‘ढगाला लागली कळ’चं नवं व्हर्जन, बाप्पाच्या आगमनापूर्वी रितेश देशमुखचं गाणं
बॉलिवूड सिनेमांचं प्रमोशन करण्यासाठी नेहमी पंजाबी गाण्यांची निवड केली जाते. मात्र, पहिल्यांदाच कुठल्या हिंदी सिनेमाच्या प्रमोशनसाठी मराठी गाण्याचं रिमिक्स करण्यात आलं आहे.
मुंबई : बॉलिवूड अभिनेता आयुष्यमान खुराना सध्या त्याचा आगामी सिनेमा ‘ड्रीम गर्ल’साठी चर्चेत आहे. नेहमी वेगवेगळ्या विषयांवर आणि वेगवेगळ्या धाटणीचे सिनेमे करणाऱ्या आयुष्यमानचा हा सिनेमाही वेगळा आणि अनोखा आहे. नुकतंच या सिनेमाचा ट्रेलर रिलीज करण्यात आला. सिनेमाचा ट्रेलर आयुष्यमानच्या चाहत्यांच्या पसंतीस उतरतो आहे. आयुष्यमानचे चाहते त्याला आता नव्या आणि अनोख्या अंदाजात पाहण्यासाठी उत्सुक झाले आहेत. ‘ड्रीम गर्ल’मधील ‘राधे राधे’ हे गाणं सध्या सर्वांच्याच ओठावर आहे. मात्र, आता आयुष्मान पहिल्यांदा मराठी गाण्याच्या रिमिक्सवर थिरकताना दिसणार आहे.
Aala re Aala! ⚡ Get ready for this legendary track to pump you up this festive season! #DhagalaLagali song out now! https://t.co/1Vn8vihia1#DreamGirl @NushratBharucha @riteishd @ektaravikapoor @ruchikaakapoor @writerraj #AnnuKapoor @nowitsabhi @ActorVijayRaaz @oyemanjot
— Ayushmann Khurrana (@ayushmannk) August 27, 2019
‘ड्रीम गर्ल’ या सिनेमासाठी मराठी सिनेसृष्टीतील सुपरस्टार दादा कोंडके यांच्या सुपरहिट ‘ढगाला लागली कळ पाणी थेंब थेंब गळं’ या गाण्याचं रिमिक्स करण्यात आलं आहे. यामध्ये आयुष्मान आणि अभिनेत्री नुसरत भारुचा यांनी जबरदस्त डान्स केला आहे. आयुष्यमान मराठी गाणं करण्याची ही पहिलीच वेळ आहे. ‘ढगाला लागली कळ पाणी थेंब थेंब गळं’ या गाण्याचं रिमिक्स व्हर्जन नुकतंच रिलीज करण्यात आलं आहे. या गाण्यात आयुष्यमान आणि नुसरतसोबतच अभिनेता रितेश देशमुखही दिसणार आहे.
Gear up for the comeback of our iconic #DhagalaLagali! Aata kharri majja yenaar! ⚡ Song out now. #DreamGirl@ayushmannk @NushratBharucha @ektaravikapoor @ruchikaakapoor @writerraj #AnnuKapoor https://t.co/vbMFBrS3LB
— Riteish Deshmukh (@Riteishd) August 27, 2019
‘ढगाला लागली कळ पाणी थेंब थेंब गळं’ या गाण्याचं रिमिक्स व्हर्जन गायिका ज्योतिका, गायक मिका सिंग आणि मीत ब्रोज यांनी म्हटलं आहे. यामध्ये आयुष्यमान खुराना आणि नुसरतचा मराठी लूक पाहायला मिळत आहे. बॉलिवूड सिनेमांचं प्रमोशन करण्यासाठी नेहमी पंजाबी गाण्यांची निवड केली जाते. मात्र, पहिल्यांदाच कुठल्या हिंदी सिनेमाच्या प्रमोशनसाठी मराठी गाण्याचं रिमिक्स करण्यात आलं आहे.
राष्ट्रीय पुरस्कार विजेता अभिनेता आयुष्यमान खुरानाने त्याच्या ‘ड्रीम गर्ल’ सिनेमात एका अनोखा आणि मजेशीर विषय मांडला आहे. त्यामुळे त्याचे चाहते मोठ्या उत्सुकतेने त्याच्या या सिनेमाची वाट पाहत आहेत. या सिनेमात आयुष्यमान आणि नुसरतसोबतच अन्नू कपूर, विजय राज, मनजोत सिंग, निधी बिष्ट, राजेश शर्मा, अभिषेक बॅनर्जी आणि राज भंसाली यांसारख्या बड्या कलाकारांची सेना आहे. हा सिनेमा राज शांडिल्य यांनी दिग्दर्शित केला आहे. तर शोभा कपूर, एकता कपूरच्या बालाजी टेलीफिल्म्सने या सिनेमाची निर्मिती केली आहे. ‘ड्रीम गर्ल’ हा सिनेमा 13 सप्टेंबर 2019 ला प्रदर्शित होणार आहे.
पाहा व्हिडीओ :
