नवरीची साडी आवडली नाही, लग्नाच्या आदल्या दिवशी नवरदेव पसार

बंगळुरु : कर्नाटकमध्ये एका लग्न समारंभात नवरीच्या साडीची क्वॉलिटी आवडली नसल्यामुळे नवरदेवाने लग्न (Groom fraud with bride in karnatak) मोडले. ही घटना कर्नाटकमधील हासन जिल्ह्यातील आहे. विशेष म्हणजे नवरदेवाने आपल्या आई-वडिलांच्या सूचनेवरुन लग्न मोडले आणि लग्नाच्या एक दिवसआधी तो घरातून निघून (Groom fraud with bride in karnatak) गेला. बी एन रघुकुमार असं नवरदेवाचे नाव आहे.

नवरीच्या कुटुंबियांनी पोलिसात तक्रार दाखल केली आहे. “नवऱ्याने आपल्या आई-वडिलांच्या सांगण्यानुसार हे कृत्यू केले आहे”, असा आरोप नवरीच्या कुटुंबियांनी केला आहे.

“रघुकुमार यांच्या विरोधात फसवणुकीचा गुन्हा दाखल करण्यात आला आहे. सध्या तो फरार आहे. रघुकुमारच्या आई-वडिलांवरही गुन्हा दाखल करण्यात आला आहे”, असं हसनच्या पोलीस अधिकाऱ्यांनी सांगितले.

रघुकुमार आणि बीआर संगीता गेल्या एक वर्षापासून रिलेशनमध्ये होते. कुटुंबियांची परवानगी मिळाल्यानंतर त्या दोघांनी लग्न करण्याचा निर्णय घेतला. त्यानंतर दोन्ही कुटुंब एकत्र आले. लग्नात नवरीसाठी जी साडी खरेदी करण्यात आली होती. त्या साडीच्या क्वॉलिटीवर नवरदेवाने प्रश्नचिन्ह उपस्थित केले. त्यामुळे दोन्ही कुटुंबात वाद झाले. तसेच नवरदेवाच्या कुटुंबियांनी लग्न तोडण्याचा निर्णय घेत नवरदेवाला घरातून पळून जाण्यास सांगितले. गुरुवारी (6 फेब्रुवारी) लग्न होणार होते आणि बुधवारी ( 5 फेब्रुवारी) नवरदेव पळून गेला. पोलीस सध्या आरोपीचा शोध घेत आहेत.