वसईत महारक्तदान शिबिराचं आयोजन, नागरिकांच्या मतदानाप्रमाणं रक्तदानासाठी रांगा

पालघर- वसईला सांस्कृतिक आणि ऐतिहासिक वारसा आहे. राज्यातील रक्ताच्या तुटवड्याच्या पार्श्वभूमीवर वसईत महारक्तदान शिबिराचे आयोजन करण्यात आले. वसईत समाधान फाउंडेशन आणि इतर सहयोगी संस्थानी आयोजित केलेल्या महारक्तदान शिबिरात वसईकरांनी मोठा सहभाग नोंदवून, आजचा रविवार रक्तदान महोत्सव म्हणून साजरा केला आहे. वसईमध्ये मंदिर,मस्जिद,चर्च, गुरुद्वारा, बौद्ध विहार मध्ये एकाच वेळी हे रक्तदान शिबीर संपन्न झाले आहे. वसईतील 50 पेक्षा जास्त सामाजिक संस्था आणि मंडळे, राजकीय पक्ष यांनी प्रत्येकाने छोटेमोठे रक्तदान शिबीर आयोजित करून निर्माण झालेला रक्ताचा तुटवडा भरून काढण्याचा प्रयत्न केला आहे. (Maha Blood Donation Camp organized at Vasai)

रक्तदानासाठी रांगा

वसई पश्चिम गुरुद्वारामध्ये तर अक्षरक्ष: लोकशाहीचा उत्सव साजरा करताना ज्या प्रमाणे मतदानाला मतदारांच्या रांगा असतात त्याप्रमाणे रक्तदात्यांनी रांगा लावून रक्तदान केले आहे. या रक्तदात्या मध्ये तृतीयपंथी, वसई विरार महापालिकेच्या अग्निशमन दलाचे जवान, व्यायाम शाळेतील तरुण, महिला, पुरुष यांनी आपला सहभाग नोंदविला होता.

वसईला ऐतिहासिक आणि सांस्कृतिक वारसा आहे. तोच वारसा जपण्यासाठी जात, धर्म, पंथ सोडून एक मानवतेचा धर्माची शिकवण देण्यासाठी आज वसईकरांनी रक्तदान महोत्सवातून आपल्या एकतेचे दर्शन घडविले आहे. कोणताही धर्म एकमेंकामध्ये वैर निर्माण करण्याचं शिकवत नाही. माणुसकीच्या भावनेतून रक्तदान शिबीर आयोजित केल्याचं वसईतील समाधान फाऊंडेशनचे अध्यक्ष फजल कुरेशी यांनी सांगितले.

बहुजन विकास आघाडीचे संघटक सचिव अजीव पाटील यांनी देखील रक्तदान शिबीर आयोजित करणाऱ्या सर्व संस्थांना धन्यवाद दिले आहेत. रक्ताचा तुटवडा जाणवू नये, म्हणून दर पंधरा दिवसांनी शिबीर आयोजित करण्याचा विचार असल्याचे त्यांनी संगितले. (Maha Blood Donation Camp organized at Vasai)

एकाच वेळी 20 ठिकाणी रक्तदान शिबीर

कोरोनाच्या पार्श्वभूमीवर राज्यात रक्ताचा प्रचंड तुटवडा निर्माण झाला आहे. मुख्यमंत्री उद्धव ठाकरे, आरोग्यमंत्री राजेश टोपेंनी सरकारच्यावतीनं मार्फत रक्तदान करण्याचे आवाहन केले होते. सरकारच्या आवाहनाला प्रतिसाद देत वसईतील समाधान फाउंडेशनने वसईत एकाच वेळी मंदिर, मस्जिद, गुरुद्वारा मध्ये महारक्तदान शिबिराचे आयोजन केलं. सकाळी साडे नऊ ते दुपारी साडेतीन पर्यंत एकाचवेळी 20 ठिकाणी रक्तदान शिबीर पार पडलं.

कलाकारांचे रक्तदानाचे आवाहन

रक्तदात्यांनी रक्तदान शिबिरात मोठ्या प्रमाणात सहभागी होऊन,रक्तदान करावे असे आवाहन वसईचे आ. हितेंद्र ठाकूर, वसई विरार महापालिका आयुक्त गंगाथरण. डी, अभिनेता भाऊ कदम, अभिनेत्री प्राजक्ता नावणारे, मीनाक्षी कोसे, अभिनेता शंतनू गगने, सायली पराडकर यांच्यासह अनेक सिनेकलावंतांनी रक्तदान करण्याचे आवाहन केले होते. (Maha Blood Donation Camp organized at Vasai)

संबंधित बातम्या:

गोपीनाथ गडावर पंकजा, प्रीतम मुंडे, भजन ते रक्तदान, काय काय घडलं?

राज्यात आठवडाभर पुरेसाच रक्तसाठा, मंत्री राजेंद्र शिंगणेंकडून रक्तदानाचे आवाहन

(Maha Blood Donation Camp organized at Vasai)