धनंजय मुंडे माझे मित्र नाहीत; राजकीय मदतीचा प्रश्नच नाही: कृष्णा हेगडे

मुंबई: सामाजिक न्यायमंत्री धनंजय मुंडे हे माझे मित्र नाहीत. त्यामुळे त्यांच्या राजकीय मदतीसाठी धावून जाण्याचा प्रश्नच नाही, असं भाजपचे माजी आमदार कृष्णा हेगडे यांनी स्पष्ट केलं. रेणू शर्मा प्रकरण हे पॉलिटिक्समधील पहिलं मीटू प्रकरण असल्याचा दावाही हेगडे यांनी केला. (dhananjay munde is not my friend says krishna hegde)

रेणू शर्मा हिच्याविरोधात पोलिसांत तक्रार केल्यानंतर कृष्णा हेगडे यांनी आज मीडियाशी संवाद साधला. मुंडे प्रकरण कोर्टात आहे. त्यामुळे त्यावर मला फारसं भाष्य करायचं नाही. हे केवळ एक प्रकरण नाही. तर हा पॉलिटिक्सचा पहिला मीटू प्रकार आहे, असं हेगडे म्हणाले.

लांबूनच आभार मानतो

मी धनंजय मुंडेंना ओळखतो. त्यांना 2012मध्ये एकदाच भेटलो होतो. पण ते माझे मित्र नाहीत. त्यामुळे त्यांच्या राजकीय मदतीसाठी धावून जाण्याचा प्रश्नच येत नाही, असंही ते म्हणाले. रेणू शर्मा यांनी हेगडे यांचा आदर करत असल्याचं सांगितलंय. त्याबाबत हेगडे यांना विचारले असता, त्या माझ्या आदर करतात. त्याबद्दल मी त्यांचा आभारी आहे. पण आदर दुरूनच करा. मीही त्यांचे लांबूनच आभार मानतो, असंही ते म्हणाले.

दरम्यान, रेणू शर्मा यांनी आपण कृष्णा हेगडे यांचा आदर करत असल्याचं म्हटलं होतं. कृष्णा हेगडे, मनिष धुरी हे दोघे धनंजय मुंडे यांना राजकीय मित्र म्हणून मदत करत असतील. परंतु मी कृष्णा हेगडेंचा आदर करते, ते माझ्याकडे कुठल्या नजरेने बघतात हे मला माहीत नाही. मी मनिष धुरी यांना माझ्या अडकलेल्या अल्बम संदर्भात भेटले होते. त्यानंतर ते मला दारु पिऊन कॉल करायचे, असं रेणू यांनी सांगितलं.

भुजबळ म्हणाले…

राष्ट्रवादीचे नेते छगन भुजबळ यांनीही मुंडे यांच्याबाबत प्रतिक्रिया व्यक्त केली आहे. मुंडेंसंदर्भात पक्षाचे वरिष्ठ नेते बोलले आहेत. त्यावर मी फारसं बोलणार नाही. फक्त कुणावर अन्याय होऊ नये हे आपलं मत आहे, असं सांगतानाच त्या महिलेविरोधात चार पाच लोकांनी तक्रार केली आहे. यावरून जनतेला काय समजायचं ते समजलं आहे, असं भुजबळ म्हणाले. (dhananjay munde is not my friend says krishna hegde)

संबंधित बातम्या:

धनंजय मुंडे ओबीसी नेते, राष्ट्रवादीला काय सूचवायचंय?; भाजपची कोंडी?

मी कुठेही धनंजय मुंडेंच्या पक्षाचा, पदाचा उल्लेख केला नाही, मला कोणाचेही राजकीय करिअर खराब करायचे नाही : रेणू शर्मा

हेगडेंकडूनच माझ्याशी बोलायला सुरुवात, सरनाईकांच्या वाढदिवसाच्या पार्टीत भेटलो; रेणू शर्मांचा दावा

(dhananjay munde is not my friend says krishna hegde)