नालासोपाऱ्या रुग्णवाहिकेतून अवैधरित्या दारुची वाहतूक, तीन लाखांपेक्षा अधिक दारुसाठा जप्त

कोरोनाचा प्रादुर्भाव रोखण्यासाठी देशात लॉकडाऊन घोषित करण्यात आला (Illegal transportation of alcohol Nalasopara) आहे.

नालासोपाऱ्या रुग्णवाहिकेतून अवैधरित्या दारुची वाहतूक, तीन लाखांपेक्षा अधिक दारुसाठा जप्त

नालासोपारा : कोरोनाचा प्रादुर्भाव रोखण्यासाठी देशात लॉकडाऊन घोषित करण्यात आला (Illegal transportation of alcohol Nalasopara) आहे. गेल्या दीड महिन्यांपासून देशात लॉकडाऊन आहे. या दरम्यान जीवनावश्यक वस्तूंशिवाय इतर सर्व दुकानं बंद आहेत. दारुची दुकानंही बंद असल्यामुळे राज्यात वेगवेगळ्या मार्गाने दारुची अवैधरित्या वाहतूक सुरु आहे. याच दरम्यान नालासोपाऱ्यात रुग्णवाहिकेतून दारुची वाहतूक सुरु असल्याचे समोर आले आहे. या घटनेमुळे कोरोनाचा केंद्रबिंदू असलेल्या नालासोपाऱ्यात एकच (Illegal transportation of alcohol Nalasopara) खळबळ उडाली आहे.

नालासोपारातील तुलिंज पोलीस ठाण्याचे वरिष्ठ पोलीस निरीक्षक डी. एस. पाटील यांना रुग्णवाहिकेतून दारुची वाहतूक सुरु असल्याची माहिती मिळताच त्यांनी आपल्या पथकासह नाकाबंदीत रुग्णवाहिकेची तपासणी केली. त्यात रुग्णाऐवजी वेगवेगळ्या ब्रँडच्या दारुचे बॉक्स असल्याचे उघड झाले. यावेळी पोलिसांनी तात्काळ रुग्णवाहिकेच्या चालकाला ताब्यात घेतले. रुग्णवाहिकेत एकूण तीन लाख 26 हजार 320 रुपयांचा दारुसाठा होता. पोलिसांनी दारुसाठी जप्त केला असून चालकावर गुन्हा दाखल करण्यात आला आहे.

वसई, विरार, नालासोपाऱ्यात कोरोनाचा प्रादुर्भाव झपाट्याने वाढत आहे. काल (13 मे) एकाच दिवशी 26 कोरोना पॉझिटिव्ह रुग्ण वाढले आहेत. त्यामुळे वसई, विरार, नालासोपाऱ्यात एकूण रुग्ण संख्या 263 वर पोहोचली आहे. कोरोना रुग्णांचे नालासोपारा केंद्रबिंदू बनले असून एकट्या नालासोपाऱ्यात 84 कोरोना रुग्ण आहेत. कोरोनाच्या महामारीत रुग्णवाहिकेची  ही अत्यंत महत्वाची जबाबदारी आहे. पण याच महामारीचा फायदा घेऊन नालासोपाऱ्यात चक्क रुग्णवाहिकेतून रुग्ण ऐवजी दारूची वाहतूक करतानाचा धक्कादायक प्रकार उघड झाला आहे.

लॉकडाऊनच्या तिसऱ्या टप्प्यात पालघर जिल्ह्यात दारुची दुकानं सुरु झाली. मुंबईत मात्र दारूविक्री बंद करण्यात आली. याचीच संधी साधून पोलिसांची नजर चुकविण्यासाठी चक्क रुग्णवाहिकेतून दारूची वाहतूक होत असल्याचा प्रकार उघड झाला.

नुकतेच जालन्यातही लॉकडाऊन दरम्यान तब्बल पावणे अकरा लाखाचा विदेशी दारुसाठा जप्त करण्यात आला आहे. यामध्ये 6 लाख 92 हजार 800 रुपयांचे मॅकडोल नंबर-1 दारुचे 124 बॉक्स, 1 लाख 53 हजार 600 रुपयांचे ब्लेंडर्स प्राईड दारुचे 10 बॉक्स, 17 हजार 500 रुपयांचे 100 पायपर्स ब्लेंडर्स स्कॉच व्हिस्कीच्या 5 बॉटल्स, 5 हजार रुपयाची व्हाईट लेबल्स ब्लेंडर्स स्कॉच व्हिस्कीच्या 5 बॉटल्स, 11 हजार रुपयांच्या चिवास रिगल (12) ब्लेंडर्स स्कॉच व्हिस्कीच्या 5 बॉटल्सचा समावेश होता.

संबंधित बातम्या :

Lockdown | जालन्यात अवैध दारुवर धडक कारवाई, विदेशी दारुचा मोठा साठा जप्त

महसूल सोडा, सामाजिक विचार करा, चंद्रकांत पाटलांचा दारुविक्रीला विरोध

नियमांचे पालन न केल्यामुळे पुण्यातील 9 दारुच्या दुकांनावर गुन्हे दाखल

Published On - 2:30 pm, Thu, 14 May 20

Click on your DTH Provider to Add TV9 MARATHI