Corona, Omicron Cases Maharashtra LIVE : गेल्या 24 तासांमध्ये राज्यात 40 हजार 925 नव्या रुग्णांची नोंद

Maharashtra Corona Update: 40 हजार 925 नव्या रुग्णांची नोंद

राज्यात कोरोना रुग्ण वाढीचा स्फोट गेल्या 24 तासांमध्ये 40 हजार 925 नव्या रुग्णांची नोंद दिवसभरात 20 रुग्णांचा मृत्यू 14 हजार 256 रुग्णांची कोरोनावर मात

वाढत्या कोरोना रुग्ण संख्येच्या पार्श्वभूमीवर मॉल आणि थिएटर्सवर पुन्हा निर्बंध येणार ?

मुंबई : राज्यात कोरोनाचा प्रादुर्भाव (Corona Outbreak) मोठ्या प्रमाणात वाढत आहे. दिवसेंदिवस कोरोना रुग्णांची संख्या झपाट्याने वाढतेय. अशावेळी गर्दी कमी करणे हा एकमेव उपाय असल्याचं बोललं जातं. या पार्श्वभूमीवर राज्यात पुन्हा एकदा कठोर निर्बंध (Corona Restrictions) लागू होण्याची शक्यता व्यक्त केली जात आहे. आज राज्याचे मुख्य सचिव देबाशिष चक्रवर्ती आणि राज्यातील जिल्हाधिकाऱ्यांची महत्वाची बैठक आज पार पडली. या बैठकीत कठोर निर्बंधांबाबत चर्चा झाल्याची माहिती मिळतेय. मिळालेल्या माहितीनुसार राज्यात वाढत्या कोरोना रुग्णसंख्येच्या पार्श्वभूमीवर पुन्हा एकदा मॉल आणि चित्रपटगृहांवर निर्बंध येणार का? असा प्रश्न उपस्थित केला जात आहे

धक्कादायक! इटलीवरून आलेल्या विमानातील 170 प्रवासी कोरोनाबाधित

अमृतसर : देशात कोरोनाचा प्रादुर्भाव कमी होत आहे असे वाटत असतानाच पुन्हा एकदा कोरोनाने डोके वर काढले आहे. देशात सातत्याने कोरोना रुग्णांच्या संख्येमध्ये वाढ होत आहे. या पार्श्वभूमीवर अमृतसरमधून आलेल्या बातमीने सर्वांचीच चिंता वाढवली आहे. पंजाबच्या अमृतसर आंतरराष्ट्रीय विमानतळावर सलग दुसऱ्या दिवशी इटलीमधून आलेल्या विमानातील अनेक प्रवासी हे कोरोनाबाधित आढळून आले आहेत. या बातमीमुळे आरोग्य यंत्रणा सतर्क झाली आहे. मिळालेल्या माहितीनुसार या विमानामध्ये एकूण 285 प्रवासी होते. यातील तब्बल 170 प्रवाशांचा अहवाल कोरोना पॉझिटिव्ह आला आहे. या सर्व प्रवाशांना आता क्वॉरंटाईन करण्यात आल्याची माहिती प्रशासनाच्या वतीने देण्यात आली आहे.

Mumbai Corona Update : आज दिवसभरात 20,971 नवे कोरोनाबाधित

मुंबईमध्ये कोरोनाचा कहर पहायला मिळत आहे. मुंबईमध्ये आज दिवसभरात तब्बल 20,971 नव्या कोरोनाबाधितांची नोंद झाली आहे. तर 8,490 जणांनी कोरोनावर मात केली आहे. गेल्या  24 तासांमध्ये सहा जणांचा कोरोनामुळे मृत्यू झाला आहे.

