इराणी लोक मोठ्या संख्येने रस्त्यावर उतरले होते. अमेरिका आण इस्त्रायलच्या निषेध केला जात होता.

नाशिक महापालिका प्रशासनाकडून स्थायी समितीकडे  अंदाजपत्रक सादर केला जाणार आहे. चार वर्षानंतर स्थायी समितीच्या सभापतीकडे अर्थसंकल्प सादर केला जाणार आहे. 3200 कोटी रुपयांचा अर्थसंकल्प असण्याची शक्यता वर्तवण्यात येत आहे. अंदाजपत्रकात शहरातील पायाभूत विकास काम आणि येणाऱ्या कुंभमेळ्यासाठी देखील विकास निधुची तरतूद असण्याची शक्यता देखील वर्तवण्यात येत आहे.

छत्रपती संभाजीनगर : सातारा परिसरातील बीड बायपास रोडवरील “मुंबई चायनीज ग्रील” हॉटेलवर मध्यरात्री गुंडांच्या टोळक्याने हल्ला करत तोडफोड केली. सीसीटीव्ही कॅमेरे, फ्रिजसह साहित्याचे नुकसान करण्यात आले. ही घटना CCTV मध्ये कैद झाली असून सातारा पोलीस ठाण्यात 8–10 जणांविरुद्ध गुन्हा दाखल झाला आहे. आरोपींचा शोध सुरू आहे.

अमेरिका-इस्राइल आणि इराण यांच्यातील संघर्षामुळे अनेक विमाने रद्द करण्यात आली आहेत. यामुळे प्रवाशांना मोठा फटका बसला आहे…. अमेरिका, इस्राएल आणि इराण मध्ये सुरू असलेल्या युद्धाची धग आता संयुक्त अरब अमिरातीतील दुबई पर्यंत पोहचली आहे. इराणने दुबईसह काही देशांत ड्रोन हल्ले केले आहेत. यामुळे आखाती देशातील बहुतांश सर्वच विमानतळ बंद ठेवण्यात आले आहे. पुण्यातून काल आणि आज दुबईला जाणारे विमाने रद्द करण्यात आली आहेत….

नाशिक – द्राक्ष व कांदा निर्यात बंद झाली आहे… यामुळे नाशिक जिल्ह्यातील शेतकऱ्यांना लाखोंचा फटका बसणार आहे. रमजान काळात आखाती देशांत भारतीय द्राक्ष व कांद्याला मागणी वाढली पण, इराण–इस्राईल युद्धामुळे दुबईतील बंदर व्यवहार ठप्प झाले आहेत. विमानतळ व बंदर वाहतूक बंद झाल्याने निर्यात पूर्णपणे बंद झाली आहे. मागणी वाढूनही भारतीय निर्यातदारांना शेतकऱ्यांना फायदा नाही. दुबईमध्ये शेतमालाचे दर एका रात्रीत तिप्पट वाढले आहेत.  भारतातून द्राक्ष व कांदा, पाकिस्तानातून बटाटे-मिरची पुरवठा थांबला आहे.  युद्धामुळे दुबईत कोरोनासारखी परिस्थिती निर्माण झाली असून  नाशिकच्या निर्यातदारांकडे चौकशी वाढली, पण पुरवठा अशक्य झाला आहे.

छत्रपती संभाजीनगर :  अमेरिका-इस्रायल आणि इराण यांच्यातील युद्धाचा परिणाम पर्यटन क्षेत्रावरही दिसू लागला असून, परदेशात पर्यटनासाठी गेलेल्या प्रवाशांच्या परतीचा प्रश्न निर्माण झाला आहे. विमानसेवा विस्कळीत होणे आणि काही विमानतळांवरील उड्डाणे रद्द झाले आहेत,  त्यामुळे छत्रपती संभाजीनगरमधील सुमारे 150 पर्यटक दुबई येथे अडकले असल्याची माहिती समोर येत आहे.  याशिवाय विविध देशांतील विमानतळांवरही काही प्रवासी अडकले असण्याची शक्यता व्यक्त केली जात आहे.

इराणच्या सौन्याने कारवाई करण्यास सुरुवात केली आहे. इराणने कुवैतमध्ये अनेक ड्रोन डागले आहे. अमेझॉनच्या क्लाउड युनिट, AWS ने दिलेल्या माहितीनुसार, UAE मधील त्यांच्या एका डेटा सेंटरच्या Availability Zone वस्तू पडल्याने ठिणग्या आणि आग लागली, ज्यामुळे तात्पुरती वीजपुरवठा खंडित झाल्याची माहिती समोर येत आहे. कनेक्टिव्हिटी पुनर्संचयित करण्यासाठी काही तास लागू शकतात. तर इतर झोन सामान्यपणे कार्यरत आहेत… अशी देखील माहिती समोर येत आहे.

इस्रायली सैन्याने सुरक्षेच्या कारणामुळे लेबनॉनच्या 50 शहरांना रिकामे करण्याचे आवाहन केले आहे. संभाव्य लष्करी संघर्ष लक्षात घेता सैन्याकडून आवाहन करण्यात आलं आहे. मिळालेल्या माहितीनुसार, हिजबुल्लाहने लेबनॉनच्या भूमीवरून कारवाया सुरू केल्या आहेत.