Oily Skin | उन्हाळ्यात चेहरा तेलकट होतोय? ‘या’ गोष्टींचा वापर केल्यास सर्व समस्या होतील दूर!
उन्हाळ्याचा हंगाम येताच लोकांना बर्याच समस्याही येऊ लागतात. या काळात विशेषतः त्वचेशी संबंधित अनेक समस्या दिसू लागतात. अशा परिस्थितीत, ज्यांची त्वचा तेलकट आहे, त्यांचा चेहरा खूप चिकट दिसू लागतो.
मुंबई : उन्हाळ्याचा हंगाम येताच लोकांना बर्याच समस्याही येऊ लागतात. या काळात विशेषतः त्वचेशी संबंधित अनेक समस्या दिसू लागतात. अशा परिस्थितीत, ज्यांची त्वचा तेलकट आहे, त्यांचा चेहरा खूप चिकट दिसू लागतो. ही समस्या टाळण्यासाठी आपण काही सोप्या टिप्स अवलंबू शकता. चला तर, या टिप्स काय आहेत, ते जाणून घेऊया…(Oily skin care tips in summer season)
आठवड्यातून एकदा मातीचा फेस पॅक
कोणत्याही मास्कमधील क्ले त्वचेच्या पोर्समधून सर्व घाण आणि अतिरिक्त तेल शोषण्यास मदत करते. हे मास्क आपल्या तेलकट त्वचेच्या अति-चमकण्याच्या समस्या देखील कमी करू शकतात. यासाठी निळा लगूनचा सिल्ट मड मास्क वापरा. आपण आठवड्यातून एकदा याचा वापर करू शकता. हे पॅक लावल्यानंतर चेहरा मॉइश्चरायझर करणे विसरू नका.
मॉइश्चरायझर वापरा
हिवाळ्या प्रमाणेच उन्हाळ्यातही मॉइश्चरायझर वापरणे अतिशय आवश्यक आहे. बहुतेक मॉइश्चरायझर लावल्यानंतर शरीरातून जास्त प्रमाणात घाम बाहेर येतो. मॅटीफाइंग मॉइश्चरायझर सामान्य मॉइश्चरायझरपेक्षा खूपच हलका असतो आणि शरीरात लगेच शोषून घेतला जातो. याचा वापर केल्याने चेहरा मुलायम राहतो आणि घाम देखील येत नाही. परिणामी तो आपला चेहरा चिकट होण्यापासून प्रतिबंधित करतो.
फेस वाईप्स जवळ ठेवा
उन्हाळ्यात, आपल्या चेहऱ्यामधून मोठ्या प्रमाणात तेल बाहेर निघते आणि ते त्वचेच्या आत पुनःपुन्हा तयार होत राहते. आपल्याला आपला चेहरा स्वच्छ करण्याची फारशी संधी मिळत नाही. परंतु, अशावेळी आपण चेहरा स्वच्छ पुसून घेतल्यास आपल्या चेहऱ्यावरचे अतिरिक्त तेल आणि चिकटपणा दूर होण्यास मदत होते (Oily skin care tips in summer season).
टोनर वापरा
आपली त्वचा नेहमीच स्वच्छ ठेवण्यासाठी, स्कीन टोनरचा वापर करा. यासाठी विच हेझल बेस्ड टोनर निवडा. विच हेझेलची त्वचा कोरडे न करता चेहर्याच्या त्वचेचे तेल कमी करते. परंतु, हे लक्षात ठेवा की कधीही अल्कोहोल बेस्ड टोनर वापरू नका. आपण त्यांचा वापर केल्यास आपली त्वचा कोरडे होईल. यामुळे आपल्या त्वचेवर खाज सुटणे आणि लाल पुरळ होण्याची शक्यता वाढेल.
फेस ऑईल वापरा
उन्हाळ्यात फेस ऑईल लावणे देखील फायदेशीर ठरू शकते. चेहऱ्याची त्वचा फेस ऑईल सहज शोषून घेते. आणि आधीपासून अस्तित्त्वात असलेल्या तेलाला संतुलित करते. हे तेल वापरल्यास त्वचेतील तेलाचे उत्पादन कमी होते.
(टीप : सौंदर्य तज्ज्ञांचा सल्ला अवश्य घ्यावा.)
(Oily skin care tips in summer season)
हेही वाचा :
Heart Disease | दैनंदिन जीवनातल्या ‘या’ गोष्टी वाढवतात हृदयविकाराचा धोका, जाणून घ्या याबद्दल…
Kidney Stone | मुतखड्याच्या समस्येने त्रस्त आहात? मग, चुकूनही खाऊ नका ‘हे’ पदार्थ!
Onion Hacks | कांदे कापताना डोळ्यांतून घळाघळा अश्रू येतात? मग, ट्राय करा ‘या’ सोप्या टिप्स!#OnionHacks | #Onion | #KitchenTipshttps://t.co/c0zT4BaIdx
— TV9 Marathi (@TV9Marathi) March 2, 2021
