लिंगपिसाट खरातवरील सिनेमात ठाकरे गटाच्या बड्या महिला नेत्याचीही भूमिका, अभिनेत्रीचा मोठा खुलासा

नाशिकच्या भोंदू खरातच्या काळ्या कारनाम्यांनी संपूर्ण राज्याला हादरा बसला होता. खरातने अनेक महिलांचे लैंगिक शोषण केल्याचे समोर आले आहे, तसेच त्यांने भोंदूगिरी करून आणि आर्थिक गैरव्यव्हार करून अमाप संपत्ती कमावल्याचे समोर आले आहे. सध्या खरातची तपास यंत्रणांकडून चौकशी सुरू आहे. अशातच आता खरातच्या काळ्या कारनाम्यांवर आगामी काळात चित्रपट येणार आहे. महाराष्ट्र एपस्टिन फाईल्स असं या सिनेमाचं नाव असणार आहे. प्रसिद्ध मराठी चित्रपट अभिनेत्री दिपाली सय्यद या खरातवरील चित्रपटात भूमिका साकारणार आहेत. अशातच आता या सिनेमात शिवसेना ठाकरे गटाच्य़ा एका महिला नेत्याचाही सहभाग असणार आहे. याबाबत सविस्तर माहिती जाणून घेऊयात.

मी एकनाथ शिंदे यांची भेट घेणार – अंधारे

महाराष्ट्र एपस्टिन फाईल्स या चित्रपटात भूमिका साकारत असल्यामुळे दीपाली सय्यद यांना धमक्या मिळाल्या आहेत. याबाबत बोलताना त्यांनी म्हटले की, ‘मला खात्री आहे काही होणार नाही, चित्रपट येणारच. मी उद्या उपमुख्यमंत्री एकनाथ शिंदेंची भेट घेणार आहे आणि त्यांना संपूर्ण प्रकरण सांगणार आहे. चित्रपट रिलीज होण्यापूर्वी मला फोनवरून धमक्या येत आहेत. त्यामुळे मी पोलिसात तक्रार दाखल करणार आहे.’

महाराष्ट्र एपस्टिन फाईल्समध्ये सुषमा अंधारे दिसणार

शिवसेना ठाकरे गटाच्या नेत्या सुषमा अंधारे यांनी महाराष्ट्र एपस्टिन फाईल्स या चित्रपटात भाजप नेते किरीट सोमय्या यांनी चांगली भूमिका निभावली असती असं विधान केलं आहे. याबाबत विचारले असता सय्यद म्हणाल्या की, ‘सुषमा अंधारे यांनी अशा पद्धतीने वक्तव्य करायला नको होते. सुषमा अंधारे या एक महिला असताना त्यांनी अशी चेष्टा करू नये, कारण त्यांचा देखील चित्रपटात रोल आहे. लवकरच चित्रपटाच्या शुटींगला सुरवात होणार आहे. तुम्ही थियेटरमध्ये चित्रपट बघा.

महाराष्ट्र एपस्टिन फाईल्स या सिनेमाचं दिग्दर्शन स्वरुप सावंत करणार आहेत. भोंदू खरातच्या आयुष्यावर आधारित या सिनेमात अनेक कलाकार झळकणार आहेत. अशोक खरातच्या भूमिकेसाठी बॉलीवूडमधील प्रसिद्ध अभिनेता इम्रान हाश्मीच्या नावाचा विचार होत असल्याची माहिती समोर आली आहे. तसेच हा चित्रपट 2 ऑक्टोबरला महाराष्ट्राच्या भेटीला येणार आहे.