भंडारा जिल्हा कोरोना अपडेट; आज दिवसभरात 19 रुग्णांना कोरोनाची लागण

गेल्या 24 तासांमध्ये 19 नवे कोरोनाबाधित

कोरोनावर मात करणारे रुग्ण : 00

आज दिवसभरात मृत्यू  - 00

कोरोनाबाधितांचा एकूण आकडा - 60184

आतापर्यंत कोरोनावर मात केलेल्या एकूण रुग्णांची संख्या - 58975

जिल्ह्यातील सक्रीय रुग्ण - 75

Pune Corona Update: दिवसभरात 2757 जणांना कोरोनाची लागण

गेल्या 24 तासांमध्ये 2757 जणांना कोरोनाची लागण

दिवसभरात 628  रुग्णांनी केली कोरोनावर मात

आज दिवसभरामध्ये  कोरोनामुळे सहा जणांचा मृत्यू

एकूण कोरोनाबाधितांची संख्या - 519535

एकूण सक्रीय रुग्ण - 9792

एकूण कोरोनाबाधितांचा मृत्यू - 9124

Thane Corona : विनामास्क फिरणाऱ्यांवर ठाण्यात कारवाई, 500 रुपयांचा दंड

मुंबईप्रमाणेच ठाण्यातही कोरोना(Corona)ची रुग्णसंख्या वाढल्यानं महापालिका आणि पोलिसांच्या वतीनं मास्क (Mask) न घालणाऱ्या तसंच मास्क खाली असणाऱ्यांना 500 रुपयांचा दंड आकारला जात आहे. मंडई, जांभळी नाका यासह विविध परिसरात ही कारवाई करण्यात येतेय. सातत्यानं वाढत्या रुग्णसंख्येच्या पार्श्वभूमीवर हे पाऊल उचललं असल्याचं सांगण्यात येतंय. नागरिकांनी नियमांचं तंतोतंत पालन करावं, असं आवाहन करण्यात आलंय.

कोरोनाच्या प्रादुर्भावामुळे स्थानिक स्वराज्य संस्थांच्या निवडणुका पुढे ढकलल्या जाण्याची शक्यता

मुंबई : स्थानिक स्वराज्य संस्थांच्या निवडणुका (Local body elections) पुढे ढकलल्या जाण्याची शक्यता आहे. परिवहन मंत्री अनिल परब (Anil Parab) यांनी याविषयीची माहिती दिलीय. वाढत्या कोरोनामुळे या निवडणुका पुढे जाण्याची शक्यता वर्तवली जातेय. मुंबईमध्ये तर वीस हजारांहून अधिकचा आकडा काल कोरोनारुग्णांनी गाठला होता. अशा परिस्थितीत निवडणुका पुढे ढकलण्याशिवाय कोणताही पर्याय शासनासमोर राहणार नाही, असं परब म्हणाले.

मुंबई, पुणे, ठाणे वगळता राज्याच्या इतर भागातील शाळा सुरूच राहणार - टोपे

मुंबई : राज्यातील पुणे, मुंबई आणि ठाणे या तीन प्रमुख शहरात कोरोनाचा प्रादुर्भाव अधिक आहे. या शहरांत होत असलेला ओमिक्रॉन आणि कोरोनाचा प्रसार पहाता तेथील शाळा बंद ठेवण्याचा निर्णय घेण्यात आला आहे. मात्र राज्यातील इतर भागांमध्ये आजून तशी परिस्थिती नाही. त्यामुळे इतर भागात शाळा बंद ठेवण्याचा निर्णय घेण्यात आला नसल्याची माहिती आरोग्य मंत्री राजेश टोपे यांनी दिली आहे. मात्र कोरोना रुग्णांमध्ये वाढ झाल्यास भविष्यात शाळा बंद ठेवण्याचा निर्णय होऊ शकतो असेही त्यांनी यावेळी म्हटले आहे.

गृहमंत्री दिलीप वळसे-पाटील यांच्या कार्यालयात कोरोनाचा विळखा, 21 कर्मचाऱ्यांना कोरोना

गृहमंत्री दिलीप वळसे-पाटील यांच्या कार्यालयात कोरोनाचा विळखा

२१ कर्मचाऱ्यांचा कोरोना रिपोर्ट पाॅझिटिव्ह

आणखी १५ जणांचे रिपोर्ट येणं बाकी

वळसे-पाटील यांच्या खाजगी सचिवासह इतर कर्मचारी कोरोनाबाधीत

Narendra Modi Live : आतापर्यंत लसीचे 150 कोटी डोस दिले, हे देशातील सर्वांचं यश: नरेंद्र मोदी

आपण या वर्षाची सुरुवात 15 ते 18 वयोगटातील मुलांच्या लसीकरणानं केली. पहिल्या पाच दिवसात 1.5 कोटी मुलांचं लसीकरण करण्यात आलं. देशात आतापर्यंत 150 कोटी डोस देण्यात आलेले आहेत. हे यश आपल्या देशाचं आणि देशातील प्रत्येक सरकारचं आहे, असं नरेंद्र मोदी म्हणाले.

पूर्ण लॉकडाऊन लागणार का? राजेश टोपे म्हणाले त्यावेळी ऑटोमेटिक लॉकडाऊन लागेल

पूर्ण लॉकडाऊन लागणार का?

