वर्ध्यात भांडण सोडवायला गेलेल्या पोलीस शिपायाला जबर मारहाण, माजी आमदारासह दोन पुत्रांवर गुन्हा

भांडण सोडवायला गेलेल्या पोलीस शिपायाला मारहाण करण्यात आल्याची घटना वर्धा जिल्ह्यातील हिंगणघाट येथे घडली.

वर्ध्यात भांडण सोडवायला गेलेल्या पोलीस शिपायाला जबर मारहाण, माजी आमदारासह दोन पुत्रांवर गुन्हा

वर्धा : भांडण सोडवायला गेलेल्या पोलीस शिपायाला (Former MLA Beats Police) मारहाण करण्यात आल्याची घटना वर्धा जिल्ह्यातील हिंगणघाट येथे घडली. धक्कादायक म्हणजे ही मारहाण माजी आमदार आणि त्यांच्या दोन पुत्रांकडून करण्यात आली. याप्रकरणी माजी आमदार आणि आमदार पुत्रांवर गुन्हा (Former MLA Beats Police) दाखल करण्यात आला आहे.

पोलीस शिपाई महेंद्र गायकवाड (वय 45) हे हिंगणघाट तालुक्यातील अल्लिपूर पोलीस ठाण्यात पोलीस शिपाई म्हणून कार्यरत आहेत. पोलीस शिपाई महेंद्र गायकवाड हे साप्ताहिक रजेवर असताना त्यांच्या मूळ गावी हिंगणघाटला आले होते. ते भाजीपाला घेण्यासाठी घराबाहेर पडले. त्यानंतर ते एका दुकानात ब्रेड घेण्यासाठी गेले. त्या दुकानाशेजारी माजी आमदार राजू तिमांडे यांचं घर होतं. राजू तिमांडे यांच्या घरासमोर काही लोकांची गर्दी जमली होती आणि राजू तिमांडे यांची दोन मुलं आणि पाच जण मिळून एकाला मारहाण करत होते.

हे पाहून पोलीस शिपाई महेंद्र गायकवाड त्या व्यक्तीच्या मदतीसाठी धावून गेले. मात्र, महेंद्र गायकवाड यांना अरेरावी करत माजी आमदार राजू तिमांडे यांनी त्यांची कॉलर पकडली. त्यानंतर माजी आमदाराच्या मुलांनी महेंद्र गायकवाड यांना जबर मारहाण केली. बोटातील लोखंडी फायटरने महेंद्र गायकवाड यांच्या डोक्यावर वार करण्यात (Former MLA Beats Police) आले. या मारहाणीत त्यांच्या डोक्याला, छातीवर, उजव्या हातावर, तोंडावर आणि पायावर दुखापत झाली आहे.

या प्रकरणी माजी आमदार राजू तिमांडे, त्यांचे पुत्र नगरसेवक सौरभ तिमांडे आणि गौरव तिमांडे यांच्यावर गुन्हा दाखल करण्यात आला आहे. पोलिसांनी या तिघांनाही अटक केली. मात्र, तिमांडे यांना शुक्रवारी दुपारी चार वाजता न्यायालयात हजर करण्यात आलं. त्यानंतर त्यांची जामिनावर मुक्तता करण्यात आली. तर त्यांची दोन्ही मुले पोलिसांच्या ताब्यात असून त्यांना आज न्यायालयात हजर करणार असल्याची माहिती हिंगणघाटचे उपविभागीय पोलीस अधिकारी भीमराव टेळे यांनी दिली.

तक्रारकर्ते महेंद्र गायकवाड यांना वैद्यकीय तपासणीकरिता सेवाग्राम रुग्णालयात पाठवण्यात (Former MLA Beats Police) आलं आहे.

संबंधित बातम्या :

अत्यावश्यक सेवेचा गैरवापर करत मुंबई ते सांगली प्रवास, तरुणीला कोरोनाची लागण, पाच जणांवर गुन्हे

सांगलीत सलग दुसऱ्या दिवशी लैंगिक अत्याचाराची घटना, सहावीतील मुलीवर जबरदस्ती, मोबाईलवर अश्लील फोटो काढले

कोल्हापूरच्या 19 वर्षीय तरुणीवर मिरजेत सामूहिक बलात्कार

मुंबईत लॉकडाऊनमध्ये भर रस्त्यात गोळीबार, दोघांना अटक

Published On - 9:56 am, Sat, 25 April 20

Click on your DTH Provider to Add TV9 MARATHI