Maharashtra News LIVE : गोकुळ दूध संघाच्या मतदानाला सुरुवात

परभणीच्या गंगाखेड मध्ये सरकारी नालीवरून रासपा आमदार रत्नाकर गुटे आणि राष्ट्रवादीचे माजी आमदार मधुसूदन केंद्रे यांच्यात वाद झाला.  माजी आमदार मधुसूदन केंद्रे यांचा मुलगा मिथिलेश केंद्रे यांनी पिस्तूल रोखल्याच्या तक्रारीवरून चौघांविरोधात गंगाखेड पोलीस ठाण्यात गुन्हा दाखल करण्यात आला आहे.  तर आमदार रत्नाकर गुट्टे यांच्यासह चार साथीदारांनी डोक्याला पिस्तूल लावत जीवे मारण्याची धमकी दिल्याची माजी आमदार मधुसूदन केंद्रे यांनी पोलिसात तक्रार दिली.  मात्र अद्याप गुन्हा दाखल झाला नाही. गुन्हा दाखल करण्याच्या मागणीसाठी माजी मधुसूदन केंद्रे यांचा समर्थकांसह गंगाखेड पोलीस स्टेशन बाहेर ठिय्या दिला.

जालना जिल्ह्यात यावर्षी निर्माण झालेल्या दुष्काळी परिस्थितीमुळे जवळपास 6 लाख 37 हजार हेक्टर वरील पिके उध्वस्त झाली असल्याची बाब समोर आली आहे. सध्या प्रशासनाकडून सुरू असलेल्या पंचनामाच्या अहवालातून विभाग समोर आली आहे. बदनापूर आणि भोकरदन तालुक्यात पंचनामे पूर्ण झाले आहेत. तर उर्वरित तालुक्यांमधील पंचनामे चा अहवाल देखील येत्या दोन दिवसात सादर होणार आहे.

पुणे जिल्ह्यातील राक्षेवाडी येथे झालेल्या घरफोडी प्रकरणात खेड पोलिसांना मोठे यश मिळाले आहे. या प्रकरणात आरोपी साहील भांबुरे आणि एका विधी संघर्षग्रस्त बालकाचा पोलिसांनी अटक केली आहे.  पोलिसांनी तपास करत 4 लाख 95 हजार 650 रुपये किमतीचे सोन्या-चांदीचे दागिने हस्तगत करण्यात आले आहे.  खेड पोलीस ठाण्याच्या गुन्हे शोध पथकाने ही यशस्वी कारवाई केली आहे. वरिष्ठ पोलीस अधिकाऱ्यांच्या मार्गदर्शनाखाली ही कामगिरी पार पडली आहे.

गोकुळ दूध संघाच्या मतदानाला सुरुवात झाली आहे.  सुरवातीच्या टप्प्यात उमेदवारांकडूनच मतदान उरकून घेण्यावर भर देण्यात येत आहे.  सतेज पाटील यांच्या समविचार आघाडीचे उमेदवार शशिकांत पाटील चूयेकर यांनी मतदानाचा हक्क बजावलाय.  महायुती आणि सतेज पाटील यांच्या नेतृत्वाखालील समविचारी आघाडी कडूनही आपापल्या ठराव धारकांना एकत्रितच मतदान केंद्रावर आणलं जाणार आहे.

नवरात्री उत्सव मोठ्या उत्साहात साजरा होताना पाहावयास मिळत आहे. दसरा सण देखील दोन दिवसांवर येऊन ठेपलेलाय. सणासुदीच्या काळात पुण्यातील मार्केट यार्ड मध्ये मोठ्या प्रमाणात शेतकरी हा शेतातील फुले घेऊन आलेला आहे. तर पुण्यातील नागरिक देखील खरेदीसाठी मोठ्या प्रमाणात मार्केटमध्ये गर्दी केलेली आहे. सणासुदीच्या काळातही फुलांना जेमतेमच भाव मिळत आहे.

मुंबईत पुन्हा वायू प्रदूषणाचा प्रश्न ऐरणीवर आला आहे. मागील काही दिवसांत शहरातील हवेची गुणवत्ता ढासळली आहे. ऑक्टोबर हिटसोबत प्रदूषण कमालीचं वाढलं आहे. शहारातील एक्युआय २२१ वर पोहोचला आहे. दादार , प्रभादेवी, वरळी , कुलाबा या भागात सगळ्यात जास्त प्रदूषण आहे.