Home Cleaning Tips : शॉवरमधून पाणी कमी येतंय? पाण्याचा प्रेशर वाढवण्यासाठी करा हे 7 सोप्पे उपाय

बाथरूमच्या शॉवरमधून पाणी अगदी बारीक धाराने येत असेल तर अंघोळ करताना चांगलाच त्रास होतो. पण प्रत्येकी वेळी प्लंबरला बोलावण्याची गरज असेलचं असं नाही. शॉवरहेडमध्ये साचलेली घाण, पाण्यातील क्षारांचे थर किंवा पाईपमध्ये आलेला कचरा यामुळेही पाण्याचा प्रेशर कमी होऊ शकतो. अशावेळी हे सोपे उपाय करून पाहा

शॉवरहेडची स्वच्छता करा

शॉवरहेडच्या छोट्या छिद्रांमध्ये घाण किंवा क्षारांचा थर साचल्यामुळे पाण्याचा प्रवाह कमी होऊ शकतो. त्यामुळे शॉवरहेड नियमितपणे स्वच्छ करा.

व्हिनेगरचा वापर करा

शॉवरहेडवर पांढऱ्या व्हिनेगरचा वापर करून मिनरल्सचा थर सैल करता येतो.शॉवरहेड काही काळ व्हिनेगरमध्ये ठेवून नंतर मऊ ब्रशने स्वच्छ करा आणि पाण्याने धुवा.

बारीक छिद्र तपासा

शॉवर सुरू केल्यानंतर काही छिद्रांमध्ये पाणी येत नसेल तर त्यामध्ये घाण अडकलेली असू शकते. मऊ ब्रशच्या मदतीने ती हलक्या हाताने साफ करा.

पाइपमध्ये गळती आहे का ती तपासा

शॉवरचा प्रेशर अचानक कमी झाला असेल तर पाईप किंवा जोडांमध्ये गळती आहे. गळती असल्यास पाण्याचा दाब कमी होतो.

इतर नळ तपासा

फक्त शॉवरमधून कमी पाणी येतंय की घरातील इतर नळांचाही प्रेशर कमी आहे का ? ते पाहा सगळीकडे पाण्याचा दाब कमी असल्यास पाइपलाईनमधेच गडबड असू शकते.

वॉटर हिटर पण असू शकतो कारणीभूत

फक्त गरम पाण्याच्या शॉवरचा प्रॉब्लेम असेल तर वॉटर हिटर एकदा तपासून घ्या. कारण हिटरमध्ये पाण्याचे थर साचलेले असू शकतात.

समस्या कायम राहिल्यास प्लंबरला बोलवा

स्वच्छता करूनही पाण्याचा प्रेशर वाढत नसेल, पाईपमध्ये अडथळा किंवा गळतीची शक्यता असल्यास प्लंबरकडून तपासून घ्या.