Chandrapur Flood | पूरग्रस्त कुटुंबांना 10 हजारांची तातडीची मदत, थेट खात्यात पैसे जमा होणार – विजय वडेट्टीवार

चंद्रपूर : चंद्रपूर जिल्ह्यातील पूरग्रस्तांना प्रति कुटुंब 10 हजार रुपयांची तातडीची मदत देणार (Emergency Help To Flood Affected Families) असल्याची घोषणा आपत्ती व्यवस्थापन मंत्री विजय वडेट्टीवार (Vijay Wadettiwar) यांनी केली आहे. पुढील 2 ते 3 दिवसात पूरग्रस्तांच्या खात्यात पैसे जमा केले जाणार आहेत. जिल्ह्यातील 8 ते 9 हजार कुटुंबियांना ही मदत मिळणार आहे (Emergency Help To Flood Affected Families).

त्यानंतर सर्व्हे करुन पुर्णतः उध्वस्त झालेल्या घरांना 95 हजार रुपये, घर दुरुस्तीसाठी 50 हजार आणि अंशतः पडझड झाली असेल तर 15 हजार रुपये नुकसान भरपाई म्हणून दिली जाणार आहे. पूरग्रस्तांच्या खात्यात पैसे जमा होतपर्यंत काँग्रेस कार्यकर्ते पूरग्रस्तांची भोजन व्यवस्था करणार आहेत.

दरम्यान, पूरग्रस्त शेतकऱ्यांना प्रति हेक्टर 18 हजारांची मदत दिली जाणार आहे. परवापासून नुकसान झालेल्या शेताच्या पंचनाम्यांना सुरुवात होणार आहे. धान उत्पादक शेतकऱ्यांना प्रति हेक्टर 18 हजार मदत दिली जाणार आहे. तोच निकष सोयाबीन आणि कापूस उत्पादक शेतकऱ्यांना पण लागू केला जाणार आहे.

गडचिरोलीत पुरामुळे घरांसह शेतीचे नुकसान, लवकरात लवकर मदत देण्याचे एकनाथ शिंदेंचं आश्वासनhttps://t.co/IS6lw09NJV #Gadchiroli #Flood #Maharashtra @mieknathshinde

— TV9 Marathi (@TV9Marathi) August 31, 2020

Emergency Help To Flood Affected Families

संबंधित बातम्या :

Vidarbha Flood | चंद्रपुरातील लाडज गाव महापुराच्या विळख्यात, 1200 ग्रामस्थ रात्रभर पुराच्या छायेत