Manoj Jarange Patil: मनोज जरांगे पाटील यांची प्रकृती खालावली, डॉक्टरांकडून महत्त्वाची अपडेट!
Manoj Jarange Patil Health: मराठा आंदोलक मनोज जरांगे पाटील हे गेल्या काही दिवसांपासून मराठा आरक्षणासाठी लढा देत आहेत. त्यांच्या या उपोषणाचा आज 19वा दिवस आहे. पण आता मनोज जरांगे पाटील यांची प्रकृती खालावला असल्याचे समोर आले आहे.
मराठा आंदोलक मनोज जरांगे पाटील हे गेल्या काही दिवसांपासून मराठा आरक्षणासाठी लढा देत आहेत. त्यांच्या या उपोषणाचा आज 19वा दिवस आहे. पण आता मनोज जरांगे पाटील यांची प्रकृती खालावला असल्याचे समोर आले आहे. आता जिल्हा शल्यचिकित्सक डॉ. सतिश सोळुंके यांनी अपडेट दिली आहे.
मनोज जरांगे पाटील यांनी 15 सप्टेंबर रोजी मुंबईकडे प्रस्तान केलं आहे. परंतु उपोषणामुळे वाटेतच त्यांची प्रकृती प्रचंड खालावली आहे. वैद्यकीय पथकाकडून त्यांच्या प्रकृतीची तपासणी करण्यात आली असून, त्यांना अॅडमिट होण्याचा सल्ला डॉक्टरांनी दिला आहे.
काय म्हणाले डॉक्टर?
बीडचे डॉ. सतिश सोळुंके यांनी सांगितले की, मनोज जरांगे पाटील यांच्या आरोग्याची तपासणी केली. त्यांना रुग्णालयात अँडमिट करण्याचा सल्ला दिला. सलाईन घेऊन प्रवास करता येणार नाही. बऱ्यापैकी डिहायड्रेशनचा त्रास आहे. डिहायड्रेशन कंट्रोल करणार आहे.
उपोषणाचा 19वा दिवस
मनोज जरांगे पाटील यांच्या उपोषणाचा 19 वा दिवस आहे. सलग 19 दिवसांपासून त्यांचं मराठा आरक्षणाच्या मुद्द्यावर उपोषण सुरू आहे. यापूर्वी ते सलाइन घेत होते. मात्र, मुंबईकडे रवाना होण्यापूर्वी त्यांनी सर्व काही बंद केले. आता त्यांची प्रकृती खालावली आहे. त्यांनी मुंबईत उपोषणाची घोषणा केली होती. त्यानुसार मनोज जरांगे पाटील यांनी 15 सप्टेंबर रोजी अंतरवाली सराटीमधून मुंबईकडे प्रस्थान केलं आहे. आज त्यांचा मुक्काम हा अहिल्यानगरमधील श्रीगोंदा येथे असणार आहे.
