Oil Cleansing : चमकदार आणि स्वच्छ चेहरा ठेवण्यासाठी क्लींजिंग ऑइलचा अशाप्रकारे वापर करा

| Updated on: Jun 05, 2021 | 10:19 AM

प्रत्येकाला चमकदार आणि सुंदर त्वचा पाहिजे असते. परंतु बदलेली जीवनशैली, सूर्यप्रकाश, धूळ आणि प्रदूषणाचा परिणाम थेट आपल्या चेहऱ्यावर होत असतो.

Oil Cleansing : चमकदार आणि स्वच्छ चेहरा ठेवण्यासाठी क्लींजिंग ऑइलचा अशाप्रकारे वापर करा
Follow us on

मुंबई : प्रत्येकाला चमकदार आणि सुंदर त्वचा पाहिजे असते. परंतु बदलेली जीवनशैली, सूर्यप्रकाश, धूळ आणि प्रदूषणाचा परिणाम थेट आपल्या चेहऱ्यावर होत असतो. अशा परिस्थितीत चेहरा स्वच्छ ठेवण्यासाठी बर्‍याच पद्धती अवलंबल्या जातात. चेहऱ्यावरील धूळ अतिरिक्त तेल काढण्यासाठी सध्या ऑयल क्लींजिंग करण्याचा ट्रेंड आला आहे. यामुळे आपला चेहरा तजेलदार होतो आणि चेहऱ्यावरील मुरूमाची आणि डागांची समस्या दूर होण्यास मदत होते. (Cleansing oil is beneficial for the skin)

क्लींजिंग ऑइल करण्याची पध्दती

क्लींजिंग ऑइल चेहरा साफ करण्यासाठी वापरले जाते. विशेष म्हणजे साबणाऐवजी चेहरा साफ करण्यासाठी आपण क्लींजिंग ऑइल वापरले पाहिजे. आपण मेकअप काढून टाकण्यासाठी आणि त्वचा मऊ ठेवण्यासाठी क्लींजिंग ऑइल वापरू शकता. क्लींजिंग ऑइलमध्ये हायड्रेटिंग एजंट असते जे त्वचेच्या पेशींना चालना देण्यास मदत करते.

चेहऱ्याला क्लींजिंग करा

चेहरा स्वच्छ करण्यासाठी आपल्या हातांवर थोडे तेल घ्या आणि ते चेहऱ्यावर लावा आणि हातांनी मालिश करा. सुमारे 5 मिनिटे चेहऱ्यावर हलक्या हाताने मालिक करा. यानंतर, चेहरा स्वच्छ आणि उबदार करण्यासाठी क्लींजिंग ऑइल लावल्यानंतर वाफ घ्या. यामुळे मृत त्वचा जाण्यास मदत होईल. त्यानंतर काॅटनच्या कपड्याने चेहरा पुसून घ्या.

ऑयल क्लींजिंगचे फायदे

1. ऑयल क्लींजिंग मेकअप काढून टाकण्यास मदत करते. याशिवाय त्वचा हायड्रेटेड आणि मऊ ठेवते.

2. हे आपल्या त्वचेतील तेलाची पातळी संतुलित ठेवण्यास मदत करते. त्वचेचे छिद्र बंद करण्यास मदत करते.

3. ऑयल क्लींजिंग चेहऱ्याला लावल्याने त्वचेतील घाण काढून टाकण्यास मदत करते.

(टीप : कोणत्याही उपचारांपूर्वी डॉक्टरांचा सल्ला अवश्य घ्यावा.)

संबंधित बातम्या : 

Weight Loss Drinks | स्लिम-ट्रिम दिसण्याची इच्छाय? मग, झोपण्यापूर्वी प्या ‘हे’ हेल्दी ड्रिंक्स!

Milk | गाय की म्हैस, आपल्या आरोग्यासाठी कोणते दूध अधिक फायदेशीर? जाणून घ्या..

(Cleansing oil is beneficial for the skin)