Corona : राज्यात 134 नवे कोरोना रुग्ण, आकडा 1895 वर

मुंबई : राज्यात कोरोनाचा विळखा (Maharashtra Corona Virus Update) दिवसेंदिवस वाढत चालला आहे. त्यातच मुंबईत कोरोनाने अक्षरश: थैमान घातलं आहे. आज मुंबईत कोरोनाचे 113 नवे रुग्ण आढळून आले आहेत. तर राज्यात एकूण 134 नवे रुग्ण आढळले आहेत. राज्यात कोरोनाची साखळी वाढू नये म्हणून काल मुख्यमंत्री उद्धव ठाकरे यांनी 21 दिवसांचं लॉकडाऊन वाढवण्याची घोषणा केली. आता 14 एप्रिल नाही (Maharashtra Corona Virus Update) तर 30 एप्रिलपर्यंत राज्यात लॉकडाऊन असणार आहे.

दुसरीकडे, राज्यात कोरोनाग्रस्तांची संख्या दिवसागणिक वाढत आहे. आज राज्यातील कोरोनाबाधितांची संख्या 1895 वर येऊन पोहोचली. आज राज्यात 134 नवे रुग्ण आढळले आहेत. तर यापैकी सर्वाधिक 113 नवे रुग्ण हे मुंबईत आढळले आहेत. तर मीरा-भायंदरमध्ये 7, पुण्यात 4, नवी मुंबई, (Maharashtra Corona Virus Update) ठाणे, वसई-विरारमध्ये प्रत्येकी 2, तर रायगड, अमरावती, भिवंडी, आणि पिंपरी चिंचवडमध्ये प्रत्येकी एक रुग्ण आढळला आहे.

टीव्ही9 इम्पॅक्ट : हिंदमाता पुलाखाली केईएम-टाटाच्या रुग्णांचे हाल, महापौरांकडून अखेर वांद्र्यात व्यवस्था https://t.co/gGX9JPgvzG

— TV9 Marathi (@TV9Marathi) April 12, 2020

काल राज्यात 17 कोरोनाबाधितांचा मृत्यू

काल राज्यात 17 कोरोना बाधित रुग्णांचा मृत्यू झाला आहे. यात मुंबईचे 12 तर पुणे येथील 2, सातारा, धुळे आणि मालेगाव येथील प्रत्येकी 1 रुग्णांचा समावेश आहे. आज झालेल्या मृत्यूंपैकी 11 पुरुष तर 6 महिला आहेत. या 17 मृत्यूंपैकी 6 जण हे 60 वर्षांवरील आहेत, 8 रुग्ण हे वय वर्षे 40 ते 60 या वयोगटातील आहेत, तर 3 जण 40 वर्षांपेक्षा लहान आहेत. मृत्यूमुखी पडलेल्या 17 पैकी 16 रुग्णांमध्ये (94 टक्के) मधुमेह, उच्च रक्तदाब, अस्थमा, हृदयरोग अशा स्वरुपाचे अतिजोखमीचे आजार आढळले आहेत. यापैकी दोघांमध्ये क्षयरोग (Maharashtra Corona Virus Update) हा आजारही होता.

लॉकडाऊन 30 एप्रिलपर्यंत वाढवलं, मुख्यमंत्र्यांकडून घोषणा

मुख्यमंत्री उद्धव ठाकरे (CM Uddhav Thackeray) यांनी काल पंतप्रधान नरेंद्र मोदी यांच्यासोबत झालेल्या व्हिडीओ कॉन्फरन्सनंतर राज्यातील जनतेशी संवाद साधला. त्यावेळी त्यांनी लॉकडाऊन 16 दिवसांनी वाढवत असल्याचं जाहीर केलं. त्यामुळे आता राज्यात 14 एप्रिल नाही तर 30 एप्रिलपर्यंत लॉकडाऊन असणार आहे. कोरोनाचा धोका पाहता तो आणखी पसरु नये यासाठी हा निर्णय घेण्यात आला आहे.

कोरोनाचे कुठे किती रुग्ण? पाहा संपूर्ण यादी