घराच्या अंगणात खेळणाऱ्या चिमुरडीवर बिबट्याची झडप, आजीच्या हाताला झटका देऊन हल्ला

घराच्या अंगणात खेळत असलेल्या 3 वर्षीय चिमुरडीचा बिबट्याने केलेल्या हल्ल्यात मृत्यू झालाय (Leopard attack in Shrirampur). अहमदनगर जिल्हयातील श्रीरामपूर तालुक्यातील गळनिंब शिवारात ही घटना घडली.

Leopard attack in Shrirampur, घराच्या अंगणात खेळणाऱ्या चिमुरडीवर बिबट्याची झडप, आजीच्या हाताला झटका देऊन हल्ला

अहमदनगर : घराच्या अंगणात खेळत असलेल्या 3 वर्षीय चिमुरडीचा बिबट्याने केलेल्या हल्ल्यात मृत्यू झालाय (Leopard attack in Shrirampur). अहमदनगर जिल्हयातील श्रीरामपूर तालुक्यातील गळनिंब शिवारात ही घटना घडली. ज्ञानेश्वरी नामदेव मारकड असं या मुलीचं नाव आहे. ज्ञानेश्वरी घराच्या अंगणात आजीच्या कुशीत खेळत होती. त्याचवेळी बिबट्याने या चिमुरडीला आजीच्या हातातून हिसका देऊन ओढून नेलं (Leopard attack in Shrirampur). त्यामुळे नागरिकांकडून मोठी हळहळ व्यक्त होत असून परिसरात शोककळा पसरली आहे.

Leopard attack in Shrirampur, घराच्या अंगणात खेळणाऱ्या चिमुरडीवर बिबट्याची झडप, आजीच्या हाताला झटका देऊन हल्ला

सायंकाळी साडेसातच्या सुमारास ज्ञानेश्वरी आपल्या आजीसोबत घराच्या अंगणात खेळत होती. त्याचवेळी बाजूच्या उसाच्या शेतातून आलेल्या बिबट्याने आजीच्या हाताला हिसका देवून ज्ञानेश्वरीवर झडप घातली. बिबड्याने या चिमुरडीला जवळपास 100 ते 150 फुट उसाच्या शेतात ओढत नेलं. घटनेनंतर कुटुंबीयांनी आणि नागरिकांनी तात्काळ आरडा-ओरडा जीव मुठीत धरून मुलीचा शोध घेण्याचा प्रयत्न केला. त्यानंतर जखमी अवस्थेतील मुलगी सापडली. तिला प्रवरा मेडिकल ट्रस्ट, लोणी येथील अतिदक्षता विभागात भर्ती करण्यात आलं. मात्र, उपचारादरम्यानच तिचा मृत्यू झाला. या घटनेनंतर स्थानिक नागरिकांनी वनविभागाच्या निष्काळजीपणावर संताप व्यक्त केला आहे.

दरम्यान, काही महिन्यांपूर्वी गणपतीची आरती आटोपून येत असलेल्या मुलास आजीच्या हातातून बिबट्याने ओढून नेल्याचीही घटना घडली आहे. ही घटना लोक विसरलेले नसतानाच पुन्हा तशीच घटना घडल्याने नागरीकांमध्ये भीतीचं वातावरण आहे. वनविभागाने नरभक्षक बिबट्याला तात्काळ जेरबंद करावं, अशी मागणी नागरिक करत आहेत.

कमेंट करा

कमेंट करा

Your email address will not be published. Required fields are marked *