CJP Delhi Protest Live : अभिजीत दिपके, सौरव दास आणि आशुतोष रांका विशेष कार्यकारी दंडाधिकाऱ्यांसमोर हजर

काल सकाळी साडे दहाच्या सुमारास कॉकरोच जनता पार्टीच्या तीनही मुख्य सदस्यांना दिल्ली पोलिसांनी ताब्यात घेतले. त्यानंतर आता 24 तासांनंतर त्यांची सुटका झाल्याचे समोर आले आहे.

अभिजीत दिपके, सौरव दास आणि आशुतोष रांका विशेष कार्यकारी दंडाधिकाऱ्यांसमोर हजर करण्यात आले आहे. दरम्यान या सुनावणीनंतर या तिघांना ताब्यात ठेवायचे की त्यांची सुटका होणार हे थोड्याचवेळात समोर येणार आहे. काल या सीजेपी नेत्यांना पोलिसांना सकाळीच तातडीने ताब्यात घेतले होते. आजही सीजेपीने जंतरमंतरवर आंदोलनाची हाक दिली आहे. त्यामुळे पोलिसांनी चोख सुरक्षा व्यवस्था ठेवली आहे.

युट्यूबर ध्रुव राठी याला पोलिसांनी काल गुरूग्राम येथून ताब्यात घेतले होते.आज पोलिसांनी त्याची सुटका केली आहे. पण त्याचवेळी CJP आंदोलनात सहभागी झाल्यास कारवाई करण्याचा इशाराही पोलिसांनी त्याला दिला आहे.

दीक्षाभूमीसाठी सात विशेष रेल्वेगाड्या चालवल्या जाणार आहेत. धम्मचक्र प्रवर्तन दिनानिमित्त दीक्षाभूमीवर येणाऱ्या अनुयायांसाठी मध्य रेल्वेच्या नागपूर विभागाने विशेष रेल्वे गाड्या चालवण्याचा निर्णय घेतला आहे . पुणे, मुंबई, नाशिक, भुसावळ, सोलापूर आणि अकोला येथून या गाड्या चालवल्या जाणार आहेत. 18 ते 21 ऑक्टोबर दरम्यान या विशेष रेल्वेगाड्या चालवल्या जाणार आहेत. या विशेष रेल्वेगाड्यामुळे दीक्षाभूमीवर येणाऱ्या हजारो अनुयायांना सुविधा मिळणार आहे

भाजप मुंबई अध्यक्ष अमित साटम यांना मातृ शोक झाला. अमित साटम यांच्या आईचे दीर्घ आजाराने निधन झाले. शितल साटम यांचे वयाच्या 80व्या वर्षी निधन झाले. लीलावती रुग्णालयात त्यांनी अखेरचा श्वास घेतला.

दिल्लीत पोलिसांचा मोठा बंदोबस्त आहे. सीजेपीच्या आंदोलनाच्या पार्श्वभूमीवर दिल्लीत सुरक्षा यंत्रणा सतर्क आहेत. राजधानीतील महत्त्वाच्या रस्त्यांवर पोलिसांचा मोठा बंदोबस्त तैनात करण्यात आला आहे. काही ठिकाणी सुरक्षा यंत्रणांकडून रस्त्यावर बसेस आडव्या लावून मार्ग अडवण्यात आले आहेत. तसेच, परिस्थिती नियंत्रणात ठेवण्यासाठी ठिकठिकाणी चेतावणीचे फलक लावण्यात आले आहेत. आंदोलनाच्या पार्श्वभूमीवर गर्दी रोखणे आणि कायदा-सुव्यवस्था राखण्याच्या दृष्टीने पोलिसांकडून खबरदारी घेण्यात आली. जंतर-मंतर परिसरासह दिल्लीतील संवेदनशील ठिकाणी सुरक्षा व्यवस्थेवर विशेष लक्ष ठेवण्यात येत आहे.

