नालासोपाऱ्यात थर्माकोल कंपनीला भीषण आग, अग्नीशमन दलाच्या गाड्या घटनास्थळी दाखल

पालघर : नालासोपाऱ्यात थर्माकोल कंपनीला भीषण आग लागली आहे. मुंबई-अहमदाबाद महामार्गावरील पूर्व पेल्हार फाटाजवळ कंतारीया कंपाऊंडमध्ये ही आग लागली आहे. घटनास्थळापासून अर्धा ते एक किलोमीटर अंतरावर आगीचे लोळ दिसत आहेत. त्यामुळे परिसरातील नागरिकांमध्ये भीतीचे वातावरण आहे (Fire in Nalasopara Thermocol Company).

आगीवर नियंत्रण मिळवण्यासाठी अग्नीशमन दलाच्या काही गाड्या घटनास्थळावर दाखल झाल्या आहेत. आगीवर नियंत्रण मिळवण्याचे शर्थीने प्रयत्न सुरु आहेत. अग्नशीमन दलाच्या जवानांसह वालीव पोलीस, वसई-विरार पोलीस घटनास्थळी दाखल झाले आहे (Fire in Nalasopara Thermocol Company). या आगीत कोणत्याही प्रकारची जीवितहानी झाल्याची माहिती अद्याप समोर आलेली नाही.