Maharashtra Corona Update | राज्यात दिवसभरात 6,555 नवे कोरोना रुग्ण, बाधितांचा आकडा 2 लाख 6 हजार 619 वर

मुंबई : राज्यात आज (5 जुलै) दिवसभरात 6 हजार 555 नवे कोरोनाबाधित रुग्ण आढळले आहेत (Maharashtra Corona Update). त्यामुळे राज्यातील कोरोनाबाधितांचा आकडा 2 लाख 6 हजार 619 वर पोहोचला आहे. महाराष्ट्रात दररोज कोरोना रुग्णांची संख्या वाढत आहे. कोरोनावर मात करणा्ऱ्या रुग्णांची संख्या वाढत असली तरीहीकोरोना रुग्णांची वाढती संख्या चिंता वाढवणारी आहे (Maharashtra Corona Update).

रुग्ण बरे होण्याचं प्रमाण 54 टक्के

कोरोनाच्या पार्श्वभूमीवर सरकार, प्रशासन, डॉक्टर आणि नर्सेस प्रचंड मेहनत घेत आहेत. त्यामुळे कोरोनावर मात करणाऱ्या रुग्णांची संख्या वाढू लागली आहे. राज्यात आज दिवसभरात 3 हजार 658 रुग्णांनी कोरोनावर मात केली. त्यामुळे त्यांना रुग्णालयातून डिस्चार्ज देण्यात आला. राज्यात रुग्ण बरे होण्याचं प्रमाण 54 टक्के इतकं आहे.

TOP 9 | लोकल ते ग्लोबल, सर्व बातम्या एकत्र, पाहा टॉप 9 न्यूज, दररोज टीव्ही 9 मराठीवर!

राज्याचा कोरोना मृत्यूदर 4.27 टक्के

राज्यात आतापर्यंत 1 लाख 11 हजार 740 रुग्णांना डिस्चार्ज देण्यात आला आहे. याशिवाय राज्यात सध्या राज्यात 86 हजार 40 रुग्णांवर (ॲक्टीव्ह) उपचार सुरु आहेत. तर राज्यात कोरोमामुळे आज दिवसभरात 151 रुग्णांचा मृत्यू झाला. यामध्ये फक्त मुंबईचे 69 रुग्ण आहेत. राज्याचा कोरोना मृत्यूदर हा 4.27 टक्के एवढा आहे.

राज्यात 6 लाख 4 हजार 463 नागरिक होम क्वारंटाईनमध्ये

राज्यात आजपर्यंत पाठविण्यात आलेल्या 11 लाख 12 हजार 442 नमुन्यांपैकी 2 लाख 6619नमुने पॉझिटिव्ह (18.57 टक्के) आले आहेत. राज्यात 6 लाख 4 हजार 463 नागरिक होम क्वारंटाईनमध्ये आहेत. सध्या 46 हजार 62 नागरिक संस्थात्मक क्वारंटाईनमध्ये आहेत.

राज्यात आज 6555 कोरोना बाधीत रुग्णांची वाढ झाली व एकूण संख्या आता 206619 अशी झाली आहे. आज नवीन 3658 कोरोना बाधित रुग्ण बरे झाले आहेत. एकूण 111740 रुग्ण बरे होऊन दवाखान्यातून घरी पाठविण्यात आले आहेत. राज्यात एकूण 86040 ऍक्टिव्ह रुग्ण आहेत.#CoronaVirusUpdates #MeechMazaRakshak

— Rajesh Tope (@rajeshtope11) July 5, 2020

राज्यात कुठे किती रुग्ण?