Immunity Booster | थंडीच्या काळात ‘या’ पदार्थांचे सेवन करा आणि इम्युनिटी वाढवा!

हिवाळ्याच्या काळात आपली प्रतिकारशक्ती खूप कमकुवत होते. जे आपल्या आरोग्यासाठी खूप हानिकारक ठरू शकते.

Harshada Bhirvandekar | Edited By: Anish Bendre | Updated on: Dec 07, 2020 | 12:27 PM

मुंबई : हिवाळ्याच्या काळात आपली प्रतिकारशक्ती खूप कमकुवत होते. जे आपल्या आरोग्यासाठी खूप हानिकारक ठरू शकते. या विशिष्ट हंगामात विशिष्ठ जीवनसत्त्वे व्हायरल इन्फेक्शन अर्थात विषाणूंचा संसर्ग कमी करण्यात खूप फायदेशीर ठरतात. जर आपणही हवामानातील बदलांमुळे त्वरित आजारी पडत असाल तर आपल्याही आहारात व्हिटामिन-सी युक्त फळे खाण्याची आवश्यकता आहे (Immunity Booster ingredients during winter season).

थंडीच्या मोसमात आजार बळावू लागतात. विशेषतः संसर्गजन्य आजारांचे प्रमाण वाढायला लागते. यंदा कोरोना विषाणूमुळे लोक आरोग्याबाबत जागरूक झाले आहेत. डॉक्टरदेखील शरीराला आवश्यक असणाऱ्या व्हिटामिन्सचे सेवन करण्याचा सल्ला देत आहेत. शरीराला व्हिटामिन्सची गरज असतेच. त्यातही व्हिटामिन सी सध्या अधिक महत्त्वाचे ठरते आहे. चला तर, व्हिटामिन सीने समृद्ध असलेल्या अशा फळांबद्दल जाणून घेऊया…

संत्री

‘संत्र’ हा व्हिटामिन सीचा प्रमुख्य स्रोत आहे. प्रतिकारशक्ती मजबूत करण्यासाठी व्हिटामिन सी खूप फायदेशीर आहे. म्हणूनच हिवाळ्याच्या काळात संत्र्याचा रस पिणे खूप फायदेशीर आहे (Immunity Booster ingredients during winter season).

पेरू

हिवाळ्यात पेरूची आवक वाढते. म्हणून ‘पेरू’ला हिवाळी फळ देखील म्हटले जाते. पेरूमध्ये व्हिटामिन सी आणि पोषक तत्वांचे प्रमाण खूप आहे. पेरू रोग प्रतिकारशक्ती वाढविण्यास, तसेच मधुमेह कमी करण्यास मदत करतो. पेरूमध्ये अँटीऑक्सिडेंट असतात जे शरीराचा संसर्गापासून बचाव करतात.(Immunity Booster ingredients during winter season)

ब्रोकोली

फ्लॉवर सारखी दिसणारी ब्रोकोली एक हंगामी भाजी आहे. ब्रोकोलीमध्ये भरपूर कार्बोहायड्रेट आणि फायबर असतात. ब्रोकोली रोगप्रतिकारक शक्ती वाढवण्याबरोबरच वजन नियंत्रण करण्याचे कार्यदेखील करते (Immunity Booster ingredients during winter season).

किवी

दररोज किवीचे सेवन केल्यास रोग प्रतिकारकशक्ती वाढते. याशिवाय किवीमध्ये भरपूर प्रमाणात व्हिटामिन सी आढळते.

नाशपती

नाशपतीदेखील एक हंगामी फळ आहे. अनेकांना त्याची आंबट-गोड चव आवडते. चवीबरोबरच नाशपती आपल्या आरोग्यासाठी देखील खूप फायदेशीर आहे. नाशपतीमध्ये व्हिटामिन ई, व्हिटामिन सी आणि अँटी-ऑक्सिडंट गुणधर्म आहेत.

(Immunity Booster ingredients during winter season)