Maharashtra News Live Update : औरंगाबाद शहरातील शिवजयंतीच्या वादावर अखेर पडला पडदा

मुंबई : आज गुरुवार 17 फेब्रुवारी 2022. आज आपण राजकारणासह (Politics) सामाजिक आणि वेगवेगळ्या क्षेत्रातील महत्त्वाच्या घडामोडींचा आढावा एका क्लिकवर घेणार आहोत. काँग्रेस नेते बाळासाहेब थोरात, अशोक चव्हाण आणि नाना पटोले मुख्यमंत्री उद्धव ठाकरे यांची भेट घेणार असल्याची माहिती आहे. विधानसभा निवडणूक आणि आगामी अर्थसंकल्पीय अधिवेशनाच्या पार्श्वभूमीवर चर्चा करण्यासाठी ही भेट होणार असल्याचं कळतंय. राष्ट्रवादी काँग्रेसचे मंत्री आणि राष्ट्रीय प्रवक्ते नवाब मलिक आज सकाळी 11.30 वाजता चांदिवाल आयोगासमोर हजर होणार आहेत.  उत्तर प्रदेश (Uttar Pradesh) आणि गोवा, पंजाब, मणिपूर, उत्तराखंड राज्यांच्या विधानसभा निवडणुकांमुळं देशातील राजकीय वातावरणं तापलेलं आहे.  उत्तर प्रदेश विधानसभा निवडणूक (Uttar Pradesh Assembly Elections) एकूण 7 टप्प्यात होणार आहे. त्यापैकी दोन टप्पे पूर्ण झाले आहेत. पंजाबमध्ये 20 तारखेला मतदान होणार आहे.