Anjali Damania: ‘किती किती खोटं बोलता हो’,अंजली दमानियांचा प्रतिभा चाकणकरांवर हल्लाबोल, अशोक खरातसोबतची कॉल कुंडलीच बाहेर काढली
Anjali Damani on Pratibha Chakankar: रुपाली चाकणकर यांच्या भगिनी प्रतिभा चाकणकर यांची शिर्डी पोलिसांनी ८ तास चौकशी करण्यात आली. समता पतसंस्थेतील त्यांच्या खात्यातून २ कोटी ४० लाखांचा व्यवहार झाल्याप्रकरणात चौकशी करण्यात आली. प्रतिभा चाकणकरांनी ही बनावट खाती आणि बनावट स्वाक्षरी असल्याचे सांगत सर्व दावे फेटाळले आहेत. त्याचा आता अंजली दमानिया यांनी समाचार घेतला आहे.
Pratibha Chakankar-Ashok Kharat SIT: राष्ट्रवादी पक्षाच्या नेत्या रुपाली चाकणकर यांच्या भगिनी प्रतिभा चाकणकर यांची काल शिर्डी पोलिसांनी ८ तास कसून चौकशी केली. अशोक खरात याच्याशी त्यांचे आर्थिक व्यवहार झाल्याचा संशय आल्यानंतर त्यांना चौकशीसाठी पाचरण करण्यात आले. समता पतसंस्थेत प्रतिभा चाकणकर आणि कुटुंबियांच्या नावे ४ खाती आहेत. खात्यातून २ कोटी ४० लाखांचा व्यवहार झाल्याप्रकरणात चौकशी करण्यात आली. प्रतिभा चाकणकरांनी ही बनावट खाती आणि बनावट स्वाक्षरी असल्याचे सांगत सर्व दावे फेटाळले आहेत. अंजली दमानिया यांनी त्यांच्या सर्व दाव्यांचा चांगलाच समाचार घेतला आहे. त्यांनी एक ट्विट करून अशोक खरात आणि प्रतिभा चाकणकर यांच्यातील संवादाची कॉल कुंडलीच बाहेर काढली आहे.
प्रतिभा चाकणकर किती किती खोट्या बोलल्या
प्रतिभा चाकणकर यांनी चौकशीनंतर त्यांची बाजू माध्यमांसमोर मांडली. ही सर्व खाती बनावट आहेत. आपली स्वाक्षरी ही बनावट असल्याचे सांगत त्यांनी खरातशी आर्थिक व्यवहार झाले नसल्याचा दावा केला. तसेच सर्व आरोप फेटाळले. याप्रकरणी अंजली दमानिया यांनी ट्विट करून प्रतिभा चाकणकरांवर हल्लाबोल केला.
प्रतिभा चाकणकर आज किती किती खोटं बोलल्या. “खाते बनावट आहे, सह्या खोट्या आहेत” असे बोलून हात झटकले? KYC केलेले अकाउंट खोटे असूच शकत नाहीत. त्यांचे कॉल रेकॉर्ड पहा म्हणजे कळेल. ते खालील प्रमाणे आहेत, असे ट्विट करत दमानिया यांनी कॉल कुंडलीच बाहेर काढली.
प्रतिभा चाकणकर आज किती किती खोटं बोलल्या.
“खाते बनावट आहे, सह्या खोट्या आहेत”असे बोलून हात झटकले?KYC केलेले अकाउंट खोटे असूच शकत नाहीत.
त्यांचे कॉल रेकॉर्ड पहा म्हणजे कळेल… ते खालील प्रमाणे आहेत.
१ एप्रिल २०२५ ते १७ मार्च २०२६ या कालावधीत
प्रतिभा चाकणकर
२३६ कॉल रेकॉर्ड… pic.twitter.com/WBQj1F1KJs
— Mrs Anjali Damania (@anjali_damania) April 13, 2026
कॉल कुंडलीच बाहेर काढली
१ एप्रिल २०२५ ते १७ मार्च २०२६ या कालावधीत प्रतिभा चाकणकर आणि भोंदू अशोक खरात यांच्यात किती कॉल झाले आहेत, याची कुंडलीच अंजली दमानिया यांनी समोर आणली.
प्रतिभा चाकणकर आणि अशोक खरात यांच्यातील संपर्क
२३६ कॉल रेकॉर्डमधील १७ कॉल सगळे कॉल खरातांनी प्रतिभाजींना केले.
२१८ मेसेज सगळे प्रतिभाजींनी खारातांना केले.
मला मुलांबद्दल बोलायला आवडत नाही, पण आज तन्मय चाकणकर तिथे गेला होता म्हणून सांगते.
तन्मय चाकणकर कॉल रेकॉर्ड ३७
११ कॉल तन्मय ने खारातांना केले
२० कॉल खरातांनी तन्मयला केले
८ SMS तन्मय ने खरातांना केले
१ SMS खरातांनी तन्मय ला केला
मग बनावट आणि खोटं कसे असू शकेल
२१९ मेसेज कसले होते ?
त्या त्यांच्या वकील बाई महाराष्ट्र राज्य बाल हक्क संरक्षण आयोगाच्या सदस्या आहेत. हे “पूर्णवेळ” पद आहे. आयोगाचे सदस्य हे शासनाने नियुक्त केलेले पूर्णवेळ सरकारी पद मानले जाते. त्यामुळे त्यांना खाजगी वकिली करण्यास प्रतिबंध आहेत. बहुदा राष्ट्रवादी पक्षाने त्यांना पाठवले असे, असा टोलाही अंजली दमानिया यांनी लगावला.
