औरंगाबादच्या गॅस पाइप लाइनचा भव्य शुभारंभ, ऐतिहासिक क्षणांचे साक्षीदार व्हा, डॉ. भागवत कराड यांचं आवाहन!

औरंगाबादः शहरात पीएनजी (PNG) योजनेअंतर्गत गॅस पाइप लाइनच्या (Aurangabad gas pipe line) कामाचा भव्य शुभारंभ आज आयोजित करण्यात आला आहे. ही योजना कार्यान्वित झाल्यानंतर शहरातील घरांमध्ये सिलिंडरऐवजी पाइप लाइनद्वारे गॅस पुरवला जाणार आहे. तसेच ग्राहकांना हा गॅस आताच्या तुलनेत अधिक स्वस्त दरात उपलब्ध होणार आहे, असं आश्वासन केंद्रीय अर्थ राज्यमंत्री डॉ. भागवत कराड यांनी दिलं आहे. डॉ. भागवत कराड (Dr. Bhagwat Karad) आणि भाजपच्या पुढाकारातून आज या योजनेच्या कामाचा भव्य शुभारंभ केंद्रीय मंत्र्यांच्या हस्ते होत आहे. सकाळी 11 वाजता मराठवाडा सांस्कृतिक मंडळाच्या मैदानावर हा सोहळा होत असून जास्तीत जास्त औरंगाबादकर नागरिकांनी या ऐतिहासिक क्षणाचे साक्षीदार व्हावे, असे आवाहन डॉ. भागवत कराड यांनी केले आहे.

भव्य सभामंडप, जय्यत तयारी

शहरातील गॅस पाइप लाइन योजनेच्या कामाचा शुभारंभ अधिक भव्य करण्यासाठी गेल्या काही दिवसांपासून केंद्रीय अर्थ राज्यमंत्री डॉ. भागवत कराड औरंगाबादमध्ये मुक्कामी आहेत. आज अकरा वाजता आयोजित केलेल्या या कार्यक्रमासाठी भव्य सभामंडपाची एरिया 60 हजार स्क्वेअर फिट एवढा आहे, या मध्ये 40 बाय 10 फुट ची एक भव्य एलईडी स्क्रीन असेल ,तसेच आत बसलेल्या सर्व लोकांना व्यवस्थित आवाज यावा, स्टेजवरील सर्व भाषणे दिसावेत या साठी 12 बाय 8 या साईजच्या दहा एलईडी स्क्रीन सभामंडपामध्ये लावण्यात आलेले आहेत , आलेल्या जनतेची गैरसोय होऊ नये म्हणून , फुड पॉकेट व पाण्याची व्यवस्था करण्यात आली आहे, तसेच मुख्य व्यासपीठ हे 60 फुट बाय 30 फुट आहे व उंची सहा फूट एवढी आहे, आवाजाची उच्च क्षमता असणारे स्पीकर या ठिकाणी लावण्यात आलेले आहेत.

पीएनजी गॅस पाईप लाईन चा भव्य शुभारंभ थोड्याच वेळात सर्वांना आग्रहाचे निमंत्रण मोठ्या संख्येने उपस्थित राहून या ऐतिहासिक क्षणाचे साक्षीदार बना #DrkaradUpdates#PipelineIsLifeline#SwitchToNaturalGas pic.twitter.com/zDNEaSzwTp

— Dr Bhagwat Kishanrao Karad (@DrBhagwatKarad) March 2, 2022

केंद्रीय मंत्री हरदीपसिंग पुरी यांची ऑनलाइन उपस्थिती

या कार्यक्रमात माननीय हारदिप सिंग पुरी केंद्रीय पेट्रोलियम मंत्री तथा नागरी विकास मंत्री हे दूर दृश्य प्रणालीद्वारे युक्रेन देशाच्या शेजारील हंगेरी या देशामधून सहभागी होणार आहेत. पंतप्रधान नरेंद्र मोदी यांनी मिशन गंगा या एअरलिफ्ट अभियानासाठी मोदी सरकारने प्रमुख चार मंत्र्यांना युक्रेनच्या युद्धभूमीवर व आजूबाजूच्या सर्व परिसरात अडकलेल्या भारतीय नागरिकांना सोडवण्यासाठी व आपल्या मातृभूमीत सकुशल, सुखरूप घेऊन येण्यासाठी या चार मंत्र्यांना पाठवण्यात आले आहे. त्यामध्ये ज्योतिरादित्य सिंधिया, हरदीपसिंग पुरी, किरण रिजिजू, जनरल व्हि.के. सिंह यांच्यावर सर्व युद्धभूमीवर अडकलेल्या ,भारतीय नागरिकांना कुशल भारतात आणण्याची जबाबदारी दिलेली आहे. त्यामुळे   हरदिप सिंह पुरी दूरदर्शन प्रणालीमार्फत या कार्यक्रमा मध्ये सहभागी होतील, कार्यक्रमा साठी  केंद्रीय अर्थ राज्यमंत्री डॉक्टर भागवत कराड, केंद्रीय रेल्वे राज्यमंत्री मा.रावसाहेब पाटील दानवे हे प्रत्यक्ष उपस्थित राहणार आहेत. तसेच   आमदार हरिभाऊ नाना बागडे  , आमदार अतुल सावे भाजपा प्रदेश सरचिटणीस, आमदार प्रशांत बंब यांच्या प्रमुख उपस्थितीमध्ये हा कार्यक्रम होणार आहे

इतर बातम्या-

VIDEO: तुमचे मुखवटे उतरवल्याशिवाय राहणार नाही, तुम्हाला जेलमध्ये पाठवल्याशिवाय राहणार नाही; राऊतांचा इशारा

रणजितसिंह निंबाळकरांचे निकटवर्तीय दिगंबर आगवणेंची तक्रार, निंबाळकरांनी फसवणूक केल्याचा आरोप