Shahrukh Khan | शाहरुख खानच्या ‘मन्नत’ बंगल्यावर प्लास्टिक कव्हर, सोशल मीडियावर चर्चेला उधाण
बॉलिवूडचा बादशाह शाहरुख खानच्या 'मन्नत' बंगल्यावर सध्या प्लास्टिक कव्हर टाकल्याचे फोटो व्हायरल होत आहेत (Plastic cover to Shahrukh Khan Bunglow Mannat).
मुंबई: बॉलिवूडचा बादशाह शाहरुख खानच्या ‘मन्नत’ बंगल्यावर सध्या प्लास्टिक कव्हर टाकल्याचे फोटो व्हायरल होत आहेत (Plastic cover to Shahrukh Khan Bunglow Mannat). मन्नतवर प्लास्टिक कव्हर टाकण्यानंतर सोशल मीडियावर हे फोटो प्रचंड व्हायरल होत आहे. त्याच्या कारणांविषयी देखील तर्कवितर्क लावले जात आहे. मुंबईत वाढत्या कोरोना संसर्गाच्या पार्श्वभूमीवर खबरदारी म्हणून असे केल्याचाही अंदाज लावला जात आहे.
नुकताच बॉलिवूडचे शहंशाह अमिताभ बच्चन यांच्यासह अभिषेक बच्चन, ऐश्वर्या बच्चन यांना कोरोनाचा संसर्ग झाला. यानंतर बॉलिवूडसह देशभरातून अनेक प्रतिक्रिया आल्या. आता शाहरुख खानच्या घरावील या प्लास्टिक कव्हरने पुन्हा एकदा चर्चेला उधाण आलं आहे. बच्चन कुटुंबीयांसह अनेक सेलिब्रेटींनाही कोरोनाचा संसर्ग झाल्यानेच बॉलिवूडमधील अनेक कलाकार आता अधिक काळजी घेत असल्याचं बोललं जात आहे.
#ShahRukhKhan covers up his Mumbai home Mannat with plastic sheets. pic.twitter.com/hTIuQWiOiq
— Filmfare (@filmfare) July 21, 2020
TOP 9 | लोकल ते ग्लोबल, सर्व बातम्या एकत्र, पाहा टॉप 9 न्यूज!
दरम्यान, कोरोना हवेतूनही पसरतो असं डब्ल्यूएचओने सांगितल्यानंतर शाहरुख खानने आपलं घर मन्नतवर प्लास्टिक कव्हर टाकण्याचा निर्णय घेतल्याचीही चर्चा आहे. शाहरुखच्या घराचा प्लास्टिक कव्हरने झाकलेले फोटो समोर आल्यानंतर अनेकजण कोरोनाच्या भीतीनेच ही उपाययोजना केल्याचं बोलत आहेत. दुसरीकडे मान्सूनच्या जोरदार पावसापासून सुरक्षेसाठी असं केल्याचाही दुसरा अंदाज बांधला जात आहे. सोशल मीडियावर हे फोटो आल्यानंतर शाहरुख खानचे चाहते अनेक प्रकारच्या प्रतिक्रिया देत तुटून पडले आहेत.
शाहरुख खान आपली पत्नी गौरी आणि मुलं आर्यन, सुहाना आणि अबराम यांच्यासोबत आपल्या अनेकमजली मन्नत बंगल्यामध्ये राहतो. त्यात प्लास्टिक कव्हरने झाकलेले मन्नतचे फोटो समोर आल्याने त्याच्या आणि कुटुंबीयांविषयी काळजी देखील व्यक्त केली जात आहे. महाराष्ट्रात कोरोना रुग्णांच्या संख्येने 3 लाखांचा टप्पा पार केला आहे. अमिताभ बच्चन आणि त्यांच्या कुटुंबीयांनाही कोरोना संसर्ग झालाय. अशावेळी शाहरुखच्या मन्नतचे प्लास्टिकने झाकलेले फोटो समोर आल्याने अनेक तर्कवितर्क लावले आत आहेत.
हेही वाचा :
Aishwarya Rai Corona | ऐश्वर्या आणि आराध्याही नानावटी रुग्णालयात दाखल
…म्हणून रेखा यांचा ‘कोरोना’ चाचणी करुन घेण्यास नकार
Sara Ali Khan | सारा अली खानच्या ड्रायव्हरला कोरोना, सारासह कुटुंबियांची चाचणी निगेटिव्ह
Plastic cover to Shahrukh Khan Bunglow Mannat
