Maharashtra vidhan parishad : एकनाथ शिंदेंची दिल्लीत जाऊन फिल्डिंग, उमेदवारी मिळाल्यावर मंगेश चिवटेंची पहिली प्रतिक्रिया, म्हणाले…
विधानपरिषद आणि राज्यातील दुष्काळाच्या पार्श्वभूमीवर एकनाथ शिंदे यांनी दिल्लीत दौरा केला. तर शिंदे महाराष्ट्रात पोहोचल्याननंतर मंगेश चिवटे यांना पुणे शिक्षक मतदारसंघासाठी उमेदवारीची घोषणा केली.
महाराष्ट्रात 5 जागांवर विधानपरिषदेच्या निवडणुका होणार आहेत. या पाचही जागांच्या निवडणुकीसाठी महायुती आणि महाविकास आघाडीची धावाधाव सुरू झाली आहे. विधानपरिषदेच्या निवडणुकीमुळे काही पक्षात बंडखोरी पाहायला मिळत आहे. तर काही पक्षात नाराजीनाट्य देखील दिसून येत आहे. काही जागांवर महायुतीतही बंडखोरी झाल्याचे समोर आलं आहे. नागपुरात भाजप नेते अनिल सोले यांनी बंडखोरी केली. तर पुणे शिक्षक मतदारसंघात भाजप-शिंदे गट आमनेसामने उभे ठाकले आहेत. भाजपकडून कौस्तुभ गावडे मैदानात उतरले आहेत. तर शिंदे गटाने मंगेश चिवटे यांना उमेदवारी देऊ केली आहे. शिंदे गटाकडून उमेदवारी मिळाल्यानंतर मंगेश चिवटे यांनी जिंकण्याचा विश्वास व्यक्त केला.
उपमुख्यमंत्री एकनाथ शिंदे हे काल दिल्ली दौऱ्यावर होते. या दौऱ्यादरम्यान त्यांनी पंतप्रधान नरेंद्र मोदींची भेट घेतली. या भेटीत विधानपरिषदेची चर्चा झाल्याचे बोलले जात आहे. त्यानंतर महाराष्ट्रात परतल्यानंतर मंगेश चिवटे यांना विधानपरिषदेसाठी एबी फॉर्म पाठवला. त्यानंतर पुणे शिक्षक विधान परिषदमधून मंगेश चिवटे यांना शिवसेनेने एबी फॉर्म घेतला. यावेळी एबी फॉर्म मिळाल्यानंतर चिवटेंनी उपमुख्यमंत्री एकनाथ शिंदे आणि खासदार श्रीकांत शिंदे यांचे आभार मानले. त्यानंतर चिवटे आज सकाळी 10 वाजता पुणे शिक्षक मतदारसंघासाठी उमेदवारी अर्ज दाखल करणार आहे. मंत्री भरत गोगावले,खासदार श्रीरंग आप्पा बारणे आणि मोठ्या प्रमाणात शिवसेनेचे पदाधिकारी शक्ती प्रदर्शन उमेदवारी अर्ज दाखल करणार आहे. टीव्ही9 शी संवाद साधत असतानाच मंगेश चिवटे यांना शिवसेनेच्या पदाधिकाऱ्यांनी ए बी फॉर्म दिला.
शिंदे काय म्हणाले?
मंगेश चिवटे यांच्या हातात एबी फॉर्म देऊन त्यांना खांद्यावर घेऊन शिवसैनिकांनी केला आनंद साजरा. यावेळी चिवटे यांनी पुणे शिक्षक मतदारसंघातून आजपर्यंत केलेल्या कामामुळे मी शंभर टक्के खात्रीने निवडून येईल, असा विश्वास व्यक्त केला. मंगेश चिवटे यांच्या उमेदवारीवर उपमुख्यमंत्री एकनाथ शिंदे म्हणाले, ‘विधान परिषदेच्या निवडणुकीसाठी अर्ज भरण्याची प्रक्रिया सुरू असून अद्याप अर्ज मागे घेण्याला वेळ आहे. या काळात महायुतीमधील नेत्यांमध्ये चर्चा होईल. चर्चेनंतर निर्णय होईल. मंगेश चिवटे हे पुणे शिक्षक मतदारसंघाची जागा लढणार असून त्यांना पक्षाकडून एबी फॉर्म दिलाय. आता अर्ज भरण्याचा मंगळवारी शेवटचा दिवस आहे. त्यानंतर अर्ज मागे घेण्याची प्रकिया सुरू होईल. याकाळा बरंच काही होईल’, असं एकनाथ शिंदे म्हणाले.
