मुंबईत शनिवारी फक्त महिलांसाठी लस, विशेष लसीकरण सत्र राबवले जाणार
बृहन्मुंबई महानगरपालिकेच्या वतीने उद्या शनिवार, दिनांक 9 ऑक्टोबर रोजी सकाळी 10.30 ते सायंकाळी 6.30 या वेळेत फक्त महिलांचे लसीकरण केले जाणार आहे. त्यासाठी मुंबईतील सर्व शासकीय आणि महानगरपालिका कोविड-19 लसीकरण केंद्रांवर फक्त महिलांसाठी राखीव असे विशेष लसीकरण सत्र राबवले जाणार आहे.
मुंबई : कोरोनाला थोपवायचे असेल तर लसीकरणाची मोहीम युद्ध पातळीवर राबवणे गरजेचे आहे. याच कारणामुळे लसीकरणाचा वेग वाढवण्यासाठी मुंबई महानगरपालिका वेगवगेळ्या मोहिमा राबवत आहे. कोविड-19 प्रतिबंधक लसीकरण मोहिमेतंर्गत बृहन्मुंबई महानगरपालिकेच्या वतीने उद्या (दिनांक 9 ऑक्टोबर) सकाळी 10.30 ते सायंकाळी 6.30 या वेळेत फक्त महिलांचे लसीकरण केले जाणार आहे. त्यासाठी मुंबईतील सर्व शासकीय आणि महानगरपालिका कोविड-19 लसीकरण केंद्रांवर फक्त महिलांसाठी राखीव असे विशेष लसीकरण सत्र राबवले जाणार आहे.
ऑनालाईन पूर्वनोंदणी बंद, शनिवारी फक्त महिलांना लस
मुंबईतील सर्व 227 प्रभागांमधील लसीकरण केंद्र आणि त्यासोबत सर्व शासकीय व महानगरपालिका रुग्णालये तसेच कोविड सेंटर येथील लसीकरण केंद्रावर थेट येऊन (वॉक इन) महिलांना कोविड लस घेता येणार आहे. ह्यात कोविड लसीची पहिली किंवा दुसरी मात्रादेखील घेता येणार आहे. फक्त महिलांसाठी राखीव विशेष सत्र असल्यामुळे उद्यासाठीची ऑनलाईन पूर्व नोंदणी बंद ठेवण्यात येणार आहे.
महिलांनी जास्तीत जास्त लाभ घ्यावा
कोविड-19 विषाणू प्रतिबंधक लसीकरण अधिकाधिक वेगाने आणि सर्व स्तरातील नागरिकांपर्यंत नेण्यासाठी बृहन्मुंबई महानगरपालिका सातत्याने प्रयत्नशील आहे. त्यासाठी विविध घटकांकरिता विशेष सत्र राबविले जात आहेत. याचाच एक भाग म्हणून फक्त महिलांसाठी राखीव लसीकरण सत्र होणार आहे. या राखीव सत्राचा जास्तीत जास्त महिलांनी लाभ घ्यावा असे आवाहन महापालिकेने केले आहे.
दिवसभरात 532 नव्या कोरोनाग्रस्तांची नोंद
दरम्यान, मुंबईमध्ये कोरोना प्रतिबंधक लसीकरणाची मोहीम युद्धपातळीवर राबवली जात आहे. तसेच मुंबईत नागरिक कोरोना प्रतिबंधक नियमांचेदेखील पालन करत आहेत. याच कारणामुळे मुंबईतील कोरोना रुग्णांची संख्या आटोक्यात आहे. मुंबईत आज दिवसभरात 532 नव्या कोरोनाग्रस्तांची नोंद करण्यात आली. तर दिवसभरात 287 रुग्ण कोरोनामुक्त झाले. सध्या बरे झालेल्या रुग्णांची संख्या 723108 वर पोहोचली आहे. तर रुग्ण बरे होण्याचा दर हा 97 टक्क्यांवर पोहोचला आहे. सध्या मुंबईत 5017 सक्रिय रुग्ण आहेत. रुग्ण दुपटीचा कालावधी 1123 दिवसांवर जाऊन पोहोचला आहे
#CoronavirusUpdates
८ ऑक्टोबर, संध्या. ६:०० वाजता२४ तासात बाधित रुग्ण-५३२
२४ तासात बरे झालेले रुग्ण-२८७
बरे झालेले एकूण रुग्ण-७२३१०८
बरे झालेल्या रुग्णांचा दर-९७%एकूण सक्रिय रुग्ण-५०१७
दुप्पटीचा दर-११२३ दिवस
कोविड वाढीचा दर (१ ऑक्टोबर ते ७ ऑक्टोबर)-०.०६%#NaToCorona— माझी Mumbai, आपली BMC (@mybmc) October 8, 2021
इतर बातम्या :
ऊसाची FRP एकरकमीच मिळणार, पिषुय गोयल यांचं सदाभाऊ खोतांना आश्वासन
IPL 2021: आरसीबीचा चित्तथरारक विजय, भरत-मॅक्सवेल जोडीची तुफान खेळी, दिल्लीवर 7 गडी राखून विजय
Video | Dombivali | रिक्षा चालकाच्या वेषात चोरी करणारे गजाआड, मानपाडा पोलिसांची कारवाई#Dombivali #CCTV #Police #Crime
अन्य बातम्या, व्हिडीओ पाहा – https://t.co/BV9be230nv pic.twitter.com/WkK9A0C4RB
— TV9 Marathi (@TV9Marathi) October 8, 2021
(vaccination in mumbai will only for women on saturday)