कोरोनाची तिसरी लाट आलेल्या अमरावतीत म्युकरमायकोसिसचा पहिला बळी

अमरावती : कोरोनाची तिसरी लाट आलेल्या अमरावतीत म्युकरमायकोसिसचा (Mucormycosis) पहिला बळी गेला आहे. 63 वर्षीय महिलेचा ब्लॅक फंगसने बळी घेतला. कोरोना बरा झाल्यानंतर घरी परतल्यावर तिला म्युकरमायकोसिसची लागण झाली होती. (Amravati witnessed First Death of Mucormycosis Black Fungus Post COVID Complication)

कोरोनाच्या दुसऱ्या लाटेने महाराष्ट्रासह देशभरात खळबळ उडवली आहे. कोरोनाग्रस्त मृतांची संख्याही दिवसेंदिवस वाढत चालली आहे. विशेष म्हणजे दुसऱ्या लाटेचा कहर थांबत नाही, तोच तिसऱ्या लाटेचे संकेत मिळत आहेत. अमरावती जिल्ह्यात तर कोरोनाची तिसरी लाट आल्याचंही बोललं जात आहे.

कोरोनामुक्त महिलेचा ब्लॅक फंगसने बळी 

63 वर्षीय महिलेचा अमरावती येथील खाजगी रुग्णालयात उपचारादरम्यान मृत्यू झाला. कोरोनावर मात करुन घरी परतल्यानंतर महिलेला म्युकरमायकोसिस या आजाराची लागण झाली होती. संबंधित महिला अमरावती शहरातील साईनगर येथील रहिवासी होती. कोरोनाच्या तिसऱ्या लाटेच्या शक्यतेमुळे चिंता वाढली असतानाच म्युकरमायकोसिसचा पहिला बळी गेल्यामुळे अमरावती जिल्हात प्रचंड खळबळ माजली आहे.

पाहा व्हिडीओ :

म्युकरमायकोसिसने अमरावतीत हातपाय पसरले

राज्यभरात वेगाने हातपाय पसरत असलेल्या म्युकरमायकोसिस (Mucormycosis) या बुरशीजन्य रोगाने आता अमरावती जिल्ह्यातही शिरकाव केला आहे. म्युकरमायकोसिसचे ही पोस्ट कोव्हिड कॉम्प्लिकेशन आहे. त्यामुळे रुग्णांची फुप्फुसांची क्षमता वाढवण्यासाठी टीबी रुग्णालय परिसरात पुनर्वसन केंद्र सुरु केले असून, त्या ठिकाणी रुग्णांना व्यायाम, योगा शिकवले जात असल्याची माहिती जिल्हा आरोग्य अधिकारी डॉ. दिलीप रणमले यांनी दिली होती.

राज्यात काळी बुरशी (म्युकरमायकोसीस) आजाराचे रुग्ण वाढत असून त्यांच्या उपचारासाठी शासकीय आणि खासगी वैद्यकीय महाविद्यालयांच्या रुग्णालयात स्वतंत्र वॉर्ड करावेत.उपचारासाठी विशेषज्ञ आणि नर्स यांचे स्वतंत्र पथक करावे अशा सूचना प्रशासनाला दिल्या.

— Rajesh Tope (@rajeshtope11) May 16, 2021

(Amravati Death Mucormycosis Black Fungus )

अमरावतीत कोरोना रुग्णांच्या संख्येत सातत्याने वाढ

अमरावती जिल्हा प्रशासनाने सात दिवस संपूर्ण लॉकडाऊनची घोषणा केली होती. त्यानुसार रविवारी 9 मेपासून 15 मेपर्यंत अमरावती जिल्हा संपूर्ण बंद ठेवण्यात आला होता. अमरावतीचे जिल्हाधिकारी शैलेश नवाल यांनी दिलेल्या माहितीनुसार, अमरावतीत कोरोना रुग्णांच्या संख्येत सातत्याने वाढ होत आहे. कोरोना रुग्णांची साखळी तोडण्यासाठी कठोर भूमिका घेणे आवश्यक होते. त्यामुळे या काळात फक्त मेडिकलची दुकानं आणि हॉस्पिटल्स सुरु होती.

Amravati (MH) where the second wave started is having the third wave.

We are not out of the woods yet.@DoctorLFC pic.twitter.com/cUWtGv7FnV

— Nikhil Vadia (@NikhilVadia) May 15, 2021

संबंधित बातम्या

अरे देवा! अमरावतीत म्युकरमायकोसिसचा शिरकाव; प्रशासनात खळबळ

बापरे! अमरावतीत कोरोनाची तिसरी लाट, रुग्णसंख्येत झपाट्यानं वाढ

(Amravati witnessed First Death of Mucormycosis Black Fungus Post COVID Complication)