अहमदनगरमध्ये 60 वर्षीय कोरोना बाधित महिलेचा मृत्यू

अहमदनगर : अहमदनगरमध्ये 60 वर्षीय कोरोना बाधित महिलेा मृत्यू झाला आहे. आज (14 एप्रिल) पहाटेच्या सुमारास ही घटना (corona patient death ahmednagar) घडली. नगर जिल्ह्यातील कोरोनामुळे झालेला हा दुसरा मृत्यू असल्याने सर्वत्र एकच खळबळ उडाली आहे. यापूर्वी श्रीरामपूर येथील एका कोरोना बाधित रुग्णाचा मृत्यू झाला (corona patient death ahmednagar) होता.

अहमदनगरमधील नेवासे येथील एका 50 वर्षीय व्यक्तीलाही कोरोनाची लागण झाली आहे. अहमदनगरमध्ये आतापर्यंत 28 कोरोना बाधित रुग्ण आढळले आहेत. रुग्णांची संख्या वाढत असल्यामुळे नागरिकांमध्ये भीतीचं वातावरण आहे.

अहमदनगरच्या रुग्णालयात अनेक कोरोना संशयीत रुग्णांना क्वारंटाईन करण्यात आले आहे. त्यांच्यावर उपचार सुरु आहेत. पण याच दरम्यान नगरमधील राज्य उत्पादन शुल्काचे दुय्यम निरीक्षक गायब झाले आहेत. कोरोना संशयीत म्हणून त्यांना रुग्णालयात दाखल करण्यात आले होते. सध्या पोलिसांकडून निरीक्षकाचा शोध सुरु आहे.

देशासह राज्यात कोरोना विषाणूने धुमाकूळ घातला आहे. दिवसेंदिवस कोरोना रुग्णांच्या संख्येत वाढ होत आहे. कोरोनाचा हा प्रादुर्भाव रोखण्यासाठी राज्य सरकारकडून अनेक प्रयत्न केले जात आहे. कोरोना रुग्णांची वाढती संख्या पाहत सरकारनेही लॉकडाऊनच्या कालावधीत 16 दिवसांची वाढ करत 30 एप्रिल केला आहे.