मोठ्या अभिनेत्यांबद्दल बोललं की दिवसभर प्रसिद्धी, देवेंद्र फडणवीसांचा नाना पटोलेंना टोला

वेळ पडली तर रस्त्यावर उतरू. आता शिक्षकांचा अंत बघू नका, असं फडणवीस म्हणाले आहेत. (Devendra Fadnavis Teacher Protest Nana Patole )

देवेंद्र फडणवीस, विरोधी पक्षनेते

Yuvraj Jadhav | Updated on: Feb 18, 2021 | 3:12 PM

मुंबई : विधानसभेचे विरोधी पक्षनेते देवेंद्र फडणवीस आणि विधानपरिषेदेचे विरोधी पक्षनेते प्रविण दरेकर यांनी आझाद मैदानातील विनाअनुदानित शिक्षकांच्या आंदोलनस्थळी भेट दिली. देवेंद्र फडणवीस यांनी यावेळी महाविकास आघाडी सरकारवर टीकास्त्र सोडलं आहे. विनाअनुदानित शिक्षकांसंदर्भातील आमच्या सरकारचा निर्णय ठाकरे सरकारनं थांबवल्यानं शिक्षकांवर आंदोलन करण्याची वेळ आल्याचा आरोप फडणवीस यांनी केला. मोठ्या अभिनेत्याबद्दल बोललं की दिवसभर प्रसिद्धी मिळते, असा टोला देवेंद्र फडणवीसांनी नाना पटोलेंना लगावला आहे. (Devendra Fadnavis slams Maha Vikas Aghadi Government over teacher protest and Nana Patole )

नाना पटोलेंचे वक्तव्य प्रसिद्धीसाठी

नाना पटोलेंचं अमिताभ बच्चन आणि अक्षय कुमार यांच्या संदर्भातली विधान म्हणजे केवळ प्रसिद्धीसाठी आहे. एखाद्या मोठ्या अभिनेत्याबद्दल बोललं की दिवसभर प्रसिद्धी मिळते. म्हणजे बदनाम हुआ तो क्या हुआ नाम तो हुआ, असा टोला, देवेंद्र फडणवीस यांचा नाना पटोलेंना लगावला.

20 टक्के अनुदान 40 टक्के करणार होतो

देवेंद्र फडणवीस यांनी यावेळी बोलताना 20 टक्क्याचा निर्णय आम्ही घेतला होता. त्यामध्ये वाढ करून पुढे तो 40 टक्के करणार होतो. हा निर्णय जवळपास 60 टक्के झाला होता. पुढे काय झाल हे वेगळ सांगायची गरज नाही. सत्ता बदलली तस गोष्टी बदलल्या. आम्ही घेतलेला निर्णय सत्ता असती तर पुढे राबवता आला असता. इथ हजारो आंदोलन पाहिली आहेत पण आजवर इथे अस होत नव्हतं. आम्ही आंदोलनाची दखल घेत होतो. आंदोलनाकडे सरकारचं अजिबात लक्ष नाही. भाजपचा या आंदोलनाला संपूर्ण पाठिंबा आहे, असं देवेंद्र फडणवीस म्हणाले.

सरकार कोडगं

विनाअनुदानित शिक्षकांच्या अनुदानाचा प्रश्न आम्ही आजच्या बैठकीत मांडणार आहोत. जर अस झालम नाही अधिवेशन चालू देणार नाही. एकीकडे मुंबईच्या बिल्डरांना 5 हजार कोटींची सुट तर दुसरीकडे तिनशे ते चारशे कोटी रूपये नाहीत. वेळ पडली तर रस्त्यावर उतरू. आता शिक्षकांचा अंत बघू नका, असं फडणवीस म्हणाले आहेत.