उल्हासनगरच्या गार्डनमध्ये गर्दुल्ल्याचा ब्लेड हल्ला, बालिका गंभीर जखमी

उल्हासनगरच्या कॅम्प 1 भागात असलेल्या महापालिकेच्या बाल उद्यानात गुरुवारी सायंकाळी ही घटना घडली. ( Druggist attack girl blade Ulhasnagar)

उल्हासनगरच्या गार्डनमध्ये गर्दुल्ल्याचा ब्लेड हल्ला, बालिका गंभीर जखमी
गर्दुल्ल्याचा चिमुकलीवर ब्लेड हल्ला

उल्हासनगर : एका गर्दुल्ल्याने अल्पवयीन मुलीवर वार केल्याची धक्कादायक घटना उल्हासनगरमध्ये घडली आहे. या घटनेत बालिका गंभीर जखमी झाली असून तिच्यावर सध्या ठाण्यात उपचार सुरु आहेत. तर पोलीस गर्दुल्ल्याचा शोध घेत आहेत. भरदिवसा घडलेल्या या घटनेमुळे परिसरात एकच खळबळ उडाली असून पालकांमध्ये भीतीचं वातावरण पसरलं आहे. (Druggist attack minor girl with blade in Ulhasnagar Children’s Garden)

ब्लेड हल्ल्यात बालिका गंभीर

उल्हासनगरच्या कॅम्प 1 भागात असलेल्या महापालिकेच्या बाल उद्यानात गुरुवारी सायंकाळी ही घटना घडली. या उद्यानात गेलेल्या अल्पवयीन मुलीच्या हात, नाक, छाती आणि तोंडावर या गर्दुल्ल्याने ब्लेडने वार केले. त्यानंतर त्याने घटनास्थळाहून पोबारा केला. स्थानिकांनी रक्तबंबाळ अवस्थेत असलेल्या या मुलीला उचलून मध्यवर्ती जिल्हा रुग्णालयात नेलं, मात्र तिला गंभीर जखमा असल्याने ठाणे महापालिकेच्या रुग्णालयात नेण्यात आले.

पोलिसांकडून गर्दुल्ल्याचा शोध

जखमी मुलीला आई वडील नसून ती चोपडा कोर्ट भागात नातेवाईकांकडे वास्तव्याला होती. मात्र ती घटनास्थळी नेमकी कशी गेली होती, हे अद्याप स्पष्ट होऊ शकलेलं नाही. या प्रकरणी उल्हासनगर पोलिसांनी रात्री उशिरा गुन्हा दाखल केला असून या गर्दुल्ल्याचा पोलीस शोध घेत आहेत. याआधीही लोकल ट्रेनचे रिकामे डबे किंवा निर्जन रस्त्यांवर असे गर्दुल्ल्यांनी हल्ले केल्याचे प्रकार समोर आले आहेत. मात्र भरदिवसा लहान मुलांसोबत घडलेल्या या घटनेमुळे पालकांमध्ये चिंतेचं वातावरण पसरलं आहे.

मीरा रोडमध्येही गर्दुल्ल्यांचा ह्लला

नशा करायला बसलेल्यांना विरोध केला म्हणून दोन गर्दुल्लयांनी मीरा रोडमधील काही रहिवाशांवर तलवारीने वार करत मारहाण केल्याची घटना दोन वर्षांपूर्वी घडली होती. यात 6 रहिवाशी जखमी झाले होता. मुंबईजवळच्या मीरा रोडमधील गीता नगरमधील फेज 8 मध्ये ही घटना घडली होती. या दोन्ही गर्दुल्लांना स्थानिकांनी चोप देत पोलिसांच्या ताब्यात दिले होते.

संबंधित बातम्या :

पुण्यात माजी आमदार मेधा कुलकर्णींवर दारुड्यांचा हल्ला, हाताची बोटे फ्रॅक्चर

फटाके फोडत असताना रहिवाशांवर गर्दुल्ल्यांचा हल्ला, 6 जण जखमी

(Druggist attack minor girl with blade in Ulhasnagar Children’s Garden)