वडिलांच्या हत्येनंतर झिशान सिद्दिकी पहिल्यांदाच कॅमेऱ्यासमोर; पोस्ट मार्टमबाबतचे अपडेट्स काय?

माजी मंत्री, राष्ट्रवादी अजित पवार गटाचे, नेते बाबा सिद्दीकी यांची गोळ्या झाडून हत्या करण्यात आली आहे. मुंबईतील वांद्रे भागातील निर्मल नगरमध्ये बाबा सिद्दिकी यांच्यावर गोळ्या झाडण्यात आल्या. शनिवारी रात्री 9.15 ते 9.20 च्या सुमारास बाबा सिद्दीकी यांच्यावर हल्ला झाला. या हल्ल्यात बाबा सिद्दिकी यांचा मृत्यू झाला आहे. आता बाबा सिद्दिकी यांच्या मृतदेहाचं शवविच्छेदन केलं जाणार आहे. यासाठी अंधेरी भागातील कूपर रूग्णालयात बाबा सिद्दिकी यांचा मृतदेह शवविच्छेदनासाठी नेण्यात आला आहे. यावेळी बाबा सिद्दिकी यांचे पुत्र झिशान सिद्दिकी अॅम्ब्युलन्समध्ये होते. वडिलांच्या हत्येनंतर झिशान सिद्दिकी यांना पहिल्यांदाच कॅमेरासमोर आले.

पोस्ट मार्टमबाबतचे अपडेट्स काय?

बाबा सिद्दिकी यांची काल हत्या झाल्यानंतर आता त्यांचं पोस्ट मार्टम केलं जाणार आहे. पहाटे साडे पाच वाजता बाबा सिद्दिकी यांचा मृतदेह शवविच्छेदनासाठी अंधेरीतील कूपर रूग्णालयात आणला गेला. यावेळी त्यांचे पुत्र झिशान सिद्दिकीदेखील अँब्युलन्समध्ये होते. काहीच वेळातबाबा सिद्दिकी यांचं शवविच्छेदन केलं जाणार आहे. शवविच्छेदनावेळी व्हीडिओग्राफीदेखील केली जाणार आहे.

सिद्दिकी कुटुंबियांच्या सुरक्षेत वाढ

बाबा सिद्दिकी यांच्या हत्येनंतर त्यांच्या घराबाहेर सुरक्षा वाढवण्यात आली आहे. सिद्दीकी कुटुंबियांच्या सुरक्षेत वाढ केली गेली आहे. बाबा सिद्दीकी यांच्या हत्येनंतर त्यांच्या घराबाहेर कडेकोट पोलीस बंदोबस्त ठेवण्यात आला आहे. मुंबई पोलिसांचे आर.सी.पी दलही तैनात करण्यात आलं आहे. बाबा सिद्दीकी यांच्या घराबाहेर पोलिसांनी बॅरिगेट्स लावण्यात आले आहेत. कोणालाही आत प्रवेश दिला जात नाही.

बाबा सिद्दीकी यांच्या हत्येचा तपास मुंबई गुन्हे शाखेचे पथक करत आहे. दया नायक हे गुन्हे शाखा युनिट 9 चे प्रभारी आहेत. सध्या पोलिसांनी काल रात्री दोन आरोपींना अटक केली आहे. एक आरोपी अद्याप फरार आहे. पोलीस आणि गुन्हे शाखेचे पथक फरार आरोपीचा शोध घेत आहेत. या प्रकरणातील दोन आरोपींची कसून चौकशी केली जात आहे. या आरोपींना थोड्याच वेळात कोर्टात दाखल केलं जाणार आहे.