मोठी बातमी! लाडक्या बहिणींना मोठा जॅकपॉट; थेट मोठी घोषणा, आता मिळणार…

सरकारने राज्यातील महिलांसाठी लाडकी बहीण योजना सुरू केली आहे, या योजनेंतर्गत लाभार्थी महिलांच्या बँक अकाऊंटमध्ये दर महिन्याला दीड हजार रुपये जमा करण्यात येतात. लाडकी बहीण योजनेसोबतच सरकार महिलांसाठी इतरही काही योजना राबवत आहे. महिलांना रेशन दुकानाच्या माध्यमातून मोफत साडी देखील मिळत होती, मात्र ही योजना आता बंद झाली आहे, यावर प्रतिक्रिया देताना मंत्री गिरीश महाजन यांनी मोठी घोषणा केली आहे.  सरकारकडे पैसे नाही, असा यात कुठला भाग नाहीये, परंतु रेशन दुकानांमधून साड्या वाटपामुळे अनेक प्रश्न निर्माण झाले आहेत. मात्र साड्या ऐवजी महिलांसाठी आम्ही आता एक वेगळी योजना राबवत आहोत, या नव्या योजनेच्या माध्यमातून महिलांना रोजगार मिळणार आहे, त्यांचा फायदाच फायदा होणार आहे, अशी मोठी घोषणा यावेळी गिरीश महाजन यांनी केली आहे.  त्यासाठी सरकारला अधिक खर्च आला तरी चालेल परंतु आम्ही अशी योजना आणणार आहोत, असं यावेळी गिरीश महाजन यांनी म्हटलं आहे.

दरम्यान गेल्या काही दिवसांपासून राष्ट्रवादी शरद पवार गट एनडीएमध्ये येणार असल्याची चर्चा सुरू आहे. दरम्यान शुक्रवारी सुत्रांकडून अशी देखील माहिती समोर आली आहे की, आधी दोन्ही राष्ट्रवादींनी एकत्र यावं आणि मग एनडीएमध्ये यावं अशा सूचना भाजपने राष्ट्रवादी शरद पवार गटाला केली आहे. याबाबत गिरीश महाजन यांना विचारले असता त्यावर देखील त्यांनी यावेळी प्रतिक्रिया दिली आहे. याबाबतीत मला खरं म्हणजे काहीच माहिती नाही, या संदर्भातल्या कुठल्या चर्चेमध्ये सुद्धा मी नाहीये. या सर्व गोष्टी वरिष्ठ पातळीवरून चालल्या आहेत, आमचे मुख्यमंत्री असतील, भाजपचे अध्यक्ष असतील तसेच केंद्रीय नेतृत्व असेल त्यांच्यामध्ये या संदर्भात चर्चा होत असतील, असं महाजन यांनी म्हटलं आहे.

दरम्यान शिवसेना शिंदे गटाकडून केंद्रात तीन मंत्रिपदाची मागणी करण्यात आली आहे, अशी देखील माहिती समोर येत आहे, यावर देखील महाजन यांनी यावेळी प्रतिक्रिया दिली आहे. एकनाथ शिंदे जी हे दिल्लीला जातात, त्यांचा संबंध डायरेक्ट केंद्र शासनाशी आहे, मंत्र्यांशी आहे, नेत्यांशी आहे, त्यामुळे ते थेट त्यांच्याशी बोलत असतील, असं महाजन यांनी म्हटलं आहे.