“शरद पवार मुख्यमंत्री व्हावेत, संजय राऊतांनी त्यासाठी आग्रह करावा”

कृषी आणि उद्योग क्षेत्रातील त्यांच्या अनुभवाचा फायदा वेगवान प्रगतीत होईल असे सांगत राऊतांनी पवारांच्या मुख्यमंत्रिपदासाठी आग्रह करावा असेही मुनगंटीवार म्हणाले.

शरद पवार मुख्यमंत्री व्हावेत, संजय राऊतांनी त्यासाठी आग्रह करावा
Follow us
| Updated on: Dec 26, 2020 | 6:40 PM

चंद्रपूर : पंतप्रधान नरेंद्र मोदींना (Pm Narendra Modi) हरवण्यासाठी शरद पवारांचे (Sharad Pawar) नेतृत्व सर्वांनी स्वीकारावं या संजय राऊत (Sanjay Raut) यांच्या विधानावर प्रतिक्रिया देताना भाजप नेते सुधीर मुनगंटीवार (bjp leader sudhir mungantiwar) यांनी त्यांना महाराष्ट्राचे मुख्यमंत्री केले तर वेगवान प्रगती होऊ शकते अशी कोपरखळी मारली आहे. कृषी आणि उद्योग क्षेत्रातील त्यांच्या अनुभवाचा फायदा वेगवान प्रगतीत होईल असे सांगत राऊतांनी पवारांच्या मुख्यमंत्रिपदासाठी आग्रह करावा असेही मुनगंटीवार म्हणाले. ते चंद्रपूरमध्ये आयोजित पत्रकार परिषदेमध्ये बोलत होते. यावेळी बोलताना त्यांनी महाविकास आघाडीवरही टीका केली आहे. (Sanjay Raut should insist Sharad Pawar to be Chief Minister said by bjp leader sudhir mungantiwar )

महाविकास आघाडी सरकारला मजबूत करण्यासाठी आणि मोदींना हरवण्यासाठी सर्व विरोधकांनी एकत्र यायला पाहिजे. शरद पवार हे नेतृत्व करू शकतात. ते सर्वमान्य नेते आहेत असं संजय राऊत म्हणाले होते. त्यांच्या या विधानाविषयी मुनगंटीवार यांना विचारलं असता शरद पवार मुख्यमंत्री व्हावेत यासाठी संजय राऊतांनीच आग्रह करावा अशा शब्दात सुधीर मुनगंटीवार यांनी चिमटे काढले आहेत. यावेळी बोलताना त्यांनी अशोक चव्हाण यांना मराठा आरक्षणाच्या उपसमितीवरुन हटवा अशीही मागणी केली आहे.

‘मराठ्यांची चिंता कमी आणि स्वपरिवाराची चिंता अधिक’

आरक्षण म्हणजे जगण्याचा अधिकार आहे. मूळ प्रश्न सुटले नाही तर अशा पद्धतीने आरक्षणाच्या मागण्या पुढे येत असतात. ज्यांच्याकडे सातत्यानं सत्ता होती त्यांनी मूळ प्रश्न सुटण्याचे नियोजन केले नाही. त्यांना मराठ्यांची चिंता कमी आणि स्वपरिवाराची चिंता अधिक होती असा टोला मराठा आरक्षणासंदर्भात भाजप नेते सुधीर मुनगंटीवार यांनी लगावला.

मागच्या सरकारने आरक्षण दिलं होतं ते टिकवणं गरजेचं होतं. आता कोर्टातही जी तयारी आवश्यक होती ती झाली नाही. आणि सर्व वेळ राजकारणात घालवला जात असून प्रश्नावर उत्तर नव्हे तर पुन्हा एक प्रश्न विचारला जातोय असे ते म्हणाले. माजी मुख्यमंत्री देवेंद्र फडणवीस- भाजप प्रदेशाध्यक्ष चंद्रकांत दादा पाटील यांची मदत सरकार का स्वीकारत नाही? त्यांनाही या प्रक्रियेत सामावून घेण्यात काय वावगे आहे? असाही प्रश्न मुनगंटीवार यांनी विचारला.

