अखेर पत्रीपुलाचा गर्डर बसविण्यासाठी मुहूर्त मिळाला, 21 आणि 22 नोव्हेंबरला मध्य रेल्वेवर चार तासांचा मेगाब्लॉक

ठाणे : कल्याण पूर्व आणि पश्चिमेला जोडणाऱ्या पत्रीपुलाचं गेल्या दीड वर्षांपेक्षा जास्त कालावधीपासून काम सुरु आहे. मात्र, अजूनही पत्रीपुलाचं काम पूर्ण झालेलं नाही. त्यामुळे नागरिकांना प्रचंड वाहतूक कोंडीचा सामना करावा लागत आहे. मात्र, आता कल्याणकरांसाठी आनंदाची बातमी आहे. कारण पत्रीपुलाचा गर्डर बसविण्यासाठी प्रशासनाला मुहूर्त मिळाला. येत्या 21 आणि 22 नोव्हेंबर रोजी पत्रीपुलाचा गर्डर बसविण्यात येणार असल्याची माहिती खासदार श्रीकांत शिंदे यांनी दिली आहे (Kalyan Patripul girder to be installed on November 21).

कल्याणच्या पत्रीपुलासाठी 700 मेट्रीक टनाचा गर्डर तयार करण्यात आला आहे. हा गर्डर बसविण्याच्या कामासाठी 21 आणि 22 नोव्हेंबर रोजी रेल्वे ब्लॉक घेण्यात येणार आहे, अशी माहिती शिवसेनेचे खासदार श्रीकांत शिंदे यांनी दिली आहे. याबाबत मुंबई येथील रेल्वेच्या जीएम कार्यालयात बैठक पार पडली. या बैठकीला रेल्वेचे डीआरएम उपस्थित होते (Kalyan Patripul girder to be installed on November 21).

पूलाचे गर्डर हैद्राबाद येथील कंपनीत तयार करण्यात आले असून ते कल्याणला आणले आहे. हा गर्डर बसविण्यासाठी मोठ्या क्रेनचा वापर केला जाणार आहे. त्यासाठी रेल्वेला ब्लाक घ्यावा लागणार आहे. रेल्वेच्या सुरक्षा आयु्क्तांनी गर्डर ठेवण्याच्या कामाला एनओसी दिली आहे. त्यामुळे या पूलाचा गर्डर 21 आणि 22 नोव्हेंबर रोजी बसविला जाणार आहे. त्यासाठी प्रत्येकी 4 तासाचा रेल्वे ब्लॉक घेतला जाणार आहे.

पत्रीपूल हा वाहतूकीसाठी धोकादायक झाल्याने 2018 मध्ये हा पूल पाडण्यात आला होता. हा पूल ब्रिटीश कालीन होता. कल्याण रेल्वे मार्गावर हा पूल असल्याने कल्याण शीळ मार्गाला जाणारा हा महत्त्वाचा रस्ता आहे. हा पूल मार्गी लावण्यासाठी खासदारांनी सातत्याने पाठपुरावा सुरु ठेवला आहे. या पूलाचा कामात काही तांत्रिक अडचणी येत होत्या. या अडचणी दूर करण्यासाठी खासदार शिंदे यांनी सातत्याने पाठपुरावा सुरु ठेवला आहे.

हेही वाचा : पत्रीपुलाला हेरिटेजचा दर्जा द्या, मनसे आमदार राजू पाटलांची उपरोधिक मागणी