Corona Update | राज्यात दिवसभरात 3,752 नवे कोरोना रुग्ण, बाधितांचा आकडा 1 लाख 20 हजार 504 वर

मुंबई : राज्यात आज (18 जून) दिवसभरात 3 हजार 752 नवे कोरोनाबाधित रुग्ण आढळले आहेत (Maharashtra Corona Update). त्यामुळे राज्यातील कोरोनाबाधितांची संख्या 1 लाख 20 हजार 504 वर पोहोचली आहे. राज्यात आज दिवसभरात 1 हजार 672 रुग्णांनी कोरोनावर मात केली. त्यामुळे त्यांना रुग्णालयातून डिस्चार्ज देण्यात आला. राज्यात आतापर्यंत एकूण 60 हजार 838 रुग्णांनी कोरोनावर मात केली आहे, अशी माहिती आरोग्यमंत्री राजेश टोपे यांनी दिली (Maharashtra Corona Update).

राज्यात आतापर्यंत 5 हजार 751 रुग्णांचा कोरोनामुळे मृत्यू

राज्यात सध्या 53 हजार 901 रुग्णांवर उपचार सुरु आहे. दरम्यान, राज्यात आज दिवसभरात 100 रुग्णांचा उपचारादरम्यान मृत्यू झाला. यामध्ये 66 पुरुष तर 34 महिला रुग्णांचा समावेश आहे. राज्यात आज नोंद झालेल्या 100 मृत्यूपैकी 60 वर्षे किंवा त्यावरील 45 रुग्ण आहेत, तर 46 रुग्ण हे वयवर्षे 40 ते 59 या वयोगटातील आहेत. याशिवाय 9 रुग्ण 40 वर्षांखालील आहे. राज्यात आतापर्यंत 5 हजार 751 रुग्णांचा कोरोनामुळे मृत्यू झाला.

राज्यात कोरोनाग्रस्तांचा डबलिंग रेट 26 दिवसांवर

“राज्यात रुग्ण वाढीचा वेग कमी होत असून रुग्ण दुप्पट होण्याचा (डबलिंग रेट) कालावधी वाढत आहे. सध्या हा कालावधी सुमारे 26 दिवसांवर गेला आहे. राज्याचा रुग्ण बरे होण्याचा दर 50.49 टक्के एवढा आहे”, अशी आरोग्यमंत्री राजेश टोपे यांनी दिली.

हेही वाचा : Pune Corona Update | पुणे विभागात 10 हजार रुग्ण कोरोनामुक्त, मृत्यूदर 4.51 टक्क्यांवर

राज्यात 5 लाख 81 हजार 650 लोक होम क्वारंटाईनमध्ये

राज्यात सध्या 58 शासकीय आणि 43 खाजगी अशा एकूण 101 प्रयोगशाळा करोना निदानासाठी कार्यरत आहेत. आजपर्यंत पाठविण्यात आलेल्या 7 लाख 17 हजार 683 नमुन्यांपैकी 1 लाख 20 हजार 504 नमुने पॉझिटिव्ह (16.93 टक्के) आले आहेत. राज्यात 5 लाख 81 हजार 650 लोक होम क्वारंटाईनमध्ये आहेत. राज्यात 2203 संस्थात्मक क्वारंटाईन सुविधांमध्ये 92 हजार 141 खाटा उपलब्ध असून सध्या 26 हजार 740 लोक संस्थात्मक क्वारंटाईनमध्ये आहेत.

राज्यात कुठे किती रुग्ण?