दरम्यान, या पत्रकार परिषदेत खडसेंच्या ईडीची नोटीसविषयी प्रश्न विचारला असता मुनगंटीवार यांनी प्रतक्रिया देण्याचं टाळलं. राष्ट्रवादी काँग्रेसचे नेते एकनाथ खडसे यांना ईडीची नोटीस मिळाल्याच्या या बातमीवर प्रतिक्रिया व्यक्त करताना सुधीर मुनगंटीवार यांनी ईडी ही स्वतंत्र चौकशी यंत्रणा असून त्या नोटीसचा आपल्याला अभ्यास नसल्याने त्यावर भाष्य करणार नसल्याचे ते म्हणाले. (Sanjay Raut should insist Sharad Pawar to be Chief Minister said by bjp leader sudhir mungantiwar )

इतर बातम्या –

भोसरी भूखंड प्रकरणात नोटीस, 30 डिसेंबरला ईडी कार्यालयात हजर राहणार, एकनाथ खडसेंची पहिली प्रतिक्रिया

भुजबळांचा संजय राऊतांना पाठिंबा, म्हणाले, ‘एकत्र लढलं तर भाजपाला रोखणे शक्य’

(Sanjay Raut should insist Sharad Pawar to be Chief Minister said by bjp leader sudhir mungantiwar )

Non Stop LIVE Update
एका जागेसाठी कॉंग्रेसला देशाचे पंतप्रधान पद घालवायचं का ? - संजय राऊत
एका जागेसाठी कॉंग्रेसला देशाचे पंतप्रधान पद घालवायचं का ? - संजय राऊत.
आनंद दिघेंचा शिष्य यंदा मारणार हॅट्रीक, केदार दिघे यांचा विश्वास
आनंद दिघेंचा शिष्य यंदा मारणार हॅट्रीक, केदार दिघे यांचा विश्वास.
ओवेसी आणि इम्तियाझ यांनी चष्म्याचे नंबर बदलावे -केंद्रीय मंत्री भागवत
ओवेसी आणि इम्तियाझ यांनी चष्म्याचे नंबर बदलावे -केंद्रीय मंत्री भागवत.
लवकरच बरा होऊन... दिलीप वळसे पाटील यांचं दुखापतीनंतर पहिलं टि्वट काय?
लवकरच बरा होऊन... दिलीप वळसे पाटील यांचं दुखापतीनंतर पहिलं टि्वट काय?.
शिवसेनेत पक्ष प्रवेश करताच गोविंदाला हवी 'ही' जबाबदारी, शिंदे देणार?
शिवसेनेत पक्ष प्रवेश करताच गोविंदाला हवी 'ही' जबाबदारी, शिंदे देणार?.
जलील बोलका पोपट आणि चंद्रकांत खैरे नाकारलेला उमेदवार, कुणी केली टीका?
जलील बोलका पोपट आणि चंद्रकांत खैरे नाकारलेला उमेदवार, कुणी केली टीका?.
गोविंदाचा शिंदेंच्या शिवसेनेत प्रवेश, मुख्यमंत्र्यांच्या उपस्थित घोषणा
गोविंदाचा शिंदेंच्या शिवसेनेत प्रवेश, मुख्यमंत्र्यांच्या उपस्थित घोषणा.
बॉलिवूड कलाकार राजकारणात, सेनेकडून हे स्टार प्रचारक लोकसभेच्या रिंगणात
बॉलिवूड कलाकार राजकारणात, सेनेकडून हे स्टार प्रचारक लोकसभेच्या रिंगणात.
शिंदेंची पत्रकार परिषद, लोकसभा उमेदवारांची घोषणा? संभाव्य यादीत कोण?
शिंदेंची पत्रकार परिषद, लोकसभा उमेदवारांची घोषणा? संभाव्य यादीत कोण?.
महायुतीत छत्रपती संभाजीनगर जागेवरून पेच कायम, शिवसेना-भाजपात रस्सीखेच
महायुतीत छत्रपती संभाजीनगर जागेवरून पेच कायम, शिवसेना-भाजपात रस्सीखेच.