कोरोना रुग्णांकडून जादा बिल उकळणे भोवलं, नागपुरात 16 खाजगी रुग्णालयांना पालिकेची नोटीस
नागपुरातील 16 खाजगी रुग्णालयांना मनपाने नोटीस बजावली आहे (Audit of Private Hospital in Nagpur).
नागपूर : नागपुरातील 16 खाजगी रुग्णालयांना मनपाने नोटीस बजावली आहे (Audit of Private Hospital in Nagpur). कोरोना रुग्णांकडून जादा बिल उकळत असल्याचे रुग्णालयांना भोवले आहे. ऑडिटरच्या तपासणीनंतर हा प्रकार उघडकीस आला आहे (Audit of Private Hospital in Nagpur).
मेडीकेअर, सेनगुप्ता, गंगा केअर, सिम्स हॉस्पीटल बजाजनगर रुग्णालयांना नोटीस देण्यात आली आहे. रुग्णांकडून आकारलेले जादा पैसे परत करण्याचे निर्देशही या रुग्णालयांना देण्यात आले आहेत. पैसे परत न केल्यास रुग्णालयांवर कारवाई होणार असल्याचेही सांगण्यात आले आहे.
कोरोना काळात राज्यातील खाजगी रुग्णालयात रुग्णांची लूट सुरु असल्याचे दिसून आले. त्यामुळे सरकारने याची दखल घेत रुग्णालयांवर कारवाई करण्यास सुरुवात केली आहे.
नुकतेच कोल्हापूरमधील एका खासगी रुग्णालयात कोरोना रुग्णाची लूट झाल्याचे समोर आले. विशेष म्हणजे महानगरपालिकेच्या लेखापरीक्षकांनी हा प्रकार उघडकीस आणत रुग्णालयाला खासगी दराप्रमाणे बिल आकारणी करायला भाग पाडलं आहे. या कारवाईनंतर रुग्णाचं बिल एक-दोन हजाराने नाही, तर तब्बल दीड लाखांनी कमी झालं आहे.
पुण्यातही अनेक खासगी रुग्णलयांवर कारवाई करण्यात आली. अतिरिक्त बिल आकारणाऱ्या रुग्णालयांवर कारवाई केल्याने आतापर्यंत रुग्णांचे लाखो रुपये परत करण्यात आले आहेत.
संबंधित बातम्या :
पुण्यात खासगी रुग्णालयांच्या बिलांचे ऑडिट, पाच दिवसात 29 लाखांची अतिरिक्त बिले कमी
