मुंबईतील भाजप नगरसेवकाचे फेसबुक अकाऊंट हॅक, ऑनलाईन पैसे पाठवण्याची मित्रांकडे मागणी
कमलेश यादव हे मुंबईतील कांदिवली प्रभागातून नगरसेवक आहेत. आपले फेसबुक अकाऊंट हॅक झाल्याची तक्रार त्यांनी पोलिसात केली आहे.
मुंबई : भाजप नगरसेवक कमलेश यादव यांचे फेसबुक अकाऊंट हॅक झाल्याचे समोर आले आहे. ऑनलाईन पैसे पाठवण्यासाठी आपल्या नावे फेसबुक मित्रांकडे मेसेंजरवरुन मदत मागितली जात आहे, असा दावा कमलेश यादव यांनी पोलीस तक्रारीत केला आहे. (BJP corporator Facebook account allegedly hacked accuse demands to transfer money onilne to Friends)
कमलेश यादव हे मुंबईतील कांदिवली प्रभागातून नगरसेवक आहेत. आपले फेसबुक अकाऊंट हॅक झाल्याची तक्रार त्यांनी पोलिसात केली आहे.
“मित्राला पाठवण्यासाठी आपल्याला पैशांची मोठी गरज आहे. गुगल पे, फोन पे किंवा पेटीएम या माध्यमातून ऑनलाईन पैसे ट्रान्स्फर करा, अर्जंट आहे” असे मेसेज यादव यांच्या अकाऊंटवरुन हॅकर पाठवत असल्याचा आरोप आहे. कमलेश यादव यांनी पोलिसांना केलेल्या तक्रारीत स्क्रीनशॉटही जोडले आहेत.
Mahafast 100 | बुलेटच्या वेगाने 100 बातम्या, ‘महाफास्ट’ रोज रात्री 7.56 वा. टीव्ही 9 मराठीवर
कमलेश यादव यांना मित्रांकडून या प्रकारची माहिती मिळाली. त्यानंतर त्यांनी पोलिसात धाव घेऊन तक्रार केली. “माझे फेसबुक अकाऊंट हॅक झाले आहे. माझ्या नावे कोणी पैसे मागितले तर देऊ नका” असे आवाहन त्यांनी आपल्या फेसबुक फ्रेंड्सना केले आहे.
VIDEO : टॉप 9 न्यूज | 23 July 2020 https://t.co/9k7dg3931R
— TV9 Marathi (@TV9Marathi) July 23, 2020
(BJP corporator Facebook account allegedly hacked accuse demands to transfer money onilne to Friends)