राजेश टोपे :  आम्ही स्पष्टपणे ठरवलेलं आहे की 700 मेट्रिक टन ऑक्सिजन लागेल किंवा 40 टक्के बेड वापरले जातील त्यावेळी लॉकडाऊन लागेल. मात्र, सध्या तशी परिस्थिती नाही. राज्यातील रुग्णालयातील 10 ते 15 टक्के बेड व्यापलेले आहेत. राज्यातील मृत्यूदर वाढलेला नाही. त्यामुळं घाबरण्याची गरज नाही, पण काळजी घेतली पाहिजे. ज्येष्ठ नागरिक, कोमॉर्बिड लोकांनी काळजी घेणं गरजेचं आहे. कोरोना प्रसार रोखण्यासाठी निर्बंध लावलेले आहेत. त्यामुळं आपण नियम पाळले नाहीत तर अवघड आहे. रात्री फिरण्याची गरज नाही. मुंबई सारख्या शहरात रात्री 11 ते 5 या वेळेत काही निर्बंध लावता येते का हे पाहावं लागेल, असं राजेश टोपे म्हणाले.

लॉकडाऊन, मिनी लॉकडाऊन, नाईट कर्फ्यू वर मुख्यमंत्री कधी निर्णय घेणार?

आरोग्य विभाग, टास्क फोर्स इतर यंत्रणा मुख्यमंत्र्यांना मुख्य सचिवांमार्फत अहवाल देत असतात. मुंबईत  25 हजारांपर्यंत रुग्ण आढळून येत असतील तर मुंबईतील अनावश्यक सेवा, उशिरापर्यंतचं हॉटेलिंग हे सगळं थांबलं पाहिजे. रात्री फिरण्यावर निर्बंध लावता येईल. मुख्यमंत्री याबाबत निर्णय घेतील. अनावश्यक सेवा  बंद करता येतात का यासंदर्भात निर्णय घ्यावा लागेल, असं राजेश टोपे म्हणाले.

लोकल सेवेवर निर्बंध येणार?

लोकल सेवा बंद करण्यात येणार नाही. अनावश्यक सेवा रात्री उशिरापर्यंत सुरु असतात त्यांची वेळ कमी करता येते का हे पाहावं लागणार आहे. मॉल्स, रेस्टॉरंट याबाबत काही निर्णय घेण्यात आला नाही. मात्र, रात्रीच्या अनावश्यक सेवांबाबत निर्णय घेतला जाईल.

मोठ्या मंडईमध्ये  नियमांचं पालन होत नाही त्यावर काय करणार?

मंडईमध्ये मास्क न वापरण्यांवर कारवाई करण्यात येईल. निर्बंध पेपरवर केले आहेत पण ते प्रत्यक्षात उतरवण्याची जबाबदारी अधिकाऱ्यांची आहे. त्यांना सूचना दिलेल्या आहेत, असं राजेश टोपे म्हणाले.

लग्न आणि अंत्यसंस्काराच्या ठिकाणीची गर्दी कशी कमी करणार?

लग्न आणि अंत्यसंस्कार थाबवता येणार नाही. लग्न हे दोन्ही बाजूच्या  25-25 लोकांच्या उपस्थितीत पार पाडावीत. आपल्याला राजकीय कार्यक्रम, सामाजिक कार्यक्रम किंवा धार्मिक कार्यक्रमातील गर्दी टाळावी लागेल. त्यासाठी शासनानं दिलेल्या आदेशांचं पालन करावं लागेल, असं राजेश टोपे म्हणाले.

15 ते 18 वयोगटातील लसीकरण जलदगतीनं

15 ते 18 वयोगटातील मुलांचं लसीकरण वेगानं करत आहोत. राज्यातील 60 लाख मुलांचं लसीकरण करायचं आहे. दररोज 3 लाख मुलांचं लसीकरण याप्रमाणं प्रयत्न करत आहोत.  15 ते  20 दिवसांमध्ये हे लसीकरण होऊन जाईल. किशोरवयीन मुलांना स्वत: सुरक्षित राहायचं असेल तर कुठं जायचं असेल तर लसीकरण करुन घ्या. बर्गर आणि पिझ्झा घ्यायचा असला तरी लस बंधनकारक  त्यामुळं लसीकरण करुन घ्या, असं आवाहन राजेश टोपे यांनी किशोरवयीन मुलांना केलं.

