छटपूजा साजरी करण्यासाठी भाजप आग्रही; मुंबईत शिवसेना-भाजपचा ‘सामना’ रंगणार

राज्य सरकारने मंदिरे उशीरा उघडली आणि आता छटपूजेलाही परवानगी नाकारली आहे. | Atul Bhatkhalkar

छटपूजा साजरी करण्यासाठी भाजप आग्रही; मुंबईत शिवसेना-भाजपचा 'सामना' रंगणार
Follow us
| Updated on: Nov 18, 2020 | 11:15 AM

मुंबई: राज्य सरकारने कोरोनाच्या पार्श्वभूमीवर मुंबईत सार्वजनिक ठिकाणी छटपूजेच्या उत्सवाला (Chhath Puja) परवानगी नाकारल्यानंतर आता भाजप पक्ष आक्रमक झाला आहे. दिवाळीपूर्वीच मी मुख्यमंत्री उद्धव ठाकरे यांना छटपूजा साजरी करण्यासाठी परवानगी मागितली होती. मात्र, तरीही सरकारने ही परवानगी नाकारली. आम्ही शिवसेना आणि मुंबई महानगरपालिकेचा निषेध करतो, असे भाजप नेते अतुल भातखळकर यांनी सांगितले. (Atul Bhatkhalkar slams Shivsena over denies permission for Chhath Puja)

ते बुधवारी मुंबईत प्रसारमध्यमांशी बोलत होते. यावेळी त्यांनी छटपूजेच्या मुद्द्यावरून भाजप आगामी काळात आक्रमक भूमिका घेणार असल्याचे संकेत दिले. राज्य सरकारने मंदिरे उशीरा उघडली आणि आता छटपूजेलाही परवानगी नाकारली आहे. हे सरकार हिंदूविरोधी आहे, आम्ही त्याचा निषेध करतो, असे अतुल भातखळकर यांनी म्हटले.

अतुल भातखळकर यांच्या या आक्रमक भूमिकेमुळे मुंबईत छटपूजेवरून भाजप विरुद्ध शिवसेना असा सामना रंगण्याची शक्यता आहे. मुंबईतील उत्तर भारतीय मतदारांचा टक्का पाहता छटपूजेवरून कायम राजकारण रंगते. आगामी मुंबई महानगरपालिकेच्या निवडणुकीत उत्तर भारतीय मतदारांची भूमिका महत्त्वाची ठरू शकते. त्यामुळे भाजपकडून छटपूजेचा मुद्दा उचलण्यात आल्याचा अंदाज व्यक्त करण्यात येत आहे.

येत्या शुक्रवारी व शनिवारी म्हणजेच दिनांक 20 व 21 नोव्हेंबर रोजी मुंबईत समुद्र किंवा नदी किनारी छटपूजा आणि या उत्सवाशी संबंधित कार्यक्रम करण्यास बंदी घातली आहे. पालिकेने त्याबाबतची नियमावली मंगळवारी जाहीर केली होती.

त्यानुसार छटपूजा विषयक सार्वजनिक कार्यक्रमांचे समुद्रकिनारी किंवा नदीकिनारी करण्यात येणाऱ्या आयोजनांवर बंधी घालण्यात आली आहे. समुद्रकिनारी छटपूजेस होणारी गर्दी लक्षात घेता ‘कोविड – 19’ मार्गदर्शक तत्त्वांचे विशेषत: सामाजिक अंतर राखणे शक्य होणार नाही. त्यामुळे सामूहिक छटपूजेची परवानगी देता येणार नाही, असे मुंबई महानगरपालिकेने स्पष्ट केले होते.

संबंधित बातम्या:

मुंबईत समुद्र आणि नदीकिनारी छटपूजा करण्यास बंदी; महापालिकेने जारी केली नियमावली

‘राज ठाकरे मुख्यमंत्र्यांकडे न जाता राज्यपालांना भेटायला का गेले हे संजय राऊतांना आता कळाले असेल’

मुंबईचा गड जिंकण्यासाठी भाजपची मोर्चेबांधणी; फडणवीस- चंद्रकांतदादांच्या उपस्थितीत कार्यकारिणीची महत्त्वाची बैठक

(Atul Bhatkhalkar slams Shivsena over denies permission for Chhath Puja)

Non Stop LIVE Update
तर भाजपात पहिली उडी मारणारे सुनील तटकरे असतील रोहित पवार यांची टीका
तर भाजपात पहिली उडी मारणारे सुनील तटकरे असतील रोहित पवार यांची टीका.
शिवसेनेची पहिली यादी जाहीर, सात विद्यमान खासदारांना पुन्हा संधी
शिवसेनेची पहिली यादी जाहीर, सात विद्यमान खासदारांना पुन्हा संधी.
एका जागेसाठी कॉंग्रेसला देशाचे पंतप्रधान पद घालवायचं का ? - संजय राऊत
एका जागेसाठी कॉंग्रेसला देशाचे पंतप्रधान पद घालवायचं का ? - संजय राऊत.
आनंद दिघेंचा शिष्य यंदा मारणार हॅट्रीक, केदार दिघे यांचा विश्वास
आनंद दिघेंचा शिष्य यंदा मारणार हॅट्रीक, केदार दिघे यांचा विश्वास.
ओवेसी आणि इम्तियाझ यांनी चष्म्याचे नंबर बदलावे -केंद्रीय मंत्री भागवत
ओवेसी आणि इम्तियाझ यांनी चष्म्याचे नंबर बदलावे -केंद्रीय मंत्री भागवत.
लवकरच बरा होऊन... दिलीप वळसे पाटील यांचं दुखापतीनंतर पहिलं टि्वट काय?
लवकरच बरा होऊन... दिलीप वळसे पाटील यांचं दुखापतीनंतर पहिलं टि्वट काय?.
शिवसेनेत पक्ष प्रवेश करताच गोविंदाला हवी 'ही' जबाबदारी, शिंदे देणार?
शिवसेनेत पक्ष प्रवेश करताच गोविंदाला हवी 'ही' जबाबदारी, शिंदे देणार?.
जलील बोलका पोपट आणि चंद्रकांत खैरे नाकारलेला उमेदवार, कुणी केली टीका?
जलील बोलका पोपट आणि चंद्रकांत खैरे नाकारलेला उमेदवार, कुणी केली टीका?.
गोविंदाचा शिंदेंच्या शिवसेनेत प्रवेश, मुख्यमंत्र्यांच्या उपस्थित घोषणा
गोविंदाचा शिंदेंच्या शिवसेनेत प्रवेश, मुख्यमंत्र्यांच्या उपस्थित घोषणा.
बॉलिवूड कलाकार राजकारणात, सेनेकडून हे स्टार प्रचारक लोकसभेच्या रिंगणात
बॉलिवूड कलाकार राजकारणात, सेनेकडून हे स्टार प्रचारक लोकसभेच्या रिंगणात.