संभाव्य आंदोलनाच्या पार्श्वभूमीवर शिवाजी पार्क परिसरात पोलिसांकडून सुरक्षा व्यवस्था वाढवली. शिवाजी पार्क परिसरातील दुचाकी हटवण्याच्या वाहतूक पोलिसांनी सूचना दिल्या. ज्ञानेश कुमार यांच्या विरोधातील आंदोलनाच्या पार्श्वभूमीवर दादरमध्ये सुरक्षा वाढवली. वाहतूक विभागाकडून पार्किंगमधील दुचाकी हटवण्याचे नागरिकांना निर्देश दिले

दिल्लीत पोलिसांनी सीजेपीच्या कार्यकर्त्यांसह अनेक नेत्यांना ताब्यात घेतले होते. आजही सीजेपीने आंदोलनाची हाक दिल्याने यंत्रणा अलर्ट आहेत. जंतरमंतरसह दिल्लीतील काही भागात तगडा फौजफाटा आहे. अनेक परिसरात पोलिसांचा वेढा आहे.

दिल्ली पोलीस थोड्याच वेळात सीजेपीचे नेते अभिजीत दिपके, आशुतोष रांका आणि सौरव दास यांना दिल्ली कँट पोलीस ठाण्यातील विशेष कार्यकारी दंडाधिकाऱ्यांसमोर हजर करणार आहेत.

अभिजीत दिपके, सौरव दास आणि आशुतोष रांका यांच्यावर प्रतिबंधतामक कारवाई करत अटक करण्यात आली आहे. त्यांना थोड्याच वेळात कार्यकारी दंडाधिकारी यांच्यासमोर हजर केले जाणार आहे. एखाद्या व्यक्तीच्या उपस्थितीमुळे कायदा व सुव्यवस्थेचा प्रश्न निर्माण होत असेल तर तर पोलिसांना प्रतिबंधात्मक कारवाई करण्याचे अधिकार असतात.

दिल्लीत पोलिसांचा मोठा बंदोबस्त तैनात करण्यात आला आहे. सीजेपीच्या आंदोलनाच्या पार्श्वभूमीवर दिल्लीत सुरक्षा यंत्रणा सतर्क झाली आहे.  राजधानीतील महत्त्वाच्या रस्त्यांवर पोलिसांचा मोठा बंदोबस्त तैनात करण्यात आला आहे. काही ठिकाणी सुरक्षा यंत्रणांकडून रस्त्यावर बसेस आडव्या लावून मार्ग अडवण्यात आले आहेत. तसेच, परिस्थिती नियंत्रणात ठेवण्यासाठी ठिकठिकाणी चेतावणीचे फलक लावण्यात आले आहेत. आंदोलनाच्या पार्श्वभूमीवर गर्दी रोखणे आणि कायदा-सुव्यवस्था राखण्याच्या दृष्टीने पोलिसांकडून खबरदारी ठेवण्यात आली आहे. जंतर-मंतर परिसरासह दिल्लीतील संवेदनशील ठिकाणी सुरक्षा व्यवस्थेवर विशेष लक्ष ठेवण्यात येत आहे.

दिल्लीत आज मेट्रो सेवा सुरू करण्यात आल्या आहेत. रात्रीपर्यंत सर्व मेट्रो सेवा पूर्ववत केली आहे. CJP आंदोलनाच्या पार्श्वभूमीवर काल मेट्रो सेवा बंद केली होती.  आज मात्र सर्व स्थानक सुरू असून प्रवाशांची ये जा सुरू आहे.

आज देखील पोलिसांकडून छत्रपती शिवाजी महाराज पार्क परिसरात बंदोबस्त पाहायला मिळत आहे.  ज्ञानेश कुमार विरोधात सीजीपीच दिल्लीत आंदोलन सुरू आहे.  याच पार्श्वभूमीवर पार्कतील दुचाकी काढण्यासाठी वाहतूक विभागाकडून सूचना देण्यात आल्या आहेत. अति बंदोबस्त असल्याकारणाने वाहतूक विभागाकडून नागरिकांना सूचना देण्यात आल्या आहेत.