Health Care Tips : अधिक प्रमाणात मांस खाणे टाळा आणि आरोग्याच्या या समस्या दूर करा!
मांसमध्ये (Meat) असलेले पोषक घटक शरीरासाठी फायदेशीर असतात. तज्ञांच्या मते, मांस कार्बोहायड्रेट्स, प्रथिने, जीवनसत्त्वे (Vitamins) आणि खनिजे यांसारख्या पोषक तत्वांनी परिपूर्ण आहे. यामुळेच रोगप्रतिकारक शक्ती देखील मजबूत होण्यास मदत होते. ते मर्यादित प्रमाणात खाल्ल्याने शरीराला अनेक फायदे देखील होतात.
मुंबई : मांसमध्ये (Meat) असलेले पोषक घटक शरीरासाठी फायदेशीर असतात. तज्ञांच्या मते, मांस कार्बोहायड्रेट्स, प्रथिने, जीवनसत्त्वे (Vitamins) आणि खनिजे यांसारख्या पोषक तत्वांनी परिपूर्ण आहे. यामुळेच रोगप्रतिकारक शक्ती देखील मजबूत होण्यास मदत होते. ते मर्यादित प्रमाणात खाल्ल्याने शरीराला अनेक फायदे देखील होतात. तसेच काही लोकांना नॉनव्हेज (Nonveg) खाणे इतके आवडते की ते दररोज मर्यादेपेक्षा जास्त प्रमाणात सेवन करतात. असं म्हणतात की कोणत्याही गोष्टीचा अतिरेक करणे शरीरासाठी घातक आणि धोकादायकच आहे. जर आपणही जास्त प्रमाणात मांसचे सेवन करत असाल तर ते आपल्या आरोग्यासाठी धोकादायक आहे.
संशोधनातून काय पुढे आले जाणून घ्या!
अनेक संशोधनातून असे समोर आले आहे की, मांसमुळे बहुतांश लोकांना कर्करोग आणि हृदयविकाराचा त्रास होतो. मांसाहारामुळे शरीरात कोलेस्टेरॉल आणि चरबी वाढू लागते आणि एखादे वेळी बाधित व्यक्तीला हृदयविकाराचा झटकाही येऊ शकतो. आम्‍ही तुम्‍हाला मांस खाणे बंद केल्‍याने तुम्‍हाला कोणते आरोग्याचे फायदे मिळतात याबद्दल आज सविस्तरपणे सांगणार आहोत, चला तर मग जाणून घेऊयात.
कोलेस्टेरॉलची पातळी वाढते
जे लोक जास्त मांस खातात त्यांच्या शरीरात कोलेस्टेरॉल वाढण्याची समस्या असते. असे म्हटले जाते की मांसामध्ये असलेल्या चरबीमुळे कोलेस्ट्रॉल वाढते. अशा परिस्थितीत जर तुम्ही मांस खाणे बंद केले तर शरीरातील कोलेस्ट्रॉल नियंत्रित राहते. त्याच्या नियंत्रणामुळे हृदयविकारांपासून बचाव होऊ शकतो. यामुळे मांसचे प्रमाणाबाहेर सेवन करणे टाळाच.
वजन वाढण्याची समस्या
संशोधनात असे समोर आले आहे की, मांसचे सेवन चुकीच्या पद्धतीने केले तर त्यामुळे वजनही वाढू शकते. तज्ज्ञांच्या मते, जे लोक मांस खाणे बंद करतात त्यांना वजन कमी करणे सोपे जाते. मांस ऐवजी तुम्ही तुमच्या दररोजच्या आहारामध्ये हिरव्या पालेभाज्याचा समावेश करणे आरोग्यासाठी अधिक फायदेशीर आहे. कारण ते शरीरातील पोषक तत्वांची कमतरता पूर्ण करतात, तसेच वजन कमी करण्यासही मदत करतात.
संबंधित बातम्या :
EYE : डोळ्यांखालील काळे डाग आणि सुरकुत्यांची समस्या दूर करण्यासाठी हे उपाय फायदेशीर!
Skin Care : या घटकांसह घरीच नैसर्गिक ब्लीच बनवा आणि उन्हाळ्यातही तजेलदार त्वचा मिळवा!
