“नामांतरावरून आंदोलन करणारे हे टिनपाट”; मनसे नेत्याची एमआयएमवर सडकून टीका

मुंबईः महाराष्ट्र नवनिर्माण सेनेच्या वर्धापन दिनानिमित्त मनसेचे नेते बाळ नांदगावकर यांनी मनसेचा राजकीय प्रवास सांगतानाच त्यांनी औरंगाबादच्या नामांतरावरून एमआयएम पक्षासह खासदार इम्तियाज जलील यांच्यावर जोरदार निशाणा साधला. औरंगाबाद शहराचे नामाकरण झाल्यानंतर त्याला एमआयएम पक्षाचे खासदार इम्तियाज जलील यांनी छत्रपती संभाजीनगर या नावाला विरोध दर्शवत त्या ठिकाणी आंदोलन केले आहे. त्यावरून त्यांच्यावर महाराष्ट्र नवनिर्माण सेनेने त्यांच्यावर जोरदार हल्लाबोल केला आहे.

एमआयएम पक्षाचे खासदार इम्तियाज जलील यांनी छत्रपती संभाजीनगर या नावाला विरोध दर्शवल्यानंतर राज्यातील राजकारण ढवळून निघाले आहे. त्यामुळे त्यांच्यावर जोरदार हल्लाबोल करत त्यांच्यावर कारवाई करण्याची मागणीही करण्यात आली आहे.

यावेळी बाळा नांदगावकर यांनी त्यांच्यावर टीका करताना इम्तियाज जलील टिनपाट म्हणून त्यांच्यावर सडकून टीका करण्यात आली आहे. तर त्याच बरोबर एमआयएम पक्षाचे प्रमुखांवर जोरदार टीका करण्यात आली आहे.

काल परवा संभाजीनगरमध्ये टिनपाट म्हणत इम्तियाज जलील यांच्यावर टीका करत हे टिनपाट आता छत्रपती संभाजी महाराजांच्या नावाला विरोध करत आहेत.

मात्र त्यांना हे सांगायला पाहिजे की, तुमच्या त्या औरंगजेबाला या काळ्या आणि तांबड्या मातीत गाडलं आहे अशा शब्दात त्यांनी त्यांच्यावर निशाणा साधला आहे.

जे कोणी छत्रपती संभाजीनगर नावावरून कोण बाळासाहेब ठाकरे अस प्रश्न विचारत आहेत. त्यांनी त्यांच्या बापाला विचारावे बाळासाहेब ठाकरे कोण आहेत ते सांगतील अशा शब्दात त्यांनी त्यांचाय समाचार घेतला आहे.

छत्रपती संभाजीनगर असं नामाकरण केल्यानंतर काही जण कोण बाळासाहेब असा सवाल उपस्थित करत आहेत. मात्र आमच्या छत्रपती शिवाजी महाराज आणि बाळासाहेब ठाकरे यांचं नाव घेणारे मात्र मतांच्या लाचारीसाठी ब्रही ते उच्चारत नाहीत अशा शब्दात त्यांनी ठाकरे गटाचा समाचार घेतला आहे.