MCA Corona Update : मुंबई क्रिकेट असोसिएशनच्या 15 कर्मचाऱ्यांना कोरोना

MCA Corona Update : मुंबई क्रिकेट असोसिएशनच्या 15 कर्मचाऱ्यांना कोरोना झाल्याची माहिती समोर आली आहे. मुंबई क्रिकेट असोसिएशनचं कार्यालय पुढील तीन दिवस बंद राहणार आहे.

Omicron Cases : भारतातील ओमिक्रॉन बाधितांची संख्या 3007 वर, महाराष्ट्राची संख्या 876 वर

Omicron Cases : भारतातील ओमिक्रॉन बाधितांची संख्या 3007 वर, महाराष्ट्राची संख्या 876 वर

COVID19 | A total of 3,007 #Omicron cases were reported in 27 States/UTs of India so far. The number of persons recovered is 1,199: Union Health Ministry pic.twitter.com/RVmygx7wX1

— ANI (@ANI) January 7, 2022

Corona Cases : देशभरात 1 लाख 17 हजार 100 रुग्णांची नोंद, सात महिन्यांनी ओलांडला लाखांचा टप्पा

देशभरात 1 लाख 17 हजार 100 रुग्णांची नोंद, सात महिन्यांनी ओलांडला लाखांचा टप्पा

India reports 1,17,100 fresh COVID cases, 30,836 recoveries, and 302 deaths in the last 24 hours

Daily positivity rate: 7.74%

Active cases: 3,71,363 Total recoveries: 3,43,71,845 Death toll: 4,83,178

Total vaccination: 149.66 crore doses pic.twitter.com/5uqB5lmnMj

— ANI (@ANI) January 7, 2022

Thane Corona Update : वाढत्या कोरोना रुग्णसंख्येमुळं ठाण्यात प्रशासन सतर्क, विनामास्क फिरणाऱ्यांवर कारवाई सुरु

काल ठाणे पालिका क्षेत्रात सर्वाधिक एक दिवसीय रुग्ण संख्या आढळल्या नंतर पालिका प्रशासन आणि पोलीस रस्त्यावर

मास्क न लावलेल्या आणि गर्दी करणाऱ्या नागरिकांवर करत आहेत कारवाई,

तसेच ज्या दुकानांत गर्दी आहे त्याच्यावर देखील होणार कारवाई,

ठाणे पालिकेचे एक पथक आणि ठाणे नगर पोलिसांचे एक पथक अशी 2 पथके रस्त्यावर

मास्क नसेल तर 500 रुपये दंड,गर्दी असेल तर दुकांदारावर दंड,

ठाणे स्टेशन रोड बाजारपेठ मध्ये सुरू आहे कारवाई

संपूर्ण लॉकडाऊन होणार नाही, डॉक्टर, बेस्टचे कर्मचारी बाधित, ओमिक्रॉनला गंभीरपणे घ्या: किशोरी पेडणेकर

मुंबईकरांनी घाबरू नये, दुसऱ्या लाटेप्रमाणं तिसरी लाट थोपवू

मुख्यमंत्री उद्धव ठाकरे आणि आरोग्यमंत्री राजेश टोपे सूचना देत आहेत

केंद्राच्या अधिकाऱ्यांशी चर्चा, मुंबई महापालिका, इतर महापालिकांशी चर्चा करुन निर्णय घेत आहेत

संपूर्ण लॉकडाऊन होणार नाही, मात्र, 10 ते 15 टक्के लोक काळजी घेत नाहीत त्यामुळं सर्वांना परिणाम भोगावं लागतं

माझं कुटुंब माझी जबाबदारी प्रमाणं काळजी घ्यावी

डॉक्टर, बेस्टचे कर्मचारी बाधित होत आहेत.

बेड रिकामे आहेत त्यामुळं निर्णय नाही

जागतिक आरोग्य संघटनेचा ओमिक्रॉन गंभीर असल्याचा इशारा

Pune Omicron : पुण्यात ओमिक्रॉनचे आतापर्यंत 83 रुग्ण

पुण्यात ओमिक्रॉनचे आतापर्यंत 83  रुग्ण

मात्र दिलासादायक बातमी म्हणजे एकाही रुग्णाला ऑक्सिजन, व्हेंटिलेटरची गरज पडली नाही

8 दिवसांत रुग्ण होतो ठणठणीत बरा ,महापालिकेनं नोंदवल निरीक्षण,

आतापर्यंत 40 जणांना डिस्चार्ज देण्यात आलाय,

लसीचे दोन्ही डोस घेऊनही ओमिक्रॉनचा संसर्ग होतोय

आढळणाऱ्या बाधितांमध्ये ओमिक्रॉनचे 80 ते 85 टक्के रुग्ण असण्याची शक्यता वर्तवली जातीये

पिंपरी चिंचवड शहरातील वाढती रुग्णसंख्या पाहता जम्बो रूग्णालय पुन्हा सुरू होणार

पिंपरी चिंचवड शहरातील वाढती रुग्णसंख्या पाहता नेहरुनगरातील जम्बो रूग्णालय पुन्हा सुरू होणार

-हे जम्बो रुग्णालय १५ जानेवारीपासून पुन्हा 800 बेडसह सुरू करण्यात येणार आहे. त्यामध्ये 609 बेड ऑक्सिजनयुक्त, 200 आयसीयू बेड उपलब्ध राहणार आहेत

- दोन महिन्यांसाठी एकूण १० कोटी खर्च येणार आहे

पिंपरी चिंचवड शहरात गेल्या सहा दिवसात कोरोना संसर्गाचे प्रमाण सहापटीने वाढले

महाराष्ट्रातील 338 निवासी डॉक्टरांना कोरोना संसर्ग

महाराष्ट्रातील 338 निवासी डॉक्टरांना कोरोना संसर्ग झाल्याचं समोर आलं आहे. हे डॉक्टर विविध रुग्णालयांमध्ये कार्यरत असल्याची माहिती मार्डचे अध्यक्ष डॉ. अविनाश दहिफळे यांनी दिली आहे.

Maharashtra | A total of 338 resident doctors from various hospitals have tested positive for COVID-19 in the last four days, said President of Maharashtra State Association of Resident Doctors (MARD), Dr Avinash Dahiphale

— ANI (@ANI) January 7, 2022

नाशिकमध्ये सोमवारपासून 10 वी आणि 12 वी वगळता शाळा बंद

नाशिक - सोमवार पासून 10 वी आणि 12 वी वगळता शाळा बंद

पालकमंत्री भुजबळ यांच्या बैठकीत निर्णय

परिस्थिती बघून बाजारपेठा बंद करण्या बाबत देखील घेणार निर्णय

पुढच्या आठ दिवसात नागरिकांनी लस न घेतल्यास,'नो व्हेक्सीन-नो रेशन'

कोरोनाला थांबवण्यासाठी प्रशासन काय करत आहे? हायकोर्टाची विचारणा

- कोरोनाला थांबवण्यासाठी प्रशासन काय करत आहे?

- उच्च न्यायालयाची नागपूर मनपा आणि जिल्हा प्रशासनाला विचारणा

- दोन आठवड्यात उत्तर सादर करण्याचे नागपूर खंडपीठाचे आदेश

- २०२० मध्ये न्यायालयाने स्वतःच दाखल केलेल्या याचिकेवर झाली सुनावणी

Balasaheb Thorat : बाळासाहेब थोरात कोरोनामुक्त, ट्विटद्वारे दिली माहिती

राज्याचे महसूलमंत्री आणि काँग्रेस नेते बाळासाहेब थोरात यांनी कोरोना अहवाल निगेटिव्ह आल्याची माहिती ट्विटरद्वारे दिली आहे.

माझा कोरोना चाचणी अहवाल निगेटिव्ह आला आहे. डॉक्टरांच्या सल्ल्यानुसार मी सोमवारपासून माझ्या नियमित कामकाजास सुरुवात करेल. या सर्व काळात माझ्या आरोग्यासाठी आपण दिलेल्या सदिच्छा मला ऊर्जा देणाऱ्या ठरल्या.

— Balasaheb Thorat (@bb_thorat) January 6, 2022

Maharashtra Omicron Cases : महाराष्ट्रात 79 नव्या ओमिक्रॉन बाधित रुग्णांची नोंद

महाराष्ट्रात गुरुवारी 79 नव्या ओमिक्रॉन बाधित रुग्णांची नोंद झाली आहे. तर, दिवसभरात मुंबईत ओमिक्रॉनचे 57 रुग्ण आढळून आले आहेत.

#Maharashtra #COVID19 Updates for today

*⃣ 79 new cases of #OmicronVariant reported from Maharashtra today; 57 from Mumbai

*⃣ Patients infected with #Omicronvariant in Maharashtra reported till date- 876

(2/6)?@airnews_mumbai pic.twitter.com/C0WZOv23rW

— PIB in Maharashtra ?? (@PIBMumbai) January 6, 2022