कत्तलीसाठी नेण्यात येणाऱ्या 27 जनावरांची सुटका, 10 लाख, 70 हजार रुपयांचा मुद्देमाल जप्त, चौघांना अटक

नवेगावबांध पोलिसांकडून अवैध जनावरांची वाहतूक करणाऱ्यांवर कारवाई

गोंदियाः जिल्ह्यातील नवेगाव पोलिसांनी एका कारवाईत कत्तलीसाठी नेण्यात येणाऱ्या तब्बल 27 जनावारांची सुटका केली आहे. या घटनेत पोलिसांनी चौघांना अटक केली आहे. सदर आरोपींकडून पोलिसांनी 10 लाख 70 हजार रूपयांच्या मुद्देमाल जप्त केला आहे.

कत्तलीसाठी नेली जात होती जनावरे

या कारवाईत पोलिसांनी दिलेल्या माहितीनुसार, नवेगाव पोलिसांना गुप्त बातमी मिळाली होती. चिचगडकडून नवेहाव बांघ, सानगडी मार्गे दहा चाकी ट्रकमध्ये अवैधरित्या कत्तलीसाठी गायी नेल्या जाणार असल्याची माहिती मिळाली होती. या माहितीच्या आधारे पोलीस कर्मचाऱ्यांनी येथील टी पॉइंट चौकात नाकाबंदी केली. दहा चाकी ट्रकची तपासणी केली असता दोरीने करकचून बांधलेली ही जनावरे आढळून आली. तसेच जनावरांनी ओरडू नये म्हणून त्यांचे दोरीने तोंड बांधले होते. एकाच गाडीत जनावरांना अतिशय निर्दयीपणे कोंबण्यात आले होते. काही जनावरे अर्धमेल्या अवस्थेतही असल्याचे आढळून आले. या सर्व 27 जनावरांची सुटका करून पोलिसांनी आरोपींना ताब्यात घेतले.

चौघांना अटक, 10 लाख 70 हजारांचा मुद्देमाल जप्त

या प्रकरणी नवेगाव पोलिसांनी चौघांना अटक केली आहे. यात प्रजेश पायकास मसीहा, प्रियेसदास प्रविणदास दास, सुपेंद्र आरविन मसीहा, मोंटू सिंग अशा चौघांना ताब्यात घेतले असून त्यांच्याकडून 10 लाख 70 हजार रुपयांचा मुद्देमालही जप्त केला आहे. तसेच अवैध जनावर वाहतूक प्रकरणी पोलिसांनी चारही आरोपींवर गुव्हा दाखल केला असून नवेगावाबांध येथील पोलीस पुढील तपास करीत आहेत.

इतर बातम्या-

कोरोनाचा पॅरोल पथ्यावर? राज्यातल्या 20 हजार कैद्यांची कायमची सुटका? काय आहे, सर्वोच्च न्यायालयातला खटला?

आधी आमचं लग्न लावून द्या..प्रियकर-प्रेयसीचं शोले स्टाइल आंदोलन, बीडमध्ये 10 तास फुल्ल ड्